ព័ត៌មានជាតិ
ភូមិបិទខ្ទប់១៩ភូមិហើយ ទូទាំងខេត្តកំពង់ចាម ដេីម្បីកាត់ខ្សែចម្លងជំងឺកូវីដ-១៩
កំពង់ចាម ៖ ដើម្បីកាត់ផ្តាច់ខ្សែចម្លងនៃការឆ្លងរីករាលដាលជំងឺកូវីដ-១៩ក្នុងព្រឹត្តិការណ៍២០កុម្ភៈ សម្រាប់ភូមិសាស្ត្រខេត្តកំពង់ចាម ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានជំរុញដល់មន្ត្រីតាមមូលដ្ឋានត្រូវយកចិត្តទុកដាក់ខ្ពស់ចំពោះពលរដ្ឋដែលចំណូលស្រុក ឬមកពីតំបន់ហានិភ័យ មករស់នៅក្នុងភូមិសាស្ត្រខេត្ត ត្រូវធ្វើយ៉ាងណាសួរនាំនូវព័ត៌មានដើម្បីអាជ្ញាធរធ្វើចត្តាឡីស័ក និងឲ្យក្រុមគ្រូពេទ្យធ្វើការយកសំណាក តេស្តរកវីរុសកូវីដ១៩។
ជាក់ស្ដែង នៅព្រឹក ថ្ងៃទី១០ខែឧសភានេះ ក្រោយពីមានករណីរកឃើញអ្នកវិជ្ជមានកូវីដ១៩ ចំនួន៨នាក់មក ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានចុះត្រួតពិនិត្យការបិទខ្ទប់ ភូមិអកទៀង ស្ថិតនៅឃុំតាំងក្រាំង និងទីតាំងរោងចក្រមួយកន្លែងទៀតក្នុងស្រុកបាធាយ។
ដោយគិតមកដល់ថ្ងៃទី១០ ខែឧសភានេះ រដ្ឋបាលខេត្តកំពង់ចាម បានសម្រេចបិទខ្ទប់ ភូមិសរុបចំនួន ១៨ និងឃុំចំនួន ៤ឃុំ ពោលគឺដើម្បីទប់ស្កាត់ការរីករាលដាល ជំងឺកូវីដ ១៩ ក្នុងព្រឹត្តិការណ៍សហគមន៍ ២០ កុម្ភៈ ហើយ ជាមួយនោះក៏បានសម្រេច ដាក់ឲ្យដំណើរការឡើងវិញ ភូមិចំនួន បួនភូមិ មានក្នុង ស្រុកស្រីសន្ធរ, ស្រុកបាធាយ និងស្រុកកងមាស។
ចំណែកតួលេខ អ្នកជំងឺកូវីដ ១៩ គិតត្រឹមថ្ងៃទី ៩ ឧសភា នេះ បានកើនឡើងសរុបដល់ ចំនួន ១៥៤ នាក់ បច្ចុប្បន្នកំពុងសម្រាកព្យាបាលនៅមន្ទីរមេគង្គកំពង់ចាម និងមានអ្នកជាសះស្បើយ ចំនួនជាង ៤០ នាក់ និងមានអ្នកស្លាប់១នាក់ដោយសារជំងឺកូវីដ១៩នេះផងដែរ៕
អត្ថបទ និង រូបភាព លោក ហុង ម៉េងហៀ
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
បច្ចេកវិទ្យា៣៨ នាទី ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានអន្ដរជាតិ១ សប្តាហ៍ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ២ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៦ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៧ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស