ក្រសួងសុខាភិបាលក្រើនរំលឹកពីការកើនឡើងនៃជំងឺគ្រុនឈីក
Connect with us
Helistar Cambodia - Helicopter Charter Services

ព័ត៌មានជាតិ

ក្រសួងសុខាភិបាលក្រើនរំលឹកពីការកើនឡើងនៃជំងឺគ្រុនឈីក

បានផុស

នៅ

ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្ដីជូនដំណឹងក្រើនរំលឹក​ស្ដីពីការ​កើន​ឡើងនៃ​ជំងឺគ្រុនឈីក​នៅកម្ពុជា ដែលគិតត្រឹមថ្ងៃទី០៩ ខែមិថុនា ឆ្នាំ២០២១នេះ មានករណីសង្ស័យ​ជំងឺ​គ្រុន​ឈីកចំនួន៥១៤នាក់ ដែលបានរាយការណ៍ដោយប្រព័ន្ធឃ្លាំមើលជំងឺគ្រុនឈីក​ពីចំនួន១៣​ទី​តាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្ដីជូនដំណឹង ក្នុងនោះ៨៦%​ នៃករណីទាំងនេះ មកពីខេត្តរតនគីរី មណ្ឌលគីរី បាត់ដំបង និងខេត្តក្រចេះ។ ការចម្លងជំងឺគ្រុនឈីកមានសមាមាត្រខុសគ្នា តាមក្រុមអាយុ និងយោងតាម​របាយការណ៍បានបញ្ជាក់ថា ៦៤,៥២% (៣៣១នាក់) ជាមនុស្សពេញវ័យ ២៦,៧១%​(១៣៧នាក់) ជាកុមារ និង៨,៧៧% (៤៥នាក់)ជាកុមារអាយុក្រោម៥ឆ្នាំ។

ជាការកត់សម្គាល់ ក្នុងចំណោមមនុស្សធំ អ្នកជំងឺភេទស្រីមាន៤៩,៤២% (២៦០នាក់) និងភេទប្រុស​ដែល​មាន​៥០,៥៨% (២៥៤នាក់) ក្នុងចំណោមអ្នកជំងឺសរុបទាំងអស់បានជាសះស្បើយ និងមិនមាន​ករណីស្លាប់នោះទេ។

ជាមួយគ្នានេះ ឯកឧត្ដមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ក៏បានអំពាវនាវ​ក្រសួង មន្ទីរ ឬអង្គភាពពាក់ព័ន្ធ អង្គការសុភាពពិភពលោក អង្គការមិនរដ្ឋាភិបាល សហគមន៍ជាតិ និងអន្តរជាតិទាំងអស់ ចូលរួមជួយអន្តរាគមន៍ និងសហការណ៍ពេញលេញ ព្រមទាំងបន្តជួយឧបត្ថម្ភ​គាំទ្រក្នុងការចូលរួមជាមួយកម្មវីធីជាតិ ប្រយុទ្ធប្រឆាំងជំងឺគ្រុនឈាម នៃមជ្ឈមណ្ឌលជាតិប្រយុទ្ធ​ប្រឆាំង​ជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ របស់ក្រសួងសុខាភិបាល ក៏ដូចជាជួយ​ដល់​មន្ទីរសុខាភិបាលរាជធានី-ខេត្ត ដើម្បីទប់ស្កាត់ការចម្លងជំងឺគ្រុនឈីក នៅតាមសហគមន៍ឲ្យ​កាន់​តែមានប្រសិទ្ធភាពខ្ពស់ ដើម្បីចៀសផុតពីជំងឺគ្រុនឈីកដែលនឹងផ្ទុះឡើងនៅពេលខាង​មុខ​នេះ៕

អត្ថបទ ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៥ ម៉ោង មុន

បន្ទាន់ទាំងយប់ រដ្ឋាភិបាល​ប្រកាស​បិទ​ខ្ទប់​ខេត្ត​ជាប់ព្រំដែន​ថៃ​ទាំងអស់ និង​ខេត្ត​សៀមរាប

កូវីដ-១៩៥ ម៉ោង មុន

កម្ពុជា​សម្រេច​បិទ​ខេត្ត​ជាប់​ព្រំដែន​ថៃ ក្រោយ​រក​ឃើញ​ឆ្លង​មេរោគកូវីដ១៩ បម្លែងថ្មី Delta ចូលសហគមន៍

កូវីដ-១៩៦ ម៉ោង មុន

ខេត្តកំពង់ឆ្នាំង​រក​ឃើញ​អ្នក​វិជ្ជមាន​ថ្មី​កូ​វីដ​១៩​ថ្មី ៦៥ នាក់ នៅ​ថ្ងៃទី ២៧ ខែកក្កដា

ព័ត៌មានជាតិ៦ ម៉ោង មុន

ពស់ថ្លាន់​២៦​ក្បាល​ ត្រូវ​មន្ត្រី​ឧទ្យាន​នុរក្ស​សហការ​ជាមួយ​ក្រុម​អន្តរាគមន៍​ប្រលែង​ចូល​ព្រៃ​អភិរក្ស​ធម្មជាតិ​ក្នុង​ឃុំ​ផ្លូវ​ទូក

ព័ត៌មានជាតិ៦ ម៉ោង មុន

កម្ពុជារកឃើញ​អ្នក​ចាក់​វ៉ាក់សាំង​ការពារកូវីដ-១៩ លើក​ទី៧លាន ស្មើនឹង៧០ភាគរយ នៃប្រជាជន

Sokha Hotels

ព័ត៌មានពេញនិយម

Helistar Cambodia - Helicopter Charter Services