Connect with us

ព័ត៌មានជាតិ

បិទ​ការ​ទស្សនា​ប្រាសាទភិមានអាកាស ផ្នែក​ខាងលិច ដើម្បី​ជួសជុល ក្រោយពី​ពិនិត្យឃើញ​មានការ​ទ្រុឌទ្រោម

បានផុស

នៅ

អាជ្ញាធរ​ជាតិ​អប្សរា បានសម្រេច​បិទ​ការឡើង​ចុះ​ទស្សនា​តាម​ផ្នែក​ខាងលិច នៃ​ប្រាសាទ​ភិមាន​អាកាស ដែល​ស្ថិត​នៅ​ក្នុង​បរិ​វណ​អតីត​ព្រះរាជវាំង​ក្រុង​អង្គរធំ ជា​បណ្តោះអាសន្ន ដើម្បី​ធ្វើការ​ជួសជុល ក្រោយពី​ពិនិត្យ​ឃើញ​មានការ​ទ្រុឌទ្រោម ហើយ​ការ​ជួសជុល​ធ្វើឡើង​ដោយ​ក្រុម​ជំនាញ​ចិន ក្នុង​ក្របខណ្ឌ​អាយស៊ី​ស៊ី​អង្គរ ហើយ​ប្រើប្រាស់​អ្នកបច្ចេកទេស​កម្ពុជា នេះ​បើតាម​ការបញ្ជាក់​ពី​មន្ត្រីជាន់ខ្ពស់​ក្រសួង​វប្បធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីជូនដំណឹង​រប​ស់​អាជ្ញាធរ​ជាតិ​អប្សរា ដែល​ទើប​ទទួល​បាន​នៅ​ថ្ងៃទី​០២ ខែកញ្ញា ឆ្នាំ​២០២១​នេះ ផ្ញើជូន​អ្នកពាក់ព័ន្ធ​បាន​ឲ្យ​ដឹង​ថា បច្ចុប្បន្ន​ប្រាសាទភិមានអាកាស ដែល​ស្ថិតនៅក្នុង​បរិវេណ​អតីត​ព្រះរាជវាំង​ក្រុង​អង្គរធំ កំពុង​មាន​សភាព ទ្រុឌទ្រោម​ប្រឈម​ហានិភ័យ​ខ្ពស់​ដោយសារ​កត្តា​អាយុកាល និង​ធម្មជាតិ​។ ដោយ​សង្កេតឃើញ​ពី​បញ្ហា​ចំពោះមុខ​នេះ ក្រុម​អ្នកជំនាញ​អាជ្ញាធរ​ជាតិ​អប្សរា បាន​នឹង​កំពុង​សិក្សា​លើ​ចំណុច​ប្រឈម​នានា ដើម្បី​លើក​គម្រោង សម្រាប់​ការងារ​ជួសជុល​បន្ទាន់​។

ក្នុង​ន័យ​ដើម្បី​សម្រួល​ការងារ​នេះ ក៏ដូចជា​ដើម្បី​ជៀសវាង​គ្រោះថ្នាក់ ជាយថាហេតុ ដល់​ភ្ញៀវ​ទេសចរ​ជាតិ​-​អន្តរជាតិ និង​សាធារណជន​ទូទៅ អាជ្ញាធរ​ជាតិ​អប្សរា សម្រេច​បិទ​ការ​ឡើង​ចុះ​ទស្សនា​ប្រាសាទភិមានអាកាស​តាម​ច្រក​ផ្នែក​ខាងលិច​ជា​បណ្តោះអាសន្ន គិត​ចាប់ពី​ថ្ងៃទី​០១ ខែកញ្ញា ឆ្នាំ២០២១​តទៅ រហូតដល់​ការដ្ឋាន​ត្រូវបាន​ជួសជុល​រួចរាល់។

ទាក់ទង​បញ្ហា​នេះ លោក ស៊ុំ ម៉ាប់ រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ បាន​ថ្លែងប្រាប់​កម្ពុជា​ថ្មី​នា​រសៀល​ថ្ងៃទី​០២ ខែកញ្ញា នេះ​ថា នៅ​ប្រាសាទភិមានអាកាស​នេះ​មាន​ហានិភ័យ​ខ្ពស់ ហើយ​ពីមុន​ក្រុមការងារ​ជំនាញ​របស់​អាល្លឺម៉ង់ និង​ជប៉ុន ធ្លាប់​បាន​ធ្វើ​ការ​ស្រាវជ្រាវ​ម្តង​ហើយ ដើម្បី​ធ្វើការ​ជួសជុល​។ តែ​ក្រោយនេះ ក្រុម​អ្នកជំនាញ​ខាង​ប្រទេស​ចិន ជា​អ្នក​ជួសជុល នៅក្នុង​ក្របខណ្ឌ​អាយ​ស៊ី​ស៊ី​-​អង្គរ ICC-Angkor (​គណៈកម្មាធិការ​អន្តរជាតិ ដើម្បី​សម្របសម្រួល​កិច្ច​គាំពារ និង​អភិវឌ្ឍន៍​រមណីយដ្ឋាន​ប្រវត្តិសាស្ត្រ​អង្គរ​) ដោយ​ប្រើប្រាស់​អ្នកបច្ចេកទេស​កម្ពុជា​។

លោក​បញ្ជាក់ថា ការសម្រេច​ជួសជុល​នេះ ដោយសារ​តែ​ប្រាសាទ​នេះ​មាន​បញ្ហា​ទ្រុឌទ្រោម​យ៉ាងខ្លាំង ហើយ​មាន​ហា​ភ័យ​ខ្ពស់ ដោយ​កន្លងមក​ធ្លាប់​ធ្លាក់​ថ្ម និង​មាន​បញ្ហា​ជាច្រើន​ទៀត ហើយ​កិច្ចសហប្រតិបត្តិការ​ជាមួយ​ខាង​ចិន​នេះ បាន​ចុះហត្ថលេខា​រួចហើយ៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

សន្តិសុខសង្គម១៩ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

សេដ្ឋកិច្ច១២ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

សន្តិសុខសង្គម៩ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

ព័ត៌មានជាតិ១២ ម៉ោង មុន

តុលាការ សន្យាចាត់វិធានការច្បាប់ដោយម៉ឺងម៉ាត់លើសំណុំរឿងឃាតកម្មបង្កឡើងដោយឈ្មោះ ស្រី ស៊ីណា

Sokha Hotels

ព័ត៌មានពេញនិយម