ព័ត៌មានជាតិ
នគរបាលខេត្តកែបបញ្ជូនជនសង្ស័យ៣នាក់ទៅតុលាការពីបទជួញដូរ និងប្រើប្រាស់សារធាតុញៀន
ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកែប នៅពីថ្ងៃទី២១ ខែមេសា ឆ្នាំ២០២១ បានបញ្ជូនជនសង្ស័យពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀនចំនួន០៣នាក់ ទៅសាលាដំបូងខេត្តកំពត ដើម្បីចាត់ការតាមនីតិវិធីច្បាប់បន្ត។
ជុំវិញករណីខាងលើ សមត្ថកិច្ចដោយអនុវត្តន៍តាមផែនការ និងការដឹកនាំចង្អុលបង្ហាញពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប កាលពីល្ងាចថ្ងៃទី១៩ ខែមេសា ឆ្នាំ២០២១ កម្លាំងការិយាល័យប្រឆាំងគ្រឿងញៀន សហការជាមួយកម្លាំងអន្តរាគមន៍ពិសេស នៃស្នងការនគរបាលខេត្តកែប ដឹកនាំដោយលោក វរសេនីយ៍ទោ សូ បញ្ញា ស្នងការរងផែនការងារប្រឆាំងគ្រឿងញៀន បានពួនស្ទាក់ចាប់មុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន ១ករណី ឃាត់ជនសង្ស័យចំនួន១នាក់ នៅភូមិដំណាក់ចង្អើរ សង្កាត់ព្រៃធំ ក្រុកែប ខេត្តកែប និងបន្តនីតិវិធីចាប់បក្ខពួកចំនួន២នាក់ទៀត នៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។
ករណីខាងលើនគរបាលយើងដកហូតជាក់ស្តែងបានម្សៅក្រាមព៌ណសថ្លា ៥កញ្ចប់ ទម្ងន់៣.៤៩ក្រាម(ថ្លឹងទាំងថង់), ម៉ូតូ១គ្រឿង, ខ្សែក១ខ្សែ(លោហៈធាតុព៌ណលឿង), នាឡិកាដៃ១គ្រឿង និងទូរសព្ទដៃ៤គ្រឿង។
ជនសង្ស័យដែលឃាត់ខ្លួនរួមមាន៖ ១-ឈ្មោះ សោម ពោទី ភេទប្រុស អាយុ២៤ឆ្នាំ ជាកម្មករសំណង់។ ២-ឈ្មោះ គឹម សុវណ្ណថា ភេទប្រុស អាយុ១៤ឆ្នាំ ជាកម្មករសំណង់។ទាំង២នាក់រស់នៅភូមិស្នំប្រាំពីរ ឃុំម៉ាក់ប្រាំង្គ ស្រុកទឹកឈូ ខេត្តកំពត។ ៣-ឈ្មោះ អ៊ា សុវណ្ណដារ៉ា ភេទប្រុស អាយុ២៦ឆ្នាំ ជាសិស្ស រស់នៅភូមិ១ឧសភា ឃុំកំពង់កណ្តាល ស្រុកទឹកឈូ ខេត្តកំពត។
ក្រោយការចាប់ខ្លួនយើងបាននាំជនសង្ស័យមកកាន់ស្នងការដ្ឋាននគរបាលខេត្ត ដើម្បីបន្តនីតិវិធី និងបានកសាងសំណុំរឿងដើម្បីបញ្ជូនទៅសាលាដំបូងខេត្តកំពតចាត់ការបន្តរួចហើយ៕
អត្ថបទ៖ សេង ណារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត