​ប្រវត្តិ​​​នាយកវិទ្យាស្ថានតេជោ​សែន សាធារណការ ធ្លាប់​បួស​ជា​ព្រះសង្ឃជិត ២០ ឆ្នាំ​ បាន​បញ្ចប់​​​បរិញ្ញាបត្រ​ដល់​ទៅ​​ពីរ​ពី​អាមេរិក
Connect with us
Helistar Cambodia - Helicopter Charter Services

ព័ត៌មានជាតិ

​ប្រវត្តិ​​​នាយកវិទ្យាស្ថានតេជោ​សែន សាធារណការ ធ្លាប់​បួស​ជា​ព្រះសង្ឃជិត ២០ ឆ្នាំ​ បាន​បញ្ចប់​​​បរិញ្ញាបត្រ​ដល់​ទៅ​​ពីរ​ពី​អាមេរិក

បានផុស

នៅ

ព្រះមហាក្សត្រព្រះបាទ​នរោត្តម សីហមុនី បាន​ចេញ​ព្រះរាជក្រឹត្យត្រាស់បង្គាប់តែងតាំងមុខតំណែងលោក ហឿន សំនៀង ជានាយកវិទ្យាស្ថានតេជោសែនសាធារណការ និងដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម​ការ​បង្ហាញ​ពី​ជីវប្រវត្តិ​នាយកវិទ្យាស្ថានតេជោសែន សាធារណការ និងដឹកជញ្ជូន ធ្លាប់​បួស​ជា​ព្រះសង្ឃ និង​បាន​បញ្ចប់​ថ្នាក់បរិញ្ញាបត្រ​ចំនួន​ពីរ​នៅ​សាកលវិទ្យាល័យ​ពីរ​នៅ​អាមេរិក។

លោក ហឿន សំនៀង បានបញ្ចប់ការសិក្សាថ្នាក់បរិញ្ញាបត្រជាន់ជាន់ខ្ពស់ជំនាញរដ្ឋបាលសាធារណ: ពី​សកលវិទ្យាល័យ​ហាវឺដ (Harvard University, Kennedy School of Governemnt 2013) សហរដ្ឋអាមេរិក និងបរិញ្ញាបត្រជំនាញគ្រប់គ្រង​ពីសាកលវិទ្យាល័យសិនអែមប្រុស (St. Ambrose University) រដ្ឋអាយូវ៉ា សហរដ្ឋអាមេរិក។ កាលនោះ លោកនៅជាព្រះសង្ឃនៅឡើយ។

លោក ហឿន សំនៀង ជាស្ថាបនិក និងជាអតីតនាយកប្រតិបត្តិសមាគមជីវិត និងក្តីសង្ឃឹម មានទីតាំងនៅវត្តដំណាក់ ខេត្តសៀមរាប ដែលបានជួយកុមារកំព្រា កុមារគ្រួសារក្រីក្រ យុវជនយុវតី ស្ត្រីរងគ្រោះ និងងាយរងគ្រោះ ឱ្យមានជំនាញ និងបានចូលរៀនសិក្សាចប់ថ្នាក់ឧត្តមសិក្សា តាមរយ:គម្រោងនានារបស់សមាគម រួមមានសាលាបណ្តុះបណ្តាលវិជ្ជាជីវ:កាត់ដេរ គម្រោងលើកកំពស់សម្រាប់សិស្សស្រីក្រីក្រកម្រិតវិទ្យាល័យ សាលាភាសារបរទេសវត្ដដំណាក់ ភូមិកុមារអភិវឌ្ឍន៍(មណ្ឌលក្មេងកំព្រា) និងគម្រោងអាហារូបករណ៍សម្រាប់ព្រះសង្ឃ។

សូមបញ្ជាក់ដែរថា វិទ្យាស្ថានតេជោសែនសាធារណាការ និងដឹកជញ្ជូន ជាវិទ្យាស្ថានបណ្តុះបណ្តាលជំនាញសាងសង់ផ្លូវ និងស្ពាន ក៏ដូចហេដ្ឋារចនាសម្ព័ន្ធនានាលើកដំបូងនៅកម្ពុជា ដែល​បាន​បើក​សម្ពោធជាផ្លូវការ​នៅ​ថ្ងៃទី២២ ខែមករា ឆ្នាំ២០២១ ក្រោមអធិបតីភាពដ៍ខ្ពង់ខ្ពស់បំផុតរបស់សម្តេចតេជោ ហ៊ុន សែន។

វិទ្យាស្ថាននេះ នឹងបង្កើតបាននូវធនធានមនុស្សថ្មីលើជំនាញសាងសង់ហេដ្ឋារចនាសម្ព័ន្ធផ្លូវថ្នល់ ស្ពាន ក៏ដូចជាកំពង់ផែជាដើម ហើយ​រយៈពេល៤ ទៅ៥ឆ្នាំក្រោយ កម្ពុជានឹងមានវិស្វករជាកូនខ្មែរកាន់តែច្រើនសម្រាប់សាងសង់ផ្លូវថ្នល់ និងស្ពានដោយខ្លួនឯង។

ដំណើរការ​បណ្តុះបណ្តាល​នៅ​វិទ្យាស្ថាន​តេជោ​សាធារណការ និង​ដឹក​ជញ្ជូន ​ក៏​មាន​ការ​សហការ​ជាមួយវិទ្យាស្ថានបច្ចេកវិទ្យាកម្ពុជា (តិចណូ) ដើម្បីធានាបាននូវគុណភាព និងប្រសិទ្ធភាពនៃការអប់រំ។ បន្ថែមពីលើនោះ វិទ្យាស្ថានបានប្រមូលសាស្ត្រាចារ្យជំនាញមកបណ្តុះបណ្តាល និងបំពាក់ប្រព័ន្ធបច្ចេកទំនើបៗក្នុងការផ្តល់ចំណេះដឹងដល់និស្សិត។ វិទ្យាស្ថាន បានបង្កើតឱ្យឧបករណ៍ សម្ភារ និងមន្ទីរពិសោធន៍លើវិស័យស្ពាន និងថ្នល់ សម្រាប់ផ្តល់នូវការយល់ដឹងដល់និស្សិតឱ្យកាន់តែប្រសើរផងដែរ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ភោជនីយដ្ឋាន​-​អាហារដ្ឋាន ដែល​អាច​ធានា​បាន​នូវ​វិធាន​សុវត្ថិភាព ផ្នែក​សុខាភិបាល អាច​ដំណើរការ អាជីវកម្ម​ជា​ប្រក្រតី និង​អាច​ទទួល​អតិថិជន​ឱ្យ​ចូល​មក​ទទួលទាន​ក្នុង​បរិ​វណ​ទីតាំង​បាន

ព័ត៌មានជាតិ១ ម៉ោង មុន

លោក សិទ្ធិ ឡោះ​ យក​អំណោយ​ចែក​ដល់​កម្លាំង​នគរបាល​តាម​ព្រំដែន​កម្ពុជា​-​ថៃ​ដែល​កំពុង​ឈរជើង​បិទ​ខ្ទប់​ព្រំប្រទល់​ស្រុក​ថ្មពួក

ព័ត៌មានខ្លីៗ២ ម៉ោង មុន

ភ្នំពេញ​ប្រកាស​រកឃើញ​វីរុស​កូវីដ​បំប្លែង​ខ្លួន​ថ្មី ៥ នាក់​ទៀត

កូវីដ-១៩២ ម៉ោង មុន

កម្ពុជាមានអ្នកឆ្លងជំងឺកូវីដ-១៩កើនឡើងដល់ជិត៨ម៉ឺននាក់ និងស្លាប់ជិត១,៥០០នាក់

កីឡា២ ម៉ោង មុន

ដឹង​អ្វី​ខ្លះ​ពី​ម្ចាស់​ខ្សែ​ក្រវាត់​មួយ​ថៃ ONE Strawweight  ​ថ្មី Prajanchai?

Sokha Hotels

ព័ត៌មានពេញនិយម

Helistar Cambodia - Helicopter Charter Services