តម្លៃ​ខុស​គ្នា​មួយ​គុណជាបី​ ម្រះ​លក់នៅ​ចម្ការ និង​នៅ​​ផ្សារ​ក្រុង​បាត់​ដំបង​ ​
Connect with us
Helistar Cambodia - Helicopter Charter Services

ព័ត៌មានជាតិ

តម្លៃ​ខុស​គ្នា​មួយ​គុណជាបី​ ម្រះ​លក់នៅ​ចម្ការ និង​នៅ​​ផ្សារ​ក្រុង​បាត់​ដំបង​ ​

បានផុស

នៅ

ខេត្តបាត់ដំបង÷ ផ្លែម្រះដែលតម្រូវការលើទីផ្សារក្នុងស្រុក មានការធ្លាក់ថ្លៃ​ធ្វើឱ្យប្រជាកសិករប្រកបរបរដាំផ្លែម្រះ១គ្រួសារ ក្នុងស្រុករតន:មណ្ឌល សម្រេចបញ្ឈប់ប្រើប្រាស់កម្លាំងកម្មករ ខណៈដែលចំណូលមិនអាចផ្គត់ផ្គង់ដល់កម្មករបាន។ នេះបើតាមការលើកឡើងពីលោកស្រី ណារិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើទំហំដី១ហិកតា ដើមម្រះវារលើទ្រើងពាសពេញទាំង៤៨ទ្រើង (=៤៨រង) ជាមួយទិន្នផលយ៉ាងច្រើនខៀវបំព្រង​គួរ​ឱ្យចង់បរិភោគ ខណៈដែលប្រជាកសិករខ្មែរប្រើប្រាស់ជីបំប៉នជាប្រភេទជីធម្មជាតិទាំងស្រុង។

លោកស្រី ណារិន ជាម្ចាស់ចំការរស់នៅភូមិអូរល្មូន ឃុំឃ្លាំងមាស ស្រុករតនមណ្ឌល ខេត្តបាត់ដំបងបានរៀបរាប់ឱ្យដឹងថា ក្រុមគ្រួសារលោកស្រីក្រៅពីការដាំដំឡូងមីនិងពោត បានចាប់យកមុខរបរដាំដំណាំម្រះ​បន្ថែម​។ ដំបូងឡើយហាក់កាក់កបលោកស្រីបានដាក់កម្មករខ្លះ ដើម្បីកាត់បន្ថយការហត់នឿយសមាជិកក្នុងគ្រួសារ ពិសេសលោកស្រីបានមើលឃើញថា អ្នកភូមិផងរបងជាមួយខ្វះការងារធ្វើ និងរកប្រាក់ចំណូលមិនបាន ទើបយកមកឱ្យជួយថែទាំចម្ការម្រះដែលលោកស្រើបានប្រើពាក្យថា ជាការចែកលុយគ្នាចាយ ដើម្បីសេដ្ឋកិច្ចគ្រួសារនិមួយៗទៅតាមលទ្ធភាពរបស់លោកស្រី។

តែគួរឱ្យសោកស្តាយ ដែលបច្ចុប្បន្នលោកស្រីបានសម្រេចបញ្ឈប់បងប្អូនអ្នកភូមិពីកម្មករ ខណៈដែលដំណើរការលើទីផ្សារក្នុងស្រុក បានធ្លាក់ចុះយ៉ាងខ្លាំងធ្វើឱ្យលោកស្រីមិនអាចសល់ប្រាក់កម្រៃ ជួយដល់កម្មករបន្តទៀត ទើបសម្រេចបញ្ឈប់ដោយក្តីអាណិតអាសូរតែម្តង។

លោកស្រីបន្តថា ប្រភេទដំណាំម្រះរដាំនិងទទួលផល ដោយប្រើរយៈពេលត្រឹម០១ខែ២០ថ្ងៃប៉ុណ្ណោះ។ដោយឡែកការថែទាំពិបាកបន្តិច និងប្រើប្រាស់ថវិកាគួសមដែរ ទៅលើដូចជាកម្មករ ថ្លៃប្រេង ថ្លៃជីជាដើម ខណៈបច្ចុប្បន្នលោកស្រីលក់បានតែ១ពាន់រៀលចុះក្រោមក្នុង១គីឡូក្រាម ពេលខ្លះបានត្រឹម៧រយរៀលប៉ុណ្ណោះ ដែលមិន​រួច​ថ្លៃកម្មករខណះលោកស្រីថាបានតម្លៃត្រឹម២ពាន់រៀលក្នុង១គីឡូ ទើបបានកម្រៃចំណេញខ្លះ។

លោកស្រីបានបញ្ជាក់ថា លើទំហំដី១ហិកតាគិតចាប់ពីថ្ងៃប្រមូលផលក្នុងមួយថ្ងៃ លោកស្រីអាចប្រមូលផលបាន៤០០គីឡូក្រាម ហើយថ្ងៃខ្លះបាន៣០០គីឡូក្រាម សម្រាប់តម្រូវការលើទីផ្សារក្នុងស្រុក ពេលខ្លះក៏មានអាជីវករមកយកដល់ចម្ការតែម្តង។

ឆ្លើយតបនិងការត្អូញតែរបស់ម្ចាស់ចម្ការម្រះពាក់ព័ន្ធទីផ្សារផ្លែម្រះ កញ្ញាស្រី(ឡឹក) ជាអាជីវករលក់ផ្លែម្រះក្នុងក្រុងបាត់ដំបងបានបញ្ជាក់ឱ្យដឹងនៅថ្ងៃព្រឹកថ្ងៃទី១៣ខែកញ្ញានេះថា ចំពោះផ្លែម្រះមិនទាន់ធ្លាក់ថ្លៃច្រើននៅឡើយទេនៅលើទីផ្សារ គឺនៅពេញនិយមអ្នកបរិភោគនៅឡើយ ខណៈកញ្ញាលក់ចេញក្នុង​១​គីឡូក្រាម​៣​ពាន់រៀល​ ដែលបានទិញបន្តពីគេក្នុងតម្លៃ២៥០០រៀលក្នុង១គីឡូក្រាម។ ផ្ទុយពីការត្អូញត្អែរបស់ម្ចាស់ចម្ការខាងលើ ដែលបានឡើកឡើងថាផ្លែម្រះបានធ្លាក់ថ្លៃរហូតដល់១គីឡូក្រាម១ពាន់រៀលឬ៧រយរៀល។

ស្របតាមការលើកឡើងរបស់អាជីវករលក់ផ្លែម្រះលើទីផ្សារក្នុងក្រុងបាត់ដំបង មន្ត្រីកសិកម្មស្រុក​រតន:មណ្ឌល​ បានលើកឡើងថា ចំពោះតម្លៃដែលម្ចាស់ចម្ការខាងលើបានលើកឡើងគឺដោយសាតែបុគ្គលឈ្មួញ​ដែលទៅលើកពីគាត់ទម្លាក់តម្លៃទីផ្សារដោយខ្លួនឯងប៉ុណ្ណោះ ដោយលោកបានជំរុញឱ្យម្ចាស់ចម្ការដឹកជញ្ជូនចូលទីផ្សារក្នុងក្រុងបាត់ដំបងវិញជាការប្រសើរ បើពុំនោះអ្នកដាំនៅតែមិនដឹងពិតអំពីតម្លៃទីផ្សារផ្លែម្រះក្នុងបច្ចុប្បន្ននេះដដែល ខណះអ្នកបរិភោគនៅតែពេញនិយមទៅលើផ្លែម្រះនេះនៅឡើយ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

ត្រឹមមួយសប្តាហ៍ ពិភពលោក ទទួលបានដំណឹងល្អដល់ទៅ២ អំពីថ្នាំព្យាបាលកូវីដ

សេដ្ឋកិច្ច៣២ នាទី មុន

អ្នកវិនិយោគខ្មែរបោះទុនជាង៥លានដុល្លារ បង្កើតរោងចក្រផលិតកែវក្រដាស និងបំពង់បឺតដែលអាចបរិភោគបាន

ព័ត៌មានជាតិ៤៨ នាទី មុន

តើមានការធ្វើតេស្តកូវីដ-១៩ ចំពោះគ្រូបង្រៀនជាប្រចាំសប្ដាហ៍ ដែរ ឬទេ?

ព័ត៌មានអន្ដរជាតិ៤៩ នាទី មុន

រដ្ឋាភិបាល​ក្រុង​កាប៊ុល​អនុញ្ញាត​ឲ្យ​ស្ត្រី​ធ្វើ​ការ​​បាន​គឺ​លាង​សម្អាតបន្ទប់ទឹក

ព័ត៌មានជាតិ៥៤ នាទី មុន

រឿងចាប់សាច់ពពែ៖ សម្តេចតេជោ ប្រាប់ឲ្យរដ្ឋមន្ត្រីក្រសួងកសិកម្ម ប្រជុំដោះស្រាយជាកញ្ចប់ដើម្បីផ្តល់​ផលប្រយោជន៍ឲ្យប្រជាជន

Sokha Hotels

ព័ត៌មានពេញនិយម

Helistar Cambodia - Helicopter Charter Services