ព័ត៌មានជាតិ

គិតត្រឹមព្រឹកថ្ងៃទី៨ឧសភានេះ ខេត្តកំពង់ស្ពឺមានអ្នកឆ្លងកូវីដ ១៩កើនឡើងដល់ជាង១០០នាក់និងស្លាប់៥នាក់

បានផុស

៤ years មុន

នៅ

ថ្ងៃសៅរ៍ ៨ ឧសភា ២០២១

ដោយ

លោក វេជ្ជបណ្ឌិត អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ បានមានប្រសាសន៍នៅព្រលប់ថ្ងៃទី៨ឧសភានេះថា គិតត្រឹមព្រឹកថ្ងៃទី៨ឧសភា ឆ្នាំ២០២១ ខេត្តកំពង់ស្ពឺមានអ្នកឆ្លងជំងឺកូវីដ ១៩សរុបចំនួន១១៥នាក់ ក្នុងនោះស្លាប់ចំនួន៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត បានបន្តថា ក្នុងចំណោមអ្នកជំងឺចំនួន១១៥នាក់នោះមាន៤នាក់បានបញ្ជូនទៅព្យាបាលបន្តនៅរាជធានីភ្នំពេញនិងនៅសល់អ្នកជំងឺចំនួន១០៦នាក់កំពុងសម្រាកព្យាបាលនៅមន្ទីរពេទ្យខេត្តកំពង់ស្ពឺ។ លោកវេជ្ជបណ្ឌិត បានបន្តទៀតថា ក្រៅពីនេះមានអ្នកកំពុងធ្វើចត្តាឡីស័កចំនួន១០១៩នាក់ និងបានយកសំណាកចំនួន៥០នាក់ទៅធ្វើតេស្តរកជំងឺកូវីដ ១៩ផងដែរ។

គួរបញ្ជាក់ថា គិតត្រឹមព្រឹក ថ្ងៃទី០៨ ខែឧសភា ឆ្នាំ២០២១កម្ពុជាមានអ្នកឆ្លងជំងឺកូវីដ ១៩ចំនួន១៨៧១៧នាក់អ្នកជាសះស្បើយចំនួន៧៣៤០នាក់និងអ្នកស្លាប់បាត់បង់ជីវិតចំនួន១១៤នាក់៕

ដោយ ៖ សំអឿន