ព័ត៌មានជាតិ
តុលាការសម្រេចឃុំខ្លួនជនឆបោកប្រាក់ ជិត៤លានដុល្លារ
ភ្នំពេញ ៖ លោក ពេជ្រ វិជ្ជាធរ អនុប្រធានសាលា ដំបូងរាជធានីភ្នំពេញ និងជាចៅក្រមស៊ើបសួរ នាល្ងាចថ្ងៃទី១១ ខែសីហា ឆ្នាំ២០២១ នេះបានចេញដីកាសម្រេចឃុំខ្លួនស្ត្រីម្នាក់ ដាក់ពន្ធនាគារជាបណ្តោះអាសន្ន ពាក់ព័ន្ធសំណុំរឿងឆបោកប្រាក់បងធម៌ប្រមាណជិត៤លានដុល្លារអាមេរិក។
ជនជាប់ចោទត្រូវដាក់ឲ្យស្ថិតក្រោមការពិនិត្យពីបទ « រំលោភលើទំនុកចិត្ត និងប្រើប្រាស់លិខិតក្លែង » ប្រព្រឹត្តនៅរាជធានីភ្នំពេញ កាលពីកំឡុងឆ្នាំ២០១៩ ដល់ខែសីហា ឆ្នាំ២០២១ ដែលបទល្មើសនេះមានចែងឲ្យផ្តន្ទាទោសតាមបញ្ញត្តិមាត្រា ៣៩១ មាត្រា ៣៩២ និងមាត្រា ៦២៨ នៃក្រមព្រហ្មទណ្ឌ។
ការសម្រេចឃុំខ្លួនជនសង្ស័យខាងលើនេះ បន្ទាប់ពី លោក សេង ហៀង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ កាលពីថ្ងៃទី១០ ខែសីហា បានធ្វើការចោទស្ត្រីម្នាក់នោះពីបទឆបោក លើទឹកប្រាក់ប្រមាណជិត៤លានដុល្លារអាមេរិក តាមរូបភាព ចូលហ៊ុនគ្នារកស៊ី និងក្លែងបន្លំស្នាមមេដៃ។
ក្រោយពីតំណាងអយ្យការធ្វើការចោទប្រកាន់ហើយនោះ សំណុំរឿងនេះបានចាត់ទៅចៅក្រមស៊ើបសួរដើម្បីសម្រេចឃុំខ្លួន ឬ មិនឃុំខ្លួនជាឆន្ទានុសិទ្ធិរបស់ចៅក្រម។ ជនសង្ស័យមានឈ្មោះ ហេង ស្រីនាត អាយុ២៧ ឆ្នាំ មានទីលំនៅផ្ទះលេខ៩២ ផ្លូវលេខ១៥ សង្កាត់និរោធ ខណ្ឌច្បារអំពៅ។
ជនសង្ស័យត្រូវបានកម្លាំងសមត្ថកិច្ចនគរបាលខណ្ឌដូនពេញ ចាប់បញ្ជូនខ្លួនមកកាន់សាលាដំបូងរាជធានីភ្នំពេញ កាលពីថ្ងៃទី៩ ខែសីហា ពាក់ព័ន្ធពីបទឆបោកប្រាក់ និងក្លែងបន្លំស្នាមមេដៃ ដែលជាបទល្មើសព្រហ្មទណ្ឌ។
ករណីខាងលើនេះ ប្រភពព័ត៌មាននៅសាលាដំបូងបានឲ្យដឹងថា កាលពីអំឡុងឆ្នាំ២០១៨ ឈ្មោះ ហេង ស្រីនាត បានស្គាល់និងរាប់អានមនុស្ស២ នាក់ ក្នុងនោះមានបងស្រីម្នាក់ជាអ្នកមានទ្រព្យស្តុកស្តម្ភគួរសមដែរ សុំធ្វើជាបងធម៌។ ហើយនៅក្នុងឆ្នាំ២០១៩ ជនសង្ស័យ ហេង ស្រីនាត បានបបួលបងធម៌ទាំង២នាក់ចូល ហ៊ុន គ្នាដើម្បីរកស៊ីនាំចូលគ្រឿងសមុទ្រ និងផ្លែឈើមកលក់បោះដុំលើទីផ្សារ ដោយត្រូវចំណាយដើមទុនសរុបប្រមាណជិត៤លានដុល្លារ ក្នុងនោះបងធម៌ទី១ ត្រូវចេញចំនួន ៣.៥៤៨.៤២២ ដុល្លារអាមេរិក ចំណែកបងធម៌ទី២ បានចេញចំនួន ៣៥ ០០០ដុល្លារអាមេរិកប៉ុណ្ណោះ។ ប៉ុន្តែនៅពេលចាប់ផ្តើមបើកមុខរបរការងាររកស៊ី ជនសង្ស័យឈ្មោះ ហេង ស៊ីនាត តែងតែលាក់ លៀមមិនសូវឲ្យបងធម៌ទាំង២ ដែលជាម្ចាស់ទុនស្គាល់អតិថិជន និងបញ្ជីស្នាមលុយកាក់ទេ។
ក្រោយមកនៅក្នុងឆ្នាំ២០២០ បងស្រីធម៌ម្នាក់ ចង់ទិញផ្ទះមួយកន្លែងទៀតបានពឹងឲ្យឈ្មោះ ហេង ស៊ីនាត ណែនាំទិញផ្ទះនៅបុរីសម្បត្តិមានហេង៣ គំរោងទី២ ផ្ទះលេខ ១០៤ ផ្លូវបេតុង ភូមិមិត្តភាព សង្កាត់ព្រែកឯង ខណ្ឌច្បារអំពៅ ក្នុងតម្លៃ ១៦៤.០០០ ដុល្លារអាមេរិក។ ដោយការជឿទុកចិត្តលើប្អូនធម៌ ទើបព្រមព្រៀងគ្នាកក់ប្រាក់មុនចំនួន ១១ ២៧៥ ដុល្លារអាមេរិក តាមរយៈលិខិតប្រគល់ -ទទួលថ្លៃផ្ទះ ដោយមានស្នាមមេដៃអ្នកលក់ឈ្មោះ សុខ ហ៊ា និង សាក្សីឈ្មោះ វ៉ា ប៊ុនី ជាម្ដាយរបស់ ហេង ស្រីនាត ជនសង្ស័យ។ លុះនៅថ្ងៃទី៥ ខែសីហា ២០២១ ស្រាប់តែមានហ្វេសបុកឈ្មោះ SOK HENG 2 បានបង្ហោះលិខិតប្រគល់ទទួលប្រាក់កក់ថ្លៃផ្ទះ ចុះថ្ងៃទី២៨ ខែកក្កដា ២០២១ ដោយភ្ជាប់នូវខ្លឹមសារថា (ឯកសារប្រគល់ទទួលថ្លៃទិញលក់ផ្ទះ មិនមែនជារបស់បងធម៌ស្រីទេ ខ្លួនមិនស្គាល់បងធម៌ និងឈ្មោះ វ៉ា ប៊ុនី នោះដែរ ហើយអ្នកក្លែងបន្លំនឹងត្រូវទទួលខុសត្រូវចំពោះមុខច្បាប់)។
ក្រោយពេលឃើញហ្វេសប៊ុកបង្ហោះយ៉ាងដូច្នោះ បងស្រីធម៌របស់ជនសង្ស័យបានទំនាក់ទំនងទៅម្ចាស់អាខោនហ្វេសបុកនោះ ទើបដឹងថា ស្នាមមេដៃអ្នកលក់ផ្ទះឈ្មោះ សុច ហ៊ា និងស្នាមមេដៃឈ្មោះ វ៉ា ប៊ុនី នៅលើលិខិតប្រគល់ទទួលប្រាក់ដែលឈ្មោះ ហេង ស្រីនាត ប្រគល់ឲ្យ ជាស្នាមមេដៃក្លែងក្លាយ ទើបបងស្រីធម៌ភ្ញាក់ខ្លួន និងដឹងពីចាញ់កលល្បិចឆបោករបស់ប្អូនធម៌ ក៏បានដាក់ពាក្យបណ្តឹងទៅសមត្ថកិច្ច ឲ្យជួយចាត់ការតាមផ្លូវច្បាប់៕
ដោយ ៖ មករា
អភិបាលស្រុកបាទីច្រានចោលការចុះផ្សាយពីស្លាប់របស់ក្មេងស្រីម្នាក់ដែលជាការបោកប្រាស់ដើម្បីផលប្រយោជន៍
រកឃើញសាកសព២នាក់ ក្នុងហេតុការណ៍បាក់ស្ពាននៅទីក្រុង Baltimore
ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៥ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ