មេបញ្ជាការកងទ័ពសង្ឃឹមថា អាមេរិក នឹងនៅតែទំនាក់ទំនងជាមួយកម្ពុជា ដោយឈរលើគោលការណ៍គោរពគ្នាទៅវិញទៅមក
Connect with us
Helistar Cambodia - Helicopter Charter Services

ព័ត៌មានជាតិ

មេបញ្ជាការកងទ័ពសង្ឃឹមថា អាមេរិក នឹងនៅតែទំនាក់ទំនងជាមួយកម្ពុជា ដោយឈរលើគោលការណ៍គោរពគ្នាទៅវិញទៅមក

បានផុស

នៅ

ការបញ្ជាក់របស់នាយ​ឧ​ត្ត​ម​សេនីយ៍ វង្ស ពិ​សេន អគ្គមេបញ្ជាការ​នៃ​កងយោធពល​ខេមរភូមិន្ទ ខណៈ​លោក​បាន​អនុញ្ញាតឱ្យ​លោក​វរសេនីយ៍ឯក Thang Jacky Ly អនុព័ន្ធយោធា​ថ្មី​របស់​សហរដ្ឋអាមេរិក ប្រចាំ​កម្ពុជា ចូលជួប​សំដែង​ការគួរសម នៅ​អគ្គបញ្ជាការដ្ឋាន នា​ព្រឹក​ថ្ងៃទី​១៥ ខែកញ្ញា ឆ្នាំ​២០២១ នេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នៅក្នុង​ឱកាស​នោះ លោក​វរសេនីយ៍ឯក Thang Jacky Ly បាន​ជម្រាបជូន​នាយ​ឧ​ត្ត​ម​សេនីយ៍ អគ្គមេបញ្ជាការ ពី​គោលបំណង​នៃ​ការ​មក​បំពេញបេសកកម្ម​ការទូត​នៅ​កម្ពុជា ដោយ​ទី​១. ធ្វើការ​សិក្សា​ស្វែងយល់​ពី​វប្បធម៌ និង​ទំនៀមទម្លាប់​របស់​ប្រទេស​កម្ពុជា ទី​២. ធ្វើការ​យ៉ាង​ជិតស្និត​ជាមួយ​ថ្នាក់ដឹកនាំ​នៃ​កងយោធពល​ខេមរភូមិន្ទ ដើម្បី​ជំរុញ​កិច្ចសហប្រតិបត្តិការ​រ​វាង​កងទ័ព​ប្រទេស​ទាំងពីរ​។​

​ជា​កិច្ច​ឆ្លើយតប នាយ​ឧ​ត្ត​ម​សេនីយ៍ វង្ស ពិ​សេន បានលើកឡើង​ពី​ទំនាក់ទំនង​ការទូត​រវាង​កម្ពុជា និង​សហរដ្ឋអាមេរិក ដែលមាន​តាំងពី​ឆ្នាំ​១៩៥០ ហើយ​មកដល់​បច្ចុប្បន្ន​នេះ កម្ពុជា​នៅតែមាន​ជំហរ​រក្សា​កិច្ចសហប្រតិបត្តិការ​ល្អ​ជាមួយ​សហរដ្ឋអាមេរិក​។ នាយ​ឧ​ត្ត​ម​សេនីយ៍ វង្ស ពិ​សេន បាន​ថ្លែងអំណរគុណ​ដល់​សហរ​ដ្ឋ​អាមេរិក ដែល​ថ្មីៗ​នេះ​បាន​ជួយ​ដល់​កម្ពុជា​ក្នុងការ​ប្រយុទ្ធប្រឆាំង​ជំងឺ​កូ​វីដ​១៩ តាមរយៈ​ការផ្ដល់​វ៉ាក់សាំង​ចំនួន​១​លាន ៦​សែន​ដូ​ស រួមទាំង​សម្ភារៈ​បរិក្ខារ​ពេទ្យ​មួយចំនួនទៀត​។ ក្រៅពីនោះ សហរដ្ឋអាមេរិក​នៅបាន​ផ្ដល់ជំនួយ​មនុស្សធម៌​ដល់​កម្ពុជា ដូចជា ការជួយ​សង្គ្រោះ​គ្រោះមហន្តរាយ​ផ្សេងៗ ការជួយ​កសាង​ហេដ្ឋារចនាសម្ព័ន្ធ និង​ការបណ្ដុះបណ្ដាល​ធនធាន​មនុស្ស​ជាដើម​។​

​នាយ​ឧ​ត្ត​ម​សេនីយ៍ អគ្គមេបញ្ជាការ ក៏បាន​លើកឡើង​ពី​កិច្ចសហប្រតិបត្តិការ​រ​វាង​កម្ពុជា និង​សហរដ្ឋអាមេរិក នាពេល​កន្លងមក ក្នុងការ​ស្រាវជ្រាវ​រុករក​អដ្ឋិធាតុ​កងទ័ព​អាមេរិក ដែល​បាត់​ខ្លួន​ក្នុង​សង្គ្រាម​នៅ​កម្ពុជា និង​កិច្ចសហប្រតិបត្តិការ​បង្ក្រាប​អំពើ​ភេរវកម្ម ការជួញដូរ​មនុស្ស ក៏ដូចជា​ការ​ហ្វឹកហ្វឺន​ឆ្មាំ​អង្គរ និង​ការកសាង​កម្លាំង​របស់​កងយោធពល​ខេមរភូមិន្ទ ដែល​ត្រូវ​ទៅ​បំពេញបេសកកម្ម​នៅ​អង្គការសហប្រជាជាតិ និង​លំហសមុទ្រ​ផងដែរ​។​

នាយឧត្តមសេនីយ៍ វង្ស ពិសេន មានជំនឿថា ទៅថ្ងៃអនាគត សហរដ្ឋអាមេរិកនៅតែបន្តទំនាក់ទំនង និងកិច្ចសហប្រតិបត្តិការល្អជាមួយកម្ពុជា ដោយ​ឈរលើ​គោលការណ៍​គោរព​អធិបតេយ្យភាព ការគោរព​គ្នា និង​ការជឿទុកចិត្ត​គ្នា​ទៅវិញទៅមក ហើយ​កម្ពុជា​នៅតែ​ចាត់ទុក​សហរដ្ឋអាមេរិក​ជា​មិត្ត​ល្អ​របស់​កម្ពុជា​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៥ នាទី មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ២ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ២ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ២ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៣ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services