សន្តិសុខសង្គម
នគរបាលខេត្តសៀមរាប ឃាត់ខ្លួនជនសង្ស័យចំនួន២នាក់ ករណីលួចម៉ូតូពលរដ្ឋនៅស្រុកកន្ទាយស្រី
សៀមរាប ៖ កម្លាំងនគរបាលខេត្តសៀមរាប សហការគ្នាបង្ក្រាបករណីលួចម៉ូតូនៅស្រុកបន្ទាយស្រី រហូតឃាត់ខ្លួនបានជនសង្ស័យចំនួន២នាក់រួមនិងវត្ថុតាង។
សមត្ថកិច្ចបានឲ្យដឹងថា នៅថ្ងៃទី០៦ ខែឧសភា ឆ្នាំ២០២៤ វេលាម៉ោង២១ និង៣០នាទី នៅចំណុចស្ពានលេខ១០ចម្ងាយ១០០ម៉ែត្រ ស្ថិតក្នុងភូមិតាកុះ ឃុំព្រះដាក់ ស្រុកបន្ទាយស្រី ខេត្តសៀមរាប មានករណី អំពើលួចមានស្ថានទម្ងន់ទោស ដោយប្រើហិង្សា ជិះម៉ូតូតាមកាប់ជនរងគ្រោះយកម៉ូតូ ។
សមត្ថកិច្ចបន្តថា បន្ទាប់ពីទទួលព័ត៌មានក៏ដូចជាបទបញ្ជាលោកឧត្តមសេនីយ៍ទោ ស្នងការនគរបាលខេត្តសៀមរាប ចំពោះករណីខាងលើភ្លាម កម្លាំងនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប ដឹកនាំដោយលោក វរសេនីយ៍ឯក នួន ស័ក្តិចំរើនរិទ្ធ ស្នងការរង ទទួលផែនការងារនគរបាលព្រហ្មទណ្ឌ បានចុះសហការជាមួយកម្លាំងអធិការដ្ឋានក្រុង.ស្រុក ធ្វើការដេញប្រផាប់ចាប់ប្រភីង រហូតស្រាវជ្រាវ រកឃើញម៉ូតូ០១គ្រឿង ម៉ាកហុងដាស្គប់ពី សេ១២៥ ពណ៌ស ផលិតឆ្នាំ២០២៣ ផ្លាកលេខ សៀមរាប ១AP-២៥៤៤ របស់ជនរងគ្រោះ ដែលជនសង្ស័យយកទៅផ្លុងទុកចោលនៅចំណុចស្រុកពួក។ រហូតដល់នៅថ្ងៃទី០៨ ខែឧសភា ឆ្នាំ២០២៤ កម្លាំងផែនការងារនគរបាលព្រហ្មទណ្ឌ បន្តធ្វើការស្រាវជ្រាវ ស៊ើបអង្កេត រហូតកំណត់មុខសញ្ញា និងឈានដល់ការឃាត់ខ្លួនជនសង្ស័យ បានចំនួន០២នាក់យកមកធ្វើការសាកសួរ៖ ១-ឈ្មោះ លឿន ឡុង ភេទប្រុស អាយុ ១៧ឆ្នាំ មុខរបរ គ្មាន បច្ចុប្បន្នរស់នៅភូមិវាល សង្កាត់គោកចក ក្រុងសៀមរាប ។២-ឈ្មោះ ឆៃ ស៊ីណាលិ ភេទប្រុស អាយុ ១៦ឆ្នាំ មុខរបរ គ្មាន បច្ចុប្បន្នរស់នៅភូមិបឹង សង្កាត់ក្របីរៀល ក្រុងសៀមរាប បានឆ្លើយសារភាពថា ពួកខ្លួនទាំង០២នាក់ និងបក្សពួក ពិតជាបានធ្វើសកម្មភាព ករណីខាងលើនេះ ពិតប្រាកដមែន។
សមត្ថកិច្ចបន្ថែមថា នៅថ្ងៃទី០៩ ខែឧសភា ឆ្នាំ២០២៤ ផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានសហការជាមួយកម្លាំងជំនាញ នៃស្នងការដ្ឋាននគរបាលខេត្តបន្ទាយមានជ័យ និង មានកិច្ចសម្របសម្រួលនីតិវិធីពីឯកឧត្តម ព្រះរាជអាជ្ញា នៃខេត្តទាំងពីរ បន្តការស្រាវជ្រាវករណីខាង ចុះដកហូតម៉ូតូចំនួន០១គ្រឿង ដែលសង្ស័យលួចបាន ហើយយកទៅបញ្ចាំនៅក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបន្ថែមទៀតថា វត្ថុតាងដែលសមត្ថកិច្ចដកហូតបាន ម៉ូតូម៉ាកហុងដាឌ្រីមសង់ សេ១២៥ ពណ៌ខ្មៅ ផលិតឆ្នាំ២០២៣ ផ្លាកលេខ សៀមរាប ១AQ-៥៤៧១ (របស់ជនរងគ្រោះ )ម៉ូតូម៉ាកហុងដាស្គប់ពី សេ១២៥ ពណ៌ស ឆ្នាំ២០២៣ ផ្លាកលេខ សៀមរាប១AP-២៥៤៤(របស់ជនរងគ្រោះ )ម៉ូតូ០១គ្រឿងម៉ាកហុងដាឌ្រីម សេ១២៥ ពណ៍ខ្មៅ ផ្លាកលេខ សៀមរាប ១AP-០០៤០ ដែលជនសង្ស័យជិះធ្វើសកម្មភាព។
បច្ចុប្បន្នជនសង្ស័យទាំង០២នាក់ខាងលើ ត្រូវបានកម្លាំងផែនការងារនគរបាលព្រហ្មទណ្ឌ ធ្វើការសាកសួរ និងកសាងសំណុំរឿង បញ្ជូនទៅស្ថាប័នអយ្យការអមសាលាដំបូងខេត្តសៀមរាប ដើម្បីចាត់ការបន្តតាមនីតិវិធី៕
ដោយ ៖ ជុន កុសល
អតីតបេក្ខភាព The Voice Cambodia វ៉ាឌី ភាលី ផ្ទុះរឿងឈឺចាប់ប្តីមានស្រី កក្រើកហ្វេសប៊ុក
មន្ត្រី៖ សណ្ដែកកួរឡើងថ្លៃមិនមែនមកពីការចូលពីក្រៅប្រទេសនោះទេ
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
បវរកញ្ញាល្បីម្នាក់ ត្រូវអ្នកគ្រូរបាំបុរាណទម្លាយរឿងកើតចរិតតួឯក
មន្ត្រីជាន់ខ្ពស់ការងារ លើកដំណោះស្រាយ ៣ ចំណុច ដល់អតីតបុគ្គលិកណាហ្គាវើលដ៏ ពិចារណា ដើម្បីបញ្ឈប់ការតវ៉ា
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
ព្យុះព្រះអាទិត្យ ដ៏កាចសាហាវ វាយប្រហារភពផែនដី
ផ្ទុះខ្លាំង! មិនដល់២៤ម៉ោងផង វីដេអូ Surprise មង្គលការអតិថិជនរបស់ក្រុមហ៊ុន វឌ្ឍនៈ ប្រ៊ូវើរី ដោយកញ្ញារ៉ាប៊ីមានអ្នកទស្សនាជិត ៣លាននាក់ Videos Inside
-
សេដ្ឋកិច្ច១ សប្តាហ៍ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ agoភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល