អ្នកខេត្តកំពង់ឆ្នាំង សូមប្រុងប្រយ័ត្នឲ្យបានខ្ពស់

ខេត្តកំពង់ឆ្នាំង នៅល្ងាចថ្ងៃទី១៧ ខែមេសានេះ លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងបានឲ្យដឹងថា កម្មការនីម្នាក់ឈ្មោះ ហង់ ស៊ីម អាយុ៤២ឆ្នាំ មានវិជ្ជមានកូវីដ ១៩ មិនដឹងធ្វើការនៅរោងចក្រណាទេក្នុងខេត្តកំពង់ឆ្នាំង ។ប៉ុន្តែទីលំនៅគាត់នៅក្នុងភូមិត្រពាំងថ្លឹង សង្កាត់ចោមចៅ ១ ខណ្ឌសែនជ័យ ក្រុង ភ្នំពេញ ឯណោះទេ ព្រោះពេលទៅធ្វើតេស្តឈាមនៅភ្នំពេញកា លពីថ្ងៃទី១៥ ខែ មេសានេះ គាត់ឆ្លើយថាគាត់ធ្វើការនៅរោងចក្រក្នុងខេត្តកំពង់ឆ្នាំង។ចំណែកលទ្ធផលនៃការធ្វើ តេស្តឈាមចេញនៅថ្ងៃ ទី១៧ ខែមេសានេះបញ្ជាក់ថាគាត់មានវិជ្ជាមានកូវីដ១៩ តែលេខ ទូរស័ព្ទដែលគាត់ផ្ដល់ឱ្យក្រុមគ្រូពេទ្យ ០៩៦ ៣០២ ១០៨៩ តេមិនចូលឡើយ ។

ដូច្នេះមន្ទីរសុខាភិបាលនិងអាជ្ញាធរខេត្តកំពង់ឆ្នាំងសូមអំពាវនាវដល់ប្រជាពលរដ្ឋរស់នៅក្នុងខេត្តកំពង់ ឆ្នាំង ដែលមានបងប្អូនធ្វើការនៅតាមរោងចក្រសូមមេត្តាប្រុងប្រយ័ត្ននិងត្រូវចូលរួមទាំងអស់គ្នាអនុវត្តន៍ឲ្យបានបាន៣កុំ ៣ការពារ និងអនុវត្តតាមការណែនាំរបស់ក្រសួងសុខាភិបាល ឲ្យបានខ្ជាប់ខ្ជួនទើបជាផុតការវាយប្រហារនៃជម្ងឺដ៏កាចសាហាវ កូវីដ១៩ ។

អត្ថបទ៖ ឈៀងថារិទ្ធ