ព័ត៌មានជាតិ
មកស្គាល់ប្រវត្តិព្រលានយន្តហោះបាត់ដំបង ធំជាងភ្នំពេញ ៣ ដង
ព្រលានយន្តហោះខេត្តបាត់ដំបង (ព្រលានយន្តហោះវាលបែកចាន) ត្រូវបានស្ថាបនាឡើងនៅក្នុងអំឡុងទសវត្សរ៍ឆ្នាំ១៩៦០ លើទំហំដីជិត១មុឺនហិកតា ធំជាងព្រលានយន្តហោះភ្នំពេញថ្មីដែលកំពុងសាងសង់ជិត ៣ ដង ហើយដែលបានដាក់ឲ្យដំណើរការនៅឆ្នាំ១៩៦៨ ដោយមានជើងហោះហើរទៅមករវាងភ្នំពេញនិងបាត់ដំបង។ ដោយសារតែចូលក្នុងភ្លើងសង្គ្រាមកាលពីអំឡុងឆ្នាំ១៩៧០ ពិសេសក្នុងរបបប៉ុលពតរវាងឆ្នាំ១៩៧៥ ដល់ឆ្នាំ១៩៧៩ ព្រលានយន្តហោះនេះបានផ្អាកដំណើរការស្ទើរតែទាំងស្រុងតែម្តង។
ក្រោយពីរបបប៉ុលពតដួលរលំទៅ រដ្ឋាភិបាលថ្មីនិងប្រជាជនកម្ពុជា ក៏ចាប់ផ្តើមរស់រានមានជីវិតឡើងវិញ។ទន្ទឹមនឹងនោះ ព្រលានយន្តហោះបាត់ដំបង ក៏ត្រូវបានបើកដំណើរការឡើងវិញ ដោយការបើកដំណើរការនាពេលនោះ មិនបានពេញលេញនៅឡើយ រហូតដល់ចុងទសវត្សរ៍ឆ្នាំ១៩៩០ បន្តរហូតដល់បច្ចុប្បន្ន។ដោយសារតែកម្រិតសេវាកម្មទាំងស្រុង ទើបព្រលានយន្តហោះខេត្តបាត់ដំបងត្រូវបានអាក់ខានដំណើរការតែម្តង។
សព្វថ្ងៃអាកាសយានដ្ឋានបាត់ដំបង បានបាត់បង់តួនាទីបម្រើការទាំងផ្នែកអាកាសចរណ៍ និងស៊ីវិលមានតែសកម្មភាពយូរៗម្តង នៅពេលដែលឧទ្ធម្ភាគចក្ររបស់មន្ត្រីជាន់ខ្ពស់ធ្វើដំណើរមកកាន់ខេត្តបាត់ដំបងតែប៉ុណ្ណោះ។ បើទោះបីយ៉ាងណា ព្រលានយន្តហោះបាត់ដំបងនៅតែអាចដើរតួនាទីសំខាន់ សម្រាប់បម្រើដល់ការហោះហើរនៅក្នុងស្រុក ករណីដែលមានអសន្តិសុខតាមព្រំដែន ដោយយន្តហោះអាចចុះចតចាក់ប្រេងនៅទីនេះក៏បាន។
ពាក់ព័ន្ធនិងព្រលានយន្តហោះវាលបែកចានខេត្តបាត់ដំបងកន្លងទៅ ប្រមុខរដ្ឋាភិបាលក៏ធ្លាប់បានណែនាំឱ្យមន្ត្រីសាលាខេត្តនិងក្រសួងមន្ទីរពាក់ព័ន្ធ ត្រូវសិក្សាថែរក្សាព្រលានយន្តហោះបាត់ដំបងឱ្យបាន បើទោះបច្ចុប្បន្នព្រលានយន្តហោះនេះ មិនទាន់ផ្តើមដំណើរការសាងសង់នៅឡើយ តែអនាគតចាំបាច់ត្រូវតែធ្វើការអភិវឌ្ឍន៍គម្រោងមួយនេះ។
បើទោះបីព្រលានយន្តហោះខេត្តបាត់ដំបង មិនអាចក្លាយជាព្រលានយន្តហោះអន្តរជាតិតែបើពេលខាងមុខកម្រិតជីវភាពរបស់ពលរដ្ឋខ្មែរមានភាពរីកចម្រើននោះ ប្រាកដតម្រូវការធ្វើដំណើរក្នុងប្រទេសនឹងកើនខ្ពស់ហើយការធ្វើដំណើរតាមផ្លូវអាកាស ក៏សេវាកម្មល្អទើបត្រូវរក្សាទុកសម្រាប់ត្រៀមលក្ខណះជួសជល់និងកែលម្អនាពេលអនាគតខាងមុខ។
ក្រោយពីព្រលានយន្តហោះវាលបែកចានខេត្តបាត់ដំបង បានបាត់បង់តួនាទីបំរើសេវាកម្មទាំងផ្នែកទេសចរណ៍និងសុីវិលស្ទើរទាំងស្រុង បច្ចុប្បន្នព្រលាននេះបានក្លាយជាទីកម្សាន្ត កន្លែងហាត់ប្រាណ និងសម្រាកលំហែរអារម្មណ៍នៅរៀងរាល់ល្ងាចៗ៕
អត្ថបទ៖ សៅ រិទ្ធិ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ