ព័ត៌មានជាតិ
ចាប់ជនមុខសញ្ញា២នាក់បញ្ជូនទៅពន្ធនាគារវិញ ក្រោយធ្វើសកម្មភាពប្លន់យកម៉ូតូ
បាត់ដំបង ៖ ជនល្មើសជាមុខសញ្ញាចាស់ចំនួន២នាក់ត្រូវបានសមត្ថកិច្ចក្របួចជាប់ម្តងទៀតក្រោយបានធ្វើសកម្មភាពភ្ជង់យកម៉ូតូនិងទ្រព្យសម្បត្តិផ្សេង ដែលជាបទល្មើសដដែលជាលើកទី២ជាប់ៗគ្នាចុងក្រោយត្រូវសមត្ថកិច្ចបញ្ជូនទៅរស់នៅក្នុងគុកវិញ តាមរយៈតុលាការសម្រេចតាមនីតិវិធី។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានប្រាប់ឲ្យដឹងថា ករណីខាងលើនេះក្រោយទទួលពាក្យបណ្តឹងពីជនរងគ្រោះលោកបានចុះដឹកនាំកម្លាំងអន្តរាគមន៍បង្ការបង្ក្រាបស្រាវជ្រាវរហូតកំណត់មុខសញ្ញានិងឈានដល់ការឃាត់ខ្លួនជនសង្ស័យបានជាបន្តបន្ទាប់ចំនួន០២នាក់ ក្រោយធ្វើសកម្មភាពលួចមានស្ថានទម្ងន់ទោសប្រើប្រាស់កាំបិតភ្ជង់យកម៉ូតូទូរសព្ទដៃនិងលុយមួយចំនួនផង។
ដែលបទល្មើសនេះ ជនជាមុខសញ្ញាទាំង២នាក់ បានប្រព្រឹត្តដដែលៗចំនួន២ករណីជាប់ៗគ្នានៅត្រង់ចំណុចភូមិអូរដំបងឃុំអូរដំបង២ក្នុងស្រុកសង្កែនិងមួយចំណុចទៀតក្នុងភូមិចំការឫស្សីសង្កាត់ព្រែកព្រះស្តេចក្រុងបាត់ដំបងខេត្តបាត់ដំបង។
ជនសង្ស័យមានឈ្មោះឡាច ងួនយី ភេទប្រុស អាយុ២២ឆ្នាំ មានទីលំនៅក្នុងភូមិ១៣មករាសង្កាត់ព្រែកព្រះស្តេចក្រុងបាត់ដំបងនិងម្នាក់ទៀតឈ្មោះសារ៉ម លី ហៅជីន ភេទប្រុសអាយុ៤២ឆ្នាំមានទីលំនៅភូមិដាំស្ពៃសង្កាត់ស្លាកែតក្រុងបាត់ដំបង ជាបក្សពួកតែមួយនឹងជាមុខសញ្ញាចាស់ ទើបចេញពីពន្ធនាគារហើយមិនរាងចាលបន្តធ្វើសកម្មភាពបទល្មើសដដែលផ្ទុយនឹងច្បាប់។
លោកវរសេនីយ៍ឯកឈឿង គឹមសុង បានបញ្ជាក់បន្តថា ជនសង្ស័យទី១កាលពីថ្ងៃទី២០ខែកក្កដាឆ្នាំ២០២១បានត្រូវរ៉ូវគ្នាមួយជនរងគ្រោះជាខ្ទើយមានឈ្មោះឃុយ ចាន់ដារាវត្តីអាយុ២៥ឆ្នាំបានទៅជួលបន្ទប់មួយកន្លែងរួមភេទ រួចហើយបានប្រាប់ដៃគូជាខ្ទើយឲ្យនាំខ្លួនទៅយកបក្សពួកម្នាក់ទៀតលុះដល់ចំណុចកើតហេតុស្ងាត់មានឱកាសក៏ទាញកាំបិតភ្ជង់ជនរងគ្រោះយកម៉ូតូឃ្លីកជាមួយនឹងទូរសព្ទដៃ១គ្រឿង រួចគេចខ្លួនបាត់។
ហើយនៅថ្ងៃបន្ទាប់ នាថ្ងៃទី២១ខែកក្កដាជនសង្ស័យនិងបក្សពួកម្នាក់ទៀតបានធ្វើសកម្មភាពយកកាំបិតភ្ជង់ពីជនរងគ្រោះម្នាក់យកបានទូរសព្ទ១គ្រឿងនិងលុយ៥០ដុល្លារ ចុងក្រោយក៏ត្រូវកម្លាំងអន្តរាគមន៍បង្ការបង្ក្រាបនៃស្នងការខេត្ត ស្រាវជ្រាវឃាត់ខ្លួនបានទាំង២នាក់តែម្តង។
វត្ថុតាងដែលកម្លាំងនគរបាលដកហូតបានទាំង២លើករួមមាន ម៉ូតូហុងដាឃ្លីក ពណ៌ខ្មៅ ស៊េរីឆ្នាំ២០១៧ មួយគ្រឿង,ទូរសព្ទដៃម៉ាកHUAWEI០១គ្រឿងជារបស់ជនរងគ្រោះត្រូវប្រគល់ជូនម្ចាស់ដើមវិញ,ដំបងដែកពណ៌ខ្មៅ០១ដើម,កាំបិតកែច្នៃដងដែក ០១ដើម,ប្រាក់ដុល្លាក្លែងក្លាយមួយចំនួនរួមនិងឧបករណ៍ប្រើប្រាស់គ្រឿងញៀនមួយចំនួនផង។
បច្ចុប្បន្នជនសង្ស័យទាំងពីរកំពុងឋិតក្នុងដៃតុលាការ ក្រោយពីកម្លាំងការិយាល័យជំនាញបានកសាងសំណុំរឿងរួចរាល់ហើយបញ្ជូនទៅកាន់សាលាដំបូងខេត្តដើម្បីអនុវត្តបន្តតាមនីតិវិធី៕
ដោយ ៖ សៅ សារិទ្ធ
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
កុំភ្លេចត្រៀម CV! ស្អែកនេះ ឱកាសការងារថ្មីបន្ថែមទៀតជិត ៥០០ កន្លែងក្នុងវេទិកាការងាររបស់ NEA
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលស្តីពីសុវត្ថិភាពអគ្គិភ័យនៅតាមសហគ្រាស គ្រឹះស្ថាន
រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ