ព័ត៌មានជាតិ

អាជ្ញាធរនិងសមត្ថកិច្ច ខណ្ឌមានជ័យខិតខំបង្ក្រាបល្បែងស៊ីសង ពុំបានឃុបឃិតឡើយ

Published

2 months ago

November 16, 2020

ថ្មីៗនេះប្រភពព័ត៌មានចេះតែយករូបភាពចាស់ៗ យកមកបង្ហោះ ដើម្បីមួលបង្កាច់សមត្ថកិច្ចនិងអាជ្ញាធរខណ្ឌមានជ័យថា បានឃុបឃិតជាមួយអ្នកញៀនល្បែងស៊ីសងឲ្យមកបើកលេង ក្នុងមូលដ្ឋានជាថ្នូរនិងលុយកាក់។

ជាក់ស្តែងប្រភពមួយចំនួន ចេះតែយករូបភាពនៅទីតាំងបញ្ជល់មាន់ ក្នុងភូមិសាស្ត្រសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ដោយដាក់ថា អាជ្ញាធរនិងសមត្ថកិច្ចខណ្ឌមានជ័យបើកដៃឲ្យលេងភ្នាល់នេះ ប៉ុន្តែធាតុពិតជារូបចាស់ទេ។ តាមប្រភពពីលោកវរសេនីយ៍ត្រី ឯម ភារី នាយនគរបាលប៉ុស្តិ៍ស្ទឹងមានជ័យ៣ បានអះអាងថា រូបថតនៅក្នុងព័ត៌មានដែលគេយកទៅបង្ហោះ គឺជារូបចាស់ មុនពេលដែលសមត្ថកិច្ចចុះទៅបង្ក្រាប។ នាយប៉ុស្តិ៍រូបនេះបន្តថា ទីតាំងនេះ គឺសមត្ថកិច្ច ក៏ធ្លាប់ចាប់អ្នកសារព័ត៌មានប្រមាណជាង១០នាក់ទៀតផង ហើយបើសិនជាហ៊ានលបបើកលេងបន្ត គឺសមត្ថកិច្ចមិនលើកលែងឡើយ។

ទាក់ទិនទៅនិងរឿងរ៉ាវបើកល្បែងស៊ីសងនេះ លោក ពេជ្រ កែវមុនី អភិបាលខណ្ឌមានជ័យបានប្រាប់ថា លោកមិនបានឃុបឃិតជាមួយក្រុមអ្នកបើកទីតាំងល្បែងស៊ីសងឡើយ ហើយលោកស្អប់ណាស់ នៅរឿងល្បែងស៊ីសង ខណៈរូបលោកមិនដែលចេះលេងផង។ លោកអភិបាលខណ្ឌ បានបញ្ជាក់ថា លោកនិងចាត់ការតាមផ្លូវច្បាប់ ចំពោះបុគ្គលណាមួយ ដែលចោតរូបលោក ថាបាននៅពីក្រោយខ្នង ក្រុមអ្នកបើកល្បែងស៊ីសងនោះ។ ក្នុងនោះលោកសំណូមពរដល់បងប្អូនប្រជាពលរដ្ឋ ក្នុងមូលដ្ឋានខណ្ឌមានជ័យ សូមធ្វើការរាយការណ៍មករូបលោក នៅទីតាំងបើកល្បែងស៊ីសងនឹងទីតាំងប្រព្រឹត្តិបទល្មើសផ្សេងៗ ដើម្បីលោកចាត់វិធានការបង្ក្រាបឲ្យទាន់ពេល៕

អត្ថបទ៖ នរា

សូមចុចអាន៖ បង្ក្រាបករណីជួញដូរ និងប្រើប្រាស់គ្រឿងញៀន ០៨នាក់