គិត​ត្រឹម​ថ្ងៃនេះ មន្ទីរពេទ្យ​កុមារ​អង្គរ បាន​រកឃើញ​កុមារ​វិជ្ជមាន​កូ​វីដ ​៧​នាក់​ហើយ
Connect with us
Helistar Cambodia - Helicopter Charter Services

ព័ត៌មានជាតិ

គិត​ត្រឹម​ថ្ងៃនេះ មន្ទីរពេទ្យ​កុមារ​អង្គរ បាន​រកឃើញ​កុមារ​វិជ្ជមាន​កូ​វីដ ​៧​នាក់​ហើយ

បានផុស

នៅ

លោកស្រី ស៊ិន​កេ​ត អរុណ ប្រធានការិយាល័យ​ទំនាក់ទំនង​សាធារណៈ​ប្រចាំ​កម្ពុជា នៃ​មន្ទីរពេទ្យ​កុមារ​អង្គរ បាន​មានប្រសាសន៍ប្រាប់​កាសែត​កម្ពុ​ជាថ្មី ឲ្យ​ដឹង​នៅ​ព្រឹក​ថ្ងៃទី​០៥ ​ខែសីហា​ ឆ្នាំ​២០២១​នេះ​ថា គិត​មក​ត្រឹម​ថ្ងៃនេះ យើង​បាន​រកឃើញ កុមារ​មាន​ជំងឺ​កូ​វីដ ១៩ ចំនួន​៧​នាក់​ហើយ និង​ត្រូវការ​សម្រាក​ព្យាបាល​នៅក្នុង​មន្ទីរពេទ្យ​កុមារ​អង្គរ ក្នុងនោះ​កុមារ​៥​នាក់​ បានជា​សះស្បើយ​ត្រលប់​ទៅផ្ទះ​វិញ និង​ពីរ​នាក់​ទៀត​នៅ​បន្ត​សម្រាក​ព្យាបាល​នៅក្នុង​បន្ទប់​ជំងឺ​ធ្ងន់ និង​បន្ទប់​ព្យាបាល​ជំងឺ​កូ​វីដ​១៩ ដោយសារតែ​កុមារ​ទាំងពីរ​មាន​បញ្ហា​សុខភាព​មិន​រឹងមាំ​តាំងពី​កំណើត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី​បន្តថា ស្ថានភាព​បច្ចុប្បន្ន​រប​ស់​មន្ទីរពេទ្យ​កុមារ​អង្គរ គឺ​នៅតែ​បន្ត​បើកទ្វារ​ទទួល​ពិនិត្យ ព្យាបាល និង​ថែទាំ​កុមារ មកពី​គ្រប់ទិសទី​ទាំង​ស្ថានភាព​ជំងឺ​កម្រិត​ស្រាល រហូតដល់​ធ្ងន់ធ្ងរ​។ ទោះបី​មិនមាន​បន្ទប់​ព្យាបាល​ជំងឺ​កូ​វីដ​១៩ ដ៏​ធំ​ទូលំទូលាយ​ក៏ដោយ​ក៏​មន្ទីរពេទ្យ​កុមារ​អង្គរ​នៅតែ​សហការ​ជាមួយនឹង​រាជរដ្ឋាភិបាល​កម្ពុ​ជារួម​មានដូចជា អង្គភាព ឬ​ស្ថាប័ន​សុខាភិបាល និង​អជ្ញាធរ​ខេត្ត និង​តំបន់​ដើម្បី​បង្កើន​ការយកចិត្តទុកដាក់​នៅ​ក្នុង​កិច្ចការពារ និង​ទប់ស្កាត់​ការឆ្លង​រីក​រាលដាល​នៃ​ជំងឺ​ដ៏​កាច​សាហាវ​នេះ​ទាំង​ក្នុង និង​ក្រៅ​មន្ទីរពេទ្យ​ដើម្បី​ធ្វើ​ឲ្យ​សុខុមាលភាព​កុមារ​កម្ពុជា​កាន់តែ​ប្រសើរឡើង​។

លោកស្រី​បញ្ជាក់ទៀតថា យើងខ្ញុំ​ទាំងអស់គ្នា​ពី​មន្ទីរពេទ្យ​កុមារ​អង្គរ សូម​គោរព​កោតសរសើរ និង​ថ្លែ​អំណរគុណ​យ៉ាង​ក្រៃលែង​ចំពោះ​សប្បុរសជន​ទាំងអស់ នូវ​សន្តាន​ចិត្ត​ដ៏​ល្អ​ប្រពៃ លះបង់​កម្លាំងកាយ ចិត្ត ពេលវេលា និង​ធនធាន​ថវិកា​ដើម្បី​ជួយ​សម្រាល​ទុក្ខលំបាក​ដែល​មន្ទីរពេទ្យ​កុមារ​អង្គរ កំពុង​ជួបប្រទះ និង​សូម​ប្រសិទ្ធិ​ពរជ័យ​ឲ្យ​ជួបតែ​ពុទ្ធពរ​ទាំង​បួន​ប្រការ អាយុ វណ្ណៈ សុ​ខៈ ពលៈ កុំបី​ឃ្លៀងឃ្លាត​ឡើយ​។​

សូមបញ្ជាក់​ផងដែរ​ថា ជំនួយ​សប្បុរសធម៌​ដែល​ទទួលបាន​សម្រាប់​កិច្ចការពារ និង​ព្យាបាល​ជំងឺ​កូ​វីដ ១៩ នៅក្នុង​មន្ទីរពេទ្យ​កុមារ​អង្គរ មាន​ជា​ថវិកា​ចំនួន​ជាង ៨​ម៉ឺន​ដុល្លារ​អាមេរិក និង​សម្ភារៈ​បរិក្ខា​ពេទ្យ​សរុប​ជា​ទឹកប្រាក់​ប្រមាណ​ជា ៥ ម៉ឺន​ដុល្លារ​អាមេរិក​ថែមទៀត​៕​

អត្ថបទ៖ ​កុសល​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

សមាជិក​ព្រឹទ្ធសភា ​ចុះ​សួរ​សុខទុក្ខ​ប្រជាពលរដ្ឋ​រស់នៅក្នុង​បឹង​ទន្លេសាប​ឃុំ​ផាត​សណ្តាយ

ព័ត៌មានជាតិ៥ ម៉ោង មុន

រថយន្ត​ព្រុស​២​គ្រឿង ពណ៌ដូចគ្នា​ ស្លាក​លេខ​ដូច​គ្នា ផ្អើល​សមត្ថកិច្ច​ឃាត់​យក​ទៅ​ប៉ុស្តិ៍​សួរនាំ

ព័ត៌មានជាតិ៥ ម៉ោង មុន

មាន​មូលហេតុ និង​អត្ថប្រយោជន៍​ចំនួន​៤ ដែល​នាំ​ឲ្យ​កម្ពុជា​ទទួល​ធ្វើជា​ម្ចាស់ផ្ទះ​នៃ​កិច្ចប្រជុំ កំពូល​អាស៊ី​-​អឺរ៉ុប

ព័ត៌មានជាតិ៥ ម៉ោង មុន

អាជ្ញាធរ​នឹង​សម្រេច​បិទ​ផ្សារ​ដើម​ក្រឡាញ់​ ដាក់​ជា​តំបន់​ក្រហម​បន្ទាប់​ពី​មានការ​ផ្ទុះ​នៅ​ជំងឺ​កូ​វីដ ១៩ ខ្លាំង​ធ្ងន់ធ្ងរ

ព័ត៌មានជាតិ៦ ម៉ោង មុន

តំណាង​កម្ពុជា​នៅ​ហ្សឺ​ណែវ ប្រាប់​គណៈប្រតិភូ​បារាំង និង​អាមេរិក​ថា ការតស៊ូ​មតិ ដើម្បី​សិទ្ធិមនុស្ស ចាំបាច់​ត្រូវតែ​ចាប់ផ្តើម​ពី​ប្រទេស​ខ្លួនឯង​ជាមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services