ព័ត៌មានជាតិ

តាមចាប់ជនសង្ស័យម្នាក់ ក្រោយឃើញភិនភាគក្នុងកាមេរ៉ាសុវត្ថិភាព

បានផុស

៤ years មុន

នៅ

ថ្ងៃអង្គារ ២២ មិថុនា ២០២១

ដោយ

ជនសង្ស័យម្នាក់ត្រូវបានកម្លាំងនគរបាលប៉ុស្តិ៍បឹងរាំង នៃអធិការដ្ឋាននគរបាលខណ្ឌដូនពេញឃាត់ខ្លួនកាលពីវេលា១៣និង៣០នាទីថ្ងៃទី២២ ខែមិថុនា ឆ្នាំ២០២១ នៅចំណុចផ្ទះលេខ ៧៧អឺ០ ផ្លូវ១៧៨ ភូមិ០៨សង្កាត់បឹងរាំង ខណ្ឌដូនពេញ ខណៈធ្វើសកម្មភាពលួចម៉ូតូកាលពី៤ថ្ងៃមុន។

ជនសង្ស័យមានឈ្មោះ សុខ ណាន់ ភេទប្រុស អាយុ២០ឆ្នាំ ជនជាតិខ្មែរ ទីលំនៅ និងមុខរបរ មិនពិតប្រាកដ។ ជនរងគ្រោះឈ្មោះ ឃីម ខារី ភេទប្រុស អាយុ៣៩ឆ្នាំ ជនជាតិខ្មែរ ស្នាក់នៅផ្ទះលេខ៧៩ ភូមិ៨ សង្កាត់បឹងរាំង ខណ្ឌដូនពេញ រាជធានីភ្នំពេញ ។ ចំណែកម៉ូតូដែលម៉ាក ហុងដាស្កុបពីពណ៌ខ្មៅ ស្លាកលេខ ភ្នំពេញ 1FI-2527ដែល( បច្ចុប្បន្នកម្លាំងសមត្ថកិច្ច បាននាំជនសង្ស័យទៅយកម៉ូតូ នៅកន្លែងបញ្ចាំដើម្បីរក្សាទុក)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា នៅយប់ថ្ងៃទី១៩ ខែមិថុនា ឆ្នាំ២០២១ វេលាម៉ោង១៩និង៣០នាទី ជនរងគ្រោះបានជិះម៉ូតូម៉ាក់ ហុងដាស្កុបពីពណ៌ខ្មៅ សេរីឆ្នាំ ២០១៤ពាក់ស្លាកលេខ ភ្នំពេញ 1FI-2527 មកឈប់ចតទុកម៉ូតូ នៅច្រកឌឿងហែមជាប់ផ្ទះមានទីតាំងផ្ទះលេខ៧៧ផ្លូវ១៧៨ភូមិ០៨សង្កាត់បឹងរាំង ដោយចាក់សោ ក ម៉ូតូ ហើយបានឡើងទៅលើផ្ទះសម្រាក។ លុះព្រឹកឡើងថ្ងៃទី២០ ខែមិថុនា ឆ្នាំ២០២១វេលាម៉ោង០៦និង៣០នាទី ជនរងគ្រោះចុះមកបើកសោផ្ទះដើម្បីលក់ដូរទើបដឹងថា បាត់ម៉ូតូ រួចបានមកដាក់បណ្តឹងនៅប៉ុស្តិ៍(ស្រាវជ្រាវតាមកាមេរ៉ាសុវត្ថិភាពឃើញភិនភាគជនសង្ស័យកំណត់បាន)រហូតដល់ថ្ងៃទី២២ ខែមិថុនា ឆ្នាំ២០២១វេលាម៉ោង១៣និង៣០នាទី ទើបជនរងគ្រោះចាប់បានជនសង្ស័យ១នាក់ នាំយកមកប្រគល់ឲ្យសមត្ថកិច្ច ប៉ុស្តិ៍នគរបាលរដ្ឋបាលបឹងរាំង ចាត់ការតាមនិតិវិធីច្បាប់៕

អត្ថបទ ៖ រស្មី