ព័ត៌មានជាតិ

ផ្លូវ៣៤ខ្សែ នឹងសាងសង់រួចរាល់ នៅមុនពិធីបុណ្យចូលឆ្នាំខ្មែរ ខាងមុខនេះ

បានផុស

៣ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

ការស្ថាបនាផ្លូវថ្នល់៣៤ខ្សែ នៅក្នុងក្រុងព្រះសីហនុ កំពុងដំណើរការយ៉ាងមមាញឹកជាធម្មតា នឹងអាចបញ្ចប់ការសាងសង់ជាស្ថាពរ នៅមុនឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំ២០២១ នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាង ភារម្យ អ្នកនាំពាក្យរដ្ឋបាលខេត្ត បានបញ្ជាក់ថា ទោះបីមានឧបសគ្គដោយ សារជំងឺកូវីដ១៩ យ៉ាងណាក៏ដោយ ក៏សកម្មភាពក្រុមការងារស្ថាបនា នៅតែបន្តដោយមិនមាន ការឈប់សម្រាកសកម្មភាពនោះឡើយ ហើយនៅក្នុងរង្វង់ខែ១២ ឆ្នាំ២០២០ នេះនឹង រៀបចំចាក់កៅស៊ូគ្រប់ផ្លូវទាំង ៣៤ ខ្សែនឹងឲ្យហើយរួចរាល់ នៅមុនឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំ ២០២១ នាពេលខាងមុខនេះ។

គួរបញ្ជាក់ផងដែរថា មកដល់បច្ចុប្បន្ននេះ ស្ថានភាពការស្ថាបនាផ្លូវ ទាំង៣៤ខ្សែ ដែលរាជរដ្ឋាភិបាលទម្លាក់កញ្ចប់ថវិកា ក្នុងការស្ថាបនាកែលម្អសោភ័ណភាពនិងបរិស្ថានតំបន់ឆ្នេរក្រុងព្រះសីហនុ បាននិងកំពុងដំណើរការយ៉ាងមមាញឹក ទោះបីជាស្ថានភាពជំងឺកូវីដ១៩ កំពុងរីករាលដាលជាសកលនៅទូទាំង ពិភពលោក ហើយព្រះរាជាណាចក្រកម្ពុជា ក៏ជួបបញ្ហាជំងឺនេះដែរ។ តែទោះជាយ៉ាងណា ក្រុមការងារស្ថាបនាអភិវឌ្ឍន៍ខេត្ត នៅតែបន្តសកម្មភាពរបស់ខ្លួនយ៉ាងមមាញឹកជាធម្មតា ដោយក្រុមម៉ៅការ ចំនួន៨ក្រុមហ៊ុន។

ដោយក្នុងនោះ ការចាក់បេតុង បានរួចរាល់ ១០០ភាគរយ និង កំពុងបន្តក្រាលខឿនថ្មក្រានីត រួចរាល់ក្នុងរង្វង់បានជាង ០៩ភាគរយ, កម្រាលថ្ម ក្រានីត បានជាង ៨០ភាគរយ បំពាក់អំពូលភ្លើង បានជាង ៩០ភាគរយ, បង្គោលភ្លើង បានជាង ៩០ ភាគរយ, ដាំដើមឈើបានជាង៧០ភាគរយ និងលូរណប បានជាង៩០ភាគរយ នឹងនៅបំពាក់កាមេរ៉ាសុវត្ថិភាពគូសគំនូសចរាចរណ៍, រៀបចំបន្ទប់អនាម័យនៅតាមតំបន់ឆ្នេរ ដើម្បីមានភាពងាយស្រួល ក្នុងការគ្រប់គ្រងសភាពការណ៍និងអនាម័យបរិស្ថានតំបន់ឆ្នេរឲ្យមានសោភ័ណភាព និងមានភាពងាយស្រួល សម្រាប់បងប្អូនប្រជាពលរដ្ឋភ្ញៀវទេសចរជាតិនិងអន្តរជាតិមកលេងកម្សាន្ត៕

អត្ថបទ៖ កោះពស់

សូមចុចអាន៖ ការនាំចេញនាំចូល របស់តំបន់សេដ្ឋកិច្ចពិសេស ក្រុងព្រះសីហនុ កើនឡើង៣១% សរុបជាង ១៣០០លានដុល្លារ