កសិករព្រួយបារម្ភពី​ការបាត់បង់ជ្រូកកណ្តុរក្នុងស្រុក ​ខណៈមានការលួចនាំចូលពីប្រទេសជិតខាង
Connect with us
Helistar Cambodia - Helicopter Charter Services

ព័ត៌មានជាតិ

កសិករព្រួយបារម្ភពី​ការបាត់បង់ជ្រូកកណ្តុរក្នុងស្រុក ​ខណៈមានការលួចនាំចូលពីប្រទេសជិតខាង

បានផុស

នៅ

ស្របពេលដែលជ្រូកកណ្តុរ កំពុងមានទីផ្សារខ្ពស់នៅក្នុងប្រទេសកម្ពុជា ការលួចនាំជ្រូកកណ្តុរចូលពីប្រទេសជិតខាងដោយពុំមានការត្រួតពិនិត្យគុណភាព និងលិខិតអនុញ្ញាតត្រឹមត្រូវ ក៏បានកើតមានឡើង និងត្រូវបានបង្រ្កាបដោយមន្ត្រីជំនាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលួចនាំជ្រូកកណ្តុរចូលពីប្រទេសជិតខាងបែបនេះ បានធ្វើឲ្យកសិករ បង្ហាញក្តីព្រួយបារម្ភខ្លាចអ្នកបរិ ភោគបាត់បង់ទុកចិត្តលើជ្រូកកណ្តុរ និងធ្វើអោយប៉ះពាល់ដល់ការចិញ្ចឹមក្នុងស្រុក។

បើតាមលោក អ៊ីង ឳរ៉ុម ម្ចាស់ហាងស្រុកស្រែ ដែលចិញ្ចឹម និងប្រមូលទិញជ្រូកកណ្ដុរពីកសិករនៅខេត្តមណ្ឌលគិរី បានបញ្ជាក់ថា ការលួចនាំជ្រូកកណ្តុរដោយមិនមានការត្រួតពិនិត្យគុណភាពអោយបានត្រឹមត្រូវពីសំណាក់មន្ត្រីជំនាញបែបនេះ ហើយប្រសិនជាជ្រូកទាំងនោះមានជំងឺទៀតនោះ នឹងធ្វើអោយប៉ះពាល់ដល់សុខភាពអ្នកបរិភោគជាពិសេសក៏អាចនាំជំងឺផ្សេងៗចូលមកដែលអាចប៉ះពាល់ដល់ការចិញ្ចឹមរបស់កសិករក្នុងស្រុកថែមទៀតផង។

លោក អ៊ីង ឳរ៉ុម បានបញ្ជាក់ទៀតថា ជ្រូកកណ្តុរក្នុងស្រុក ចិញ្ចឹមតាមបែបធម្មជាតិ ទាំងស្បែក និងសាច់មានរសជាតិឆ្ងាញ់ ជាងជ្រូកនាំចូល។ ម្យ៉ាងទៀតបើការលួចនាំចូលដោយយកកូនជ្រូកធម្មតា មកបន្លំជាស្រុកកណ្តុរនោះ នឹងធ្វើអោយអ្នកបរិភោគបាត់បង់ទុកចិត្តជាក់ជាមិនខាន។

ម្ចាស់ហាងស្រុកស្រែរូបនេះ បានបន្តថា កសិករចិញ្ចឹមជ្រូកកណ្តុរក្នុងស្រុក ក៏នឹងពិបាកក្នុងការប្រកួតប្រជែង ទីផ្សារជាមួយជ្រូកនាំចូល។ភាពពិបាកប្រកួតប្រជែងទីផ្សារ គឺត្រង់ថា ជ្រូកនាំចូលមកទាំងនោះ គឺមានតម្លៃ ថោកជាងជ្រូកក្នុងស្រុក។

ការចិញ្ចឹមក្នុងស្រុក ជាការចិញ្ចឹមលក្ខណៈគ្រួសារ អោយចំណីធម្មជាតិ ចំនាយដើមទុនច្រើន ហើយរយៈពេលទទួលបានផលចន្លោះពី៨ខែទៅ១ឆ្នាំ ខណៈជ្រូកនាំចូលគេចិញ្ចឹមបែបកសិដ្ឋាន ហើយត្រឹមរយៈពេលតែ៣ខែប៉ុណ្ណោះ។

គួរបញ្ជាក់ថា ជ្រូកកណ្ដុរ ដែលជាសត្វជ្រូកមួយប្រភេទ មានមាឌតូច ធន់នឹងកម្ដៅ ដែលភាគច្រើនចិញ្ចឹមដោយជនជាតិដើមភាគតិចនៅក្នុងខេត្តមណ្ឌលគិរី។ បច្ចុប្បន្នជ្រូកកណ្តុរកំពុងមានទីផ្សារខ្ពស់ ដោយគេកំពុងពេញនិយមដោយការលក់ជ្រូកកណ្ដុរអាំង ឬខ្វៃ។

បើនិយាយពីតម្លៃវិញ ជ្រូកកណ្ដុរខ្វៃ ឬអាំងរួចខ្នាតទម្ងន់ ប្រហែល ៥ ទៅជាង១០គីឡូក្រាម គឺអាចលក់បានក្នុងតម្លៃចន្លោះពី១៣០ដុល្លារទៅ២០០ដុល្លារ៕ អត្ថបទ៖ពុធិកា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤៩ នាទី មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៥២ នាទី មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ១ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍១ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍១ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services