គិត​មក​ដល់​ពេលនេះ មាន​កងកំលាំងអង្គភាពស៊ីម៉ាក់ ​៩​ នាក់​ បានឆ្លងកូវីដ១៩
Connect with us
Helistar Cambodia - Helicopter Charter Services

ព័ត៌មានខ្លីៗ

គិត​មក​ដល់​ពេលនេះ មាន​កងកំលាំងអង្គភាពស៊ីម៉ាក់ ​៩​ នាក់​ បានឆ្លងកូវីដ១៩

បានផុស

នៅ

ភ្នំពេញ៖ រហូតមកដល់ថ្ងៃទី២២ ខែកក្កដា ឆ្នាំ២០២១នេះ មានមន្ត្រីអង្គភាពស៊ីម៉ាក់ចំនួន៩នាក់បានឆ្លង​ជំងឺ​កូវីដ១៩ ក្នុងនោះនៅទិសខេត្តបាត់ដំបងចំនួន ៣ នាក់ ភ្នំពេញចំនួន ២ នាក់ និងនៅទិសខេត្តព្រះវិហារនៅក្នុងសហគមន៍ស្រអែមចំនួន ៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានឱ្យដឹងនៅព្រឹកនេះថា កងកំលាំង​អង្គភាពស៊ីម៉ាក់ ក៏មិនខុសប្លែកពីកំលាំងជួរមុខដទៃទៀតដែរ​ ក្នុងកិច្ចការប្រចាំថ្ងៃរបស់ខ្លួនបានប្រឈម​មុខការឆ្លងវីរុសកូវីដ១៩។ ជាក់ស្តែងគិតមកដល់ថ្ងៃទី២២​ ខែកក្កដា​ ឆ្នាំ២០២១នេះ​ មានមន្ត្រីអង្គភាពចំនួន៩នាក់បានឆ្លងជម្ងឺកូវីដ១៩​ ក្នុងនោះនៅទិសខេត្តបាត់ដំបងចំនួន៣នាក់​ ភ្នំពេញចំនួន២នាក់​ និងនៅទិសខេត្តព្រះវិហារនៅក្នុងសហគមន៍ស្រអែមចំនួន៥នាក់​។

ចំពោះបញ្ហាសុខភាពមន្ត្រីទាំង៩ នាក់​ដែល​ឆ្លង​កូវីដ មិនមានបញ្ហាអ្វីទេបានជាសះស្បើយដោយសារពួកគេបានឆ្លងកំរិតស្រាល ព្រោះបាន​ទទួលការចាក់វ៉ាក់សាំងរួចរាល់។

លោកអគ្គនាយកបានបន្តទៀតថា អង្គភាពស៊ីម៉ាក់បានចាត់ចែងឱ្យមានក្រុមការងារប្រយុទ្ធប្រឆាំងកូវីដដែលមានភារកិច្ចគ្រប់គ្រង និងត្រួតពិនិត្យបញ្ហាកូវីដពាក់ពន្ធ័មន្ត្រីក្នុងអង្គភាពយ៉ាងមានប្រសិទ្ធភាពខ្ពស់ ​ក្នុងនោះ បានរៀបចំនិងអនុវត្តផែនការយុទ្ធសាស្ត្របំរុងទុកជាមុន ក្នុងការទប់ទល់នឹងករណីមានការឆ្លងកូវីដចូលកំលាំងរបស់ខ្លួន​ សំដៅធ្វើយ៉ាងណារក្សាឱ្យបាននិរន្តភាពប្រតិបត្តិការរបស់ខ្លួនជាប្រក្រតី​ បើទោះបីជាមានកំលាំងខ្លះរងផលប៉ះពាល់ក៏ដោយ​ ។

យុទ្ធសាស្ត្រទាំងនោះរួមមាន​ ការបំបែកកំលាំងប្រតិបតិ្តតូចៗស្ថិតនៅភូមិសាស្ត្រដាច់ៗពីគ្នា​ បែងចែកវេនប្រតិបតិ្តការ​ កាត់បន្ថយការចល័តកំលាំង​ យន្តការត្រួតពិនិត្យកំលាំងតាមប្រពន្ធ័អេឡិចត្រូនិច​ ។ក្នុងករណីមានការសង្ស័យចាត់វិធានការតេស្តរហ័សកំលាំងទាំងអស់ដែលពាក់ពន្ធ័​ ញែកកំលាំងឱ្យរស់នៅដាច់ពីគ្នាជាដើម។

លោក អគ្គនាយកបានបញ្ជាក់ថា យុទ្ធសាស្ត្រទាំងនេះលំបាក​ ប៉ុន្តែត្រូវតែរៀនរស់នៅនិងប្រតិបត្តិការក្រោមការគំរាមកំហែងដោយកូវីដនេះ​ជាពិសេសយកវិធាន៣ការពារនិង៣កុំ ជាឆ្អឹងខ្នងនៃអនុវត្តយុទ្ធវិធីក្នុងទប់ទល់​កូវីដនេះ។

លោក អគ្គនាយកបានបញ្ជាក់ថា មន្ត្រីដែលឆ្លងជំងឺកូវីដទាំងអស់ក៏បានទទួលរបបឧបត្ថម្ភជាអំណោយរបស់សម្តេចតេជោ​និងសម្តេចកិត្តិព្រឹទ្ធបណ្ឌិត រួមមានអង្ករមួយបាវ៥០គីឡូក្រាម​ មី​  ត្រីខ​ និងថវិកា​៤០មុឺនរៀល​ ព្រមទាំងព្រះរាជអំណោយព្រះមហាក្សត្រមានអង្ករ៥០គីឡូក្រាម​ មី​ ត្រី​ខ​ ឃីតមួយកញ្ចប់និងថវិកាចំនួន២០ម៉ឺនផងដែរ​ សម្រាប់ជាជំនួយទ្រទ្រង់ជីវភាពរស់នៅរបស់បងប្អូន។   ទន្ទឹមនឹងនេះអង្គភាពស៊ីម៉ាក់បានរក្សានូវរាល់របបឧបត្ថម្ភប្រចាំខែទាំងអស់ជាធម្មតាជូនបងប្អូនក្នុងកំឡុងពេលសំរាកព្យាបាលនិងចត្តាឡីសក្ត័៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣០ នាទី មុន

សេចក្តីជូនដំណឹង ស្តីពីការងារ ជួសជុលផ្លូវ​មេតុង​មេ ដាក់លូ សាងសង់ក្បាលលូ និង​ដាក់​ស្លាកព័ត៌មាន នៅ​ភូមិតាគម ឃុំពាមឯក ស្រុកឯកភ្នំ ខេត្តបាត់ដំបង

សុខភាព៣៤ នាទី មុន

ទូរសព្ទដៃអាចជាភ្នាក់ងារចម្លងកូវីដ ខណៈវីរុសអាចលាក់ខ្លួនលើស្រ្គីនរហូត៤ថ្ងៃ

ព័ត៌មានជាតិ៤៩ នាទី មុន

ឈ្មួញនាំសត្វក្របីឆ្លងដែនទៅប្រទេសវៀតណាម ផ្គើននឹងបំរាមអាជ្ញាធរ

ព័ត៌មានអន្ដរជាតិ៥៣ នាទី មុន

គីម ជុងអ៊ុន ឲ្យកងទ័ពកូរ៉េខាងជើងប្រុងជើងការវាយលុកទៅសត្រូវវិញ

ព័ត៌មានជាតិ១ ម៉ោង មុន

អាជ្ញាធរ​ខេត្ត​បន្ទាយមានជ័យ ផ្តល់​ស្បៀងអាហារ និង​ថវិកា​ដល់​កងកម្លាំងយោធា

Sokha Hotels

ព័ត៌មានពេញនិយម

Helistar Cambodia - Helicopter Charter Services