ព័ត៌មានជាតិ
ជួសជុលផ្លូវមួយខ្សែប្រវែង២៦៥០ម៉ែត្រ ក្នុងឃុំគំរូ ស្រុកថ្មពួក
ក្រោយពីទឹកជំនន់ស្រកអស់ ហេដ្ឋារចនាសម្ព័ន្ធមានផ្លូវក្រាលគ្រួសក្រហម និងផ្លូវជាតិ ក្នុងស្រុកថ្មពួក ខេត្តបន្ទាយមានជ័យ ត្រូវបានខូចខាតអស់មួយចំនួន ប៉ុន្តែនៅព្រឹក ថ្ងៃទី២៨ ខែវិច្ឆិកា ឆ្នាំ២០២០នេះ លោកជំទាវ ម៉ៅ ម៉ាល័យ កែគឹមយ៉ាន រួមជាមួយអាជ្ញាធរខេត្តបន្ទាយមានជ័យ បានចូលរួមបើកការដ្ឋានជួសជុលផ្លូវមួយខ្សែដែលមានប្រវែង២.៦៥០ម៉ែត្រ ទទឹង៥ម៉ែត្រ ឆ្លងកាត់ភូមិ ចំនួន៣ គឺភូមិផ្សារថ្មី ភូមិគំរូ និងភូមិអណ្តូងខ្លុង ក្នុងឃុំគំរូ ស្រុកថ្មពួក ដើម្បីបង្កលក្ខណៈឲ្យពលរដ្ឋងាយស្រួលធ្វើដំណើរ។

លោក គឹង វណ្ណះ អភិបាលរង ខេត្តបន្ទាយមានជ័យ បានមានប្រសាសន៍ថា ប្រជាពលរដ្ឋនៅក្នុងឃុំគំរូនេះ ជួបការលំបាកក្នុងការធ្វើដំណើរទៅមក ដោយសារផ្លូវរងការខូចខាតព្រោះទឹកជំនន់រយៈពេលកន្លង។

លោកថា ការបើកការដ្ឋានជួសជុលផ្លូវមួយខ្សែនេះឡើង ដើម្បីសម្រួលចរាចរណ៍ទៅមកឲ្យបានស្រួលឡើងវិញ ក្នុងនោះមានគ្រឿងចក្រជាច្រើនគ្រឿង នឹងធ្វើការជួសជុលដោយប្រើរយៈពេលឲ្យខ្លីបំផុតដើម្បីឆាប់បានធ្វើចរាចរណ៍ទៅមកបានស្រួល។

ក្រោយពីបញ្ចប់ការងារបើកការដ្ឋានជួសជុលរួច លោកជំទាវ ម៉ៅ ម៉ាល័យ និងក្រុមការងារ បានប្រគេនស៊ីម៉ង់១២តោន រួមជាមួយសសរ ចំនួន៦ដើម ដើម្បីកសាងព្រះវិហារ វត្តវេឡុវន្តភូមិផ្សារថ្មី ព្រមទាំងបានចែកភួយដល់ប្រជាពលរដ្ឋ ផងដែរ៕
អត្ថបទ ៖ វ៉ាន់ ណាង




-
ព័ត៌មានអន្ដរជាតិ៦ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ ago
ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៥ ម៉ោង ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា