Connect with us

ព័ត៌មានជាតិ

វិស័យទឹកស្អាតនឹងគ្របដណ្តប់ស្ទើរទូទាំងប្រទេសនៅឆ្នាំ២០២៥ គ្រប់ទីប្រជុំជន នឹងទទួលទឹកស្អាតប្រេីប្រាស់១០០%

បានផុស

នៅ

លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ បានថ្លែងថា វិស័យទឹកស្អាតកំពុងគ្របដណ្តប់ស្ទើរទូទាំងប្រទេស ក្នុងដំណាក់កាលផ្សេងៗគ្នា ហើយគម្រោងនេះពិតជាបានរួមចំណែកជាមួយក្រសួងក៏ដូចជារាជរដ្ឋាភិបាលកម្ពុជា ដែលកំណត់ថា នៅឆ្នាំ២០២៥ ទីប្រជុំជននឹងទទួលទឹកស្អាតប្រេីប្រាស់១០០% និងនៅឆ្នាំ២០៣០ ទទួលបានទូទាំងប្រទេសតាមគ្រប់មធ្យោបាយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកិត្តិសេដ្ឋាបណ្ឌិត ចម ប្រសិទ្ធ ថ្លែងបែបនេះនាថ្ងៃម្សិលមិញក្នុងពិធីទទួលផែនទីតំបន់សេវាទឹកស្អាតពីកម្មវិធី3i អូស្ត្រាលី រវាងលោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកPablo Kang ឯកអគ្គរដ្ឋទូត អូស្ត្រាលី ប្រចាំកម្ពុជានៅទីស្តីការក្រសួង។

លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានវាយតម្លៃខ្ពស់ចំពោះការអនុវត្ត គម្រោង កម្មវិធី3i របស់ ប្រទេស អូស្ត្រាលី ។ ក្នុង នោះ លេីវិស័យទឹកស្អាតឃេីញថា កំពុង គ្រប ដណ្តប់ ស្ទើរ ទូទាំង ប្រទេស ក្នុង ដំណាក់កាល ផ្សេងៗ គ្នា ។ គម្រោង នេះពិតជាបានរួមចំណែកជាមួយ ក្រសួង ក៏ដូចជា រាជរដ្ឋាភិបាល កម្ពុជា ដែល កំណត់ ថា នៅឆ្នាំ ២០២៥ ទីប្រជុំជន នឹងទទួល ទឹកស្អាត ប្រេីប្រាស់ ១០០% និងនៅឆ្នាំ២០៣០ ទទួលបាន ទូទាំង ប្រទេស តាម គ្រប់ មធ្យោបាយ ។ ការទទួលបានផែនទីនាថ្ងៃនេះ គឺពិតជា មានសារៈសំខាន់ណាស់ដេីម្បីយេីងដឹងពីស្ថានភាព និងដេីម្បី តាមដានពីវឌ្ឍនភាពនៃការផ្គត់ផ្គង់ទឹកស្អាត ហេីយក៏ជាមូលដ្ឋានសម្រាប់ការពិនិត្យវាយតម្លៃ ក្នុង ផែនការសកម្មភាពរបស់យេីងផងដែរ ។

ជាមួយគ្នានេះ លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ក៏បាន ស្នេីឲ្យប្រទេសអូស្ត្រាលី បន្តការផ្តល់ជំនួយអភិវឌ្ឍ ជំនួយ បច្ចេកទេស ការ ផ្ទេរបច្ចេវិទ្យា ដូចជាជំនាញការធ្វេីបច្ចុប្បន្នភាពលេីផែនទីសេវាគ្របដណ្តប់ និងការ ពិនិត្យ លទ្ធភាពផ្តល់ជំនួយបច្ចេកទេសចំពោះការបំពាក់ ប្រព័ន្ធ Sensor សម្រាប់ ត្រួតពិនិត្យ គុណភាព ទឹក ប្រចាំ ថ្ងៃ ផងដែរ ។

លោកPablo Kang ឯកអគ្គរដ្ឋទូត អូស្ត្រាលី ប្រចាំកម្ពុជា បានលេីកឡេីងពីទំនាក់ទំនងល្អនៃកិច្ចសហប្រតិបត្តិការ និងបានបញ្ជាក់ពីជំហររបស់អូស្ត្រាលី ក៏ដូចជាបេសកកម្មរបស់កម្មវិធី 3i ក្នុងការចូលរួមចំណែកការអភិវឌ្ឍនតាមរយ:ការវិនិយោគក្នុងវិស័យហេដ្ឋារចនាសម្ព័ន្ធនៅកម្ពុជា ។ ក្នុងនោះ បានផ្តោតលេីហិរញ្ញប្បទានឥតសំណង សម្រាប់ ការអភិវឌ្ឍវិស័យទឹកស្អាត វិស័យ អគ្គិសនី ស្តង់ដារ ផលិតផល និងកសិ-កែច្នៃ ជាដេីម ។ ក្រៅពីនោះ ប្រទេសអូស្ត្រាលីក៏មានជំនួយអភិវឌ្ឍក្រោមក្របខណ្ឌ អាស៊ាន -អូស្ត្រាលី និងក្នុងក្របខណ្ឌមហាអនុតំបន់ទន្លេមេគង្គផងដែរ ។
ជាមួយ នឹង ការ ផ្តល់សារ:សំខាន់នៃផែនទី តំបន់ សេវាកម្ម ផ្គត់ផ្គង់ ទឹកស្អាត ពីកម្មវិធី3i ដែល បានរៀបចំពិធីប្រគល់-ទទួល នាថ្ងៃនេះ ឯកអគ្គរដ្ឋទូត អូស្ត្រាលី ក៏បាន បង្ហាញនូវជំហរគាំទ្រចំពោះសំណេីរលេីកឡេីងពីលោក កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ខាងលេី ដេីម្បី សម្រេចបាននូវគោលដៅអភិវឌ្ឍវិស័យទឹកស្អាតនៅកម្ពុជា ៕

អត្ថបទ ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម