ព័ត៌មានជាតិ
អាជីវករលក់ប្រហុកក្នុងផ្សារបឹងទំពុនវិជ្ជមានកូវីដ១៩
ប្រជាពលរដ្ឋ និងអាជីវករប្រមាណ ៣៤៨ នាក់ ដែលមានការពាក់ព័ន្ធផ្ទាល់ និងប្រយោល ក្រោយពីអ្នកវិជ្ជមានកូវីដ១៩ ប្រភេទ ដែលតាបានចូលផ្សារ។ គ្រូពេទ្យបានធ្វើតេស្ត ៣៤៨ នាក់ និងរកឃើញវិជ្ជមានម្នាក់ ជាអាជីវករលក់ប្រហុកក្នុងផ្សារ។
ក្រុមអាជីវករលក់ដូរ និងពលរដ្ឋដែលបានចូលទៅទិញម្ហូបអាហារក្នុងផ្សារបឹងទំពុន ស្ថិតក្នុងសង្កាត់បឹងទំពុន១ ខណ្ឌមានជ័យ រាប់រយនាក់ ត្រូវបានក្រុមគ្រូពេទ្យចុះធ្វើសំណាក នាព្រឹកថ្ងៃទី១៧ ខែសីហា ឆ្នាំ២០២១ ក្រោយមានអ្នកវិជ្ជមានមេរោគបំប្លែងថ្មីដែលតា ធ្លាប់ចូលទិញផ្សារហូបបង្អែម។
នៅព្រឹកថ្ងៃខែដដែលនោះ គេឃើញវត្តមាន លោក ឌី រ័ត្នខេមរុណ អភិបាលរងខណ្ឌមានជ័យ បានដឹកនាំកម្លាំងអាជ្ញាធរ ចុះពិនិត្យ និងសហការជាមួយក្រុមគ្រូពេទ្យ ដើម្បីសម្របសម្រួលដល់ដំណើរការ នៃការយកសំណាកអោយប្រព្រឹត្តិទៅបានរលូន។
ទន្ទឹមនឹងការចុះយកសំណាកនេះ ផ្សារ ក៏ដូចដងផ្លូវមួយចំនួនជុំវិញបរិវេណផ្សារត្រូវបានបិទការធ្វើចរាចរណ៍ទាំងស្រុង មិនអនុញ្ញាត្តិអោយចេញចូលឡើយ ដោយក្នុងនោះ មានការយាមកាមការពារសន្តិសុខយ៉ាងតឹងរឹង ពីសំណាក់កងកម្លាំងអាជ្ញាធរមានសមត្ថកិច្ចជាច្រើនផងដែរ។
សូមបញ្ជាក់ថា គិតត្រឹមវេលាម៉ោង១៤ រសៀលថ្ងៃទី១៧ ខែសីហា ឆ្នាំ២០២១នេះ ក្រុមគ្រូពេទ្យបានតេស្តិ៍សំណាកលើក្រុមអាជីវករ និងអ្នកពាក់ព័ន្ធសរុប ៣៤៨នាក់ ក្នុងនោះមានម្នាក់វិជ្ជមានកូវីដ១៩ ជាស្ត្រីអ្នកលក់ប្រហុកក្នុងផ្សារ។
នៅរសៀលថ្ងៃខែដដែល ដំណើរការ នៃការយកសំណាកពុំទាន់បានបញ្ជប់ឡើយ ដោយក្រុមគ្រូពេទ្យឈប់សម្រាកបន្តិច ហើយក៏នឹងបន្តយកសំណាកបន្តទៀត៕
ដោយ៖ លីហេង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង