ព័ត៌មានជាតិ
ជំនន់ទឹកភ្លៀង កំពុងវាយលុកចូលឃុំចំនួន៤ ក្នុងស្រុកភ្នំព្រឹក
ផ្លូវថ្នល់ ផលដំណាំ និងផ្ទះប្រជាពលរដ្ឋជាច្រើនខ្នង ត្រូវបានលិចលង់ដោយសារជំនន់ទឹកភ្លៀង ដែលតម្រូវឲ្យខាងអាជ្ញាធរចុះជួយភ្លាមៗដើម្បីរកកន្លែងសុវត្ថិភាព។
ភ្លៀងធ្លាក់ប៉ុន្មានថ្ងៃជាប់ៗគ្នា បានបង្កជាជំនន់ទឹកភ្លៀង លិចផ្លូវថ្នល់ ផ្ទះសម្បែងប្រជាពលរដ្ឋ និង ផលដំណាំអស់ជាច្រើន នៅឃុំចំនួន៤ ក្នុងស្រុកភ្នំព្រឹកខេត្តបាត់ដំបង ក្នុងនោះមាន ឃុំពេជ្រចិន្តា ឃុំភ្នំព្រឹក ឃុំបារាំងធ្លាក់ និងឃុំបួរ។
លោក នូវ រិទ្ធី អភិបាលរងស្រុកភ្នំព្រឹកមានប្រសាសន៍ឲ្យដឹងថា ទឹកភ្លៀងចាប់ផ្តើមធ្លាក់ខ្លាំង ចាប់ពីយប់ថ្ងៃទី១៤ ដល់ថ្ងៃទី១៥ កក្កដា ដោយបានប៉ះពាល់៤ឃុំខាងលើ ក្នុងនោះឃុំបួររងគ្រោះធ្ងន់ជាងគេ។ លោកអភិបាលរងស្រុកខាងលើបញ្ជាក់ថាភ្លាមៗ អាជ្ញាធរស្រុកដឹកនាំដោយលោក សុង សុភ័ក្ត្រ អភិបាលស្រុកភ្នំព្រឹក បានចុះអន្តរាគមន៍ភ្លាមៗដល់បងប្អូនប្រជាពលរដ្ឋ ដែលរងគ្រោះដោយជំនន់ទឹកភ្លៀងនេះ ដោយជួយសង្គ្រោះកន្លែងដែលផ្ទះប្រជាពលរដ្ឋជន់លិចខ្លាំង បានបញ្ជូនពួកគាត់មកកាន់ទីទួលសុវត្ថិភាព និង ផ្តល់អំណោយសង្គ្រោះជាដើម ប៉ុន្តែមិនមានប៉ះពាល់ដល់ជីវិតមនុស្សឡើយ៕
អត្ថបទ៖ សោ និយមរ័ត្ន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១៦ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)