ព័ត៌មានជាតិ

ជំនន់ទឹកភ្លៀង កំពុងវាយលុកចូលឃុំចំនួន៤ ក្នុងស្រុកភ្នំព្រឹក

បានផុស

៣ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

ផ្លូវថ្នល់ ផលដំណាំ និងផ្ទះប្រជាពលរដ្ឋជាច្រើនខ្នង ត្រូវបានលិចលង់ដោយសារជំនន់ទឹកភ្លៀង ដែលតម្រូវឲ្យខាងអាជ្ញាធរចុះជួយភ្លាមៗដើម្បីរកកន្លែងសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់ប៉ុន្មានថ្ងៃជាប់ៗគ្នា បានបង្កជាជំនន់ទឹកភ្លៀង លិចផ្លូវថ្នល់ ផ្ទះសម្បែងប្រជាពលរដ្ឋ និង ផលដំណាំអស់ជាច្រើន នៅឃុំចំនួន៤ ក្នុងស្រុកភ្នំព្រឹកខេត្តបាត់ដំបង ក្នុងនោះមាន ឃុំពេជ្រចិន្តា ឃុំភ្នំព្រឹក ឃុំបារាំងធ្លាក់ និងឃុំបួរ។

លោក នូវ រិទ្ធី អភិបាលរងស្រុកភ្នំព្រឹកមានប្រសាសន៍ឲ្យដឹងថា ទឹកភ្លៀងចាប់ផ្តើមធ្លាក់ខ្លាំង ចាប់ពីយប់ថ្ងៃទី១៤ ដល់ថ្ងៃទី១៥ កក្កដា ដោយបានប៉ះពាល់៤ឃុំខាងលើ ក្នុងនោះឃុំបួររងគ្រោះធ្ងន់ជាងគេ។ លោកអភិបាលរងស្រុកខាងលើបញ្ជាក់ថាភ្លាមៗ អាជ្ញាធរស្រុកដឹកនាំដោយលោក សុង សុភ័ក្ត្រ អភិបាលស្រុកភ្នំព្រឹក បានចុះអន្តរាគមន៍ភ្លាមៗដល់បងប្អូនប្រជាពលរដ្ឋ ដែលរងគ្រោះដោយជំនន់ទឹកភ្លៀងនេះ ដោយជួយសង្គ្រោះកន្លែងដែលផ្ទះប្រជាពលរដ្ឋជន់លិចខ្លាំង បានបញ្ជូនពួកគាត់មកកាន់ទីទួលសុវត្ថិភាព និង ផ្តល់អំណោយសង្គ្រោះជាដើម ប៉ុន្តែមិនមានប៉ះពាល់ដល់ជីវិតមនុស្សឡើយ៕