ព័ត៌មានជាតិ
អភិបាលស្រុក បំផុសស្មារតីដាំដើមត្នោតចម្ងាយជាង ៤ គីឡូម៉ែត្រ ទុកជាដួងព្រលឹងជាតិ
តាកែវ ៖ មហាជនទូទៅធ្លាប់តែឮ និងឃើញការដាំឈើប្រណិតផ្សេងៗ ដូចជា ដើមធ្នង់ ដើមបេង ដើមឈើទាល ដើមផ្ចឹក ដើមសុក្រម ដើមគ្រញូង ដើមនាងនូន ដោយឡែកនៅស្រុកសំរោង ខេត្តតាកែវ រដ្ឋបាលស្រុក បានដឹកនាំមន្ត្រីរាជការចំណុះសាលាស្រុក អាជ្ញាធរឃុំ មានទាំងព្រះសង្ឃ ប្រជាពលរដ្ឋ ដាំត្នោត ១៥០០គ្រាប់នៅក្នុងមូលដ្ឋានស្រុកសំរោងប្រមាណ ៤គីឡូម៉ែត្រ ដើម្បីបង្ហាញពីការស្រឡាញ់ ដួងព្រលឹងជាតិ និងអត្តសញ្ញាណជាតិខ្មែររបស់យើង ។
លោក កេត ម៉ៅ អភិបាល នៃគណៈអភិបាលស្រុកសំរោង នៅព្រឹកថ្ងៃទី១០ ខែកញ្ញា ឆ្នាំ២០២១ បានដឹកនាំមន្ត្រីរាជការកងកម្លាំងប្រដាប់អាវុធ អាជ្ញាធរមូលដ្ឋាន យុវជន ព្រះសង្ឃចូលរួមដាំត្នោតចំនួន ១៥០០ គ្រាប់ នៅសង្ខាងតាមបណ្តោយខ្នងទំនប់ត្នោតទេ ដើម្បីទុកជាកេរ្តិ៍ដំណែលសម្រាប់មនុស្សជំនាន់ក្រោយបានស្គាល់ ។
លោកអភិបាលបានលើកឡើងថា គេតែងតែនាំគ្នាដាំឈើប្រណិតផ្សេងៗ រួមមាន ដើមធ្នង់ ដើមបេង ដើមឈើទាល ដើមផ្ចឹក ដើមសុក្រម ដើមគ្រញូង ដើមនាងនួន ជាដើម ចំណែកដើមត្នោតគឺមិនសូវមាននរណាចាប់អារម្មណ៍ដាំនោះទេ។
លោកអភិបាលនៃគណៈអភិបាល ស្រុកសំរោង បានឲ្យដឹងថា ដើមត្នោតជាតំណាងអត្តសញ្ញាណដួងព្រលឹងជាតិខ្មែរ។ ដើមត្នោតដាំចាប់ពីប្រាំទៅប្រាំពីរឆ្នាំ គឺអាចទទួលផលបានហើយ ប្រសិនបើមិនសត្វចង្រៃមកយាយី។ គ្រាប់ត្នោតទាំង ១៥០០គ្រាប់នេះ គឺលោកបានទិញពីគេខ្លះ និងសុំគេខ្លះ សម្រាប់ដាំនៅតាមតាមបណ្តោយខ្នងទំនប់ត្នោតទេ ព្រំប្រទល់រវាងឃុំលំចង់ និង ឃុំទ្រា នៃស្រុកសំរោង ខេត្តតាកែវ ប្រវែងប្រហែល ៤គីឡូម៉ែត្រ បន្ទាប់ពីពិនិត្យឃើញថា នៅតាមបណ្តោយខ្នងទំនប់ ត្នោតទេ គឺមិនមានដើមត្នោតសោះ ខណៈឈ្មោះ ខ្នងត្នោតទេ តែគ្មានដើមត្នោត ។
ជាមួយគ្នានេះលោក កេត ម៉ៅ អភិបាល នៃគណៈអភិបាល ស្រុកសំរោង សូមសំណូមពរ បងប្អូនប្រជាពលរដ្ឋខ្មែរទាំងអស់ ចូលរួមដាំនិងថែរក្សាដើមត្នោត ដើម្បីបង្ហាញពីការស្រឡាញ់ ដួងព្រលឹងជាតិនិងអត្តសញ្ញាណជាតិរបស់ខ្មែរយើងជាបន្តទៀត៕
អត្ថបទ៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង