Connect with us

ព័ត៌មានជាតិ

អាជ្ញាធរខេត្តកោះកុងដោះស្រាយបញ្ហាដីធ្លីជូនពលរដ្ឋរងផលប៉ះពាល់ជាមួយក្រុមហ៊ុន យូញៀន

បានផុស

នៅ

លោក សុខ សុទ្ធី អភិបាលរងខេត្តកោះកុង បានដឹកនាំកិច្ចប្រជុំដើម្បីដោះស្រាយបញ្ហាដីធ្លីជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគអភិវឌ្ឍន៍របស់ក្រុមហ៊ុន យូញៀន (UNION) នៅថ្ងៃទី១៨ ខែកញ្ញា ឆ្នាំ២០២១នេះ។

លោក សុខ សុទ្ធី បានមានប្រសាសន៍នៅក្នុងកិច្ចប្រជុំថា កិច្ចប្រជុំនេះធ្វើឡើងដើម្បីផ្សព្វផ្សាយ និងណែនាំដល់អាជ្ញាធរ​មូលដ្ឋានអំពីទីតាំង និងគោលការណ៍នៃការដោះស្រាយគោលនយោបាយជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគអភិវឌ្ឍន៍របស់ក្រុមហ៊ុនយូញៀន (UNION)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលរងបានបន្តទៀតថា ប្រជាពលរដ្ឋដែលត្រូវទទួលបានការដោះស្រាយគោលនយោបាយមានចំនួន ៤ប្រភេទគឺ ១. ជាប្រជាពលរដ្ឋដែលមានទីលំនៅរស់នៅក្នុងទីតាំងវិនិយោគរបស់ក្រុមហ៊ុនយូញៀន មានចំនួន ២៤៧គ្រួសារ។ ២. ជាប្រជាពលរដ្ឋខុសភូមិ ខុសឃុំ មានចំនួន ២៥៥គ្រួសារ។ ៣. ជាប្រជាពលរដ្ឋស្នើសុំគោលនយោបាយបន្ថែម មានចំនួន ៨៣១គ្រួសារ និងប្រភេទទី៤ ជាប្រជាពលរដ្ឋស្នើសុំដីសម្បទានសង្គមកិច្ច។

លោកបានបន្តទៀតថា ក្នុងចំណោមប្រជាពលរដ្ឋទាំង៤ប្រភេទខាងលើនេះ គឺប្រជាពលរដ្ឋប្រភេទទី១ ប្រភេទទី២ និងប្រភេទទី៣ នឹងត្រូវទទួលបានការដោះស្រាយគោលនយោបាយក្នុងពេលជាមួយគ្នា ហើយសម្រាប់ប្រជាពលរដ្ឋប្រភេទទី៤ នឹងទទួលបានការដោះស្រាយបន្ទាប់ពីការដោះស្រាយជូនប្រជាពលរដ្ឋទាំង៣ប្រភេទខាងលើរួចរាល់។

ចំពោះទីតាំងដីសម្រាប់ធ្វើការដោះស្រាយគោលនយោបាយជូនប្រជាពលរដ្ឋប្រភេទទី១ ប្រភេទទី២ និងប្រភេទទី៣ មានទីតាំងស្ថិតនៅ ចំណុចវាលពួចបាក់មែក ក្នុងភូមិទួលពោធិ៍ ឃុំតានូន ស្រុកបូទុមសាគរ ខេត្តកោះកុង (ស្ថិតនៅចន្លោះទីតាំងដីក្រុមហ៊ុនយូញៀន និងគម្រោងតំបន់សេដ្ឋកិច្ចពិសេស)។

តាមរយៈកិច្ចប្រជុំនេះ លោក សុខ សុទ្ធី បានក្រើនរំលឹក ដល់អាជ្ញាធរមូលដ្ឋាន ឱ្យទប់ស្កាត់ការចូលទន្ទ្រានកាន់កាប់ទីតាំងដីខាងលើនេះផងដែរ ហើយនឹងត្រូវអនុវត្តតាមផ្លូវច្បាប់ចំពោះបុគ្គលណាដែលនៅតែបន្តទន្ទ្រានកាន់កាប់ និងបន្តការកាន់កាប់ដីក្នុងទីតាំងដី ស្ថិតនៅចំណុចវាលពួចបាក់មែក ក្នុងភូមិទួលពោធិ៍ ឃុំតានូន ស្រុកបូទុមសាគរ ខេត្តកោះកុង (ស្ថិតនៅចន្លោះទីតាំងដីក្រុមហ៊ុនយូញៀន និងគម្រោងតំបន់សេដ្ឋកិច្ចពិសេស) ដែលសម្រាប់ដោះស្រាយគោលនយោបាយជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគរបស់ក្រុមហ៊ុនយូញៀន។

ពាក់ព័ន្ធនឹងទីតាំងដីសម្រាប់ដោះស្រាយគោលនយោបាយជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគរបស់ក្រុមហ៊ុនយូញៀន ដែលមានទីតាំងស្ថិតនៅចំណុចវាលពួចបាក់មែក ក្នុងភូមិទួលពោធិ៍ ឃុំតានូន ស្រុកបូទុមសាគរ ខេត្តកោះកុង (ស្ថិតនៅចន្លោះទីតាំងដីក្រុមហ៊ុនយូញៀន និងគម្រោងតំបន់សេដ្ឋកិច្ចពិសេស) រដ្ឋបាលខេត្តកោះកុង បានចេញសេក្តីជូនដំណឹងលេខ២៩០/២១ សជណ ចុះថ្ងៃទី០៨ ខែកញ្ញា ឆ្នាំ២០២១ ដោយសូមឱ្យបុគ្គលទាំងឡាយណាដែលមានជាប់ពាក់ព័ន្ធនឹងការទន្ទ្រានកាន់កាប់ សាងសង់ផ្ទះ ខ្ទម របង ដាំដំណាំដោយអនាធិបតេយ្យ ក្នុងទីតាំងដីស្ថិតនៅចំណុចវាលពួចបាក់មែក (អតីតទីតាំងដីក្រុមហ៊ុនឋានសួគ៌) ក្នុងភូមិទួលពោធិ៍ ឃុំតានូន ស្រុកបូទូមសាគរ ខេត្តកោះកុង សូមរុះរើ និងចាកចេញពីទីតាំងដីនេះជាបន្ទាន់ និងដោយគ្មានលក្ខខណ្ឌ។

ចំពោះ បុគ្គលទាំងឡាយណា ដែលនៅតែបន្តការទន្ទ្រានកាន់កាប់ដីក្នុងទីតាំងដីស្ថិតនៅចំណុចវាលពួចបាក់មែក (អតីតទីតាំងដីក្រុមហ៊ុនឋានសួគ៌) ក្នុងភូមិទួលពោធិ៍ ឃុំតានូន ស្រុកបូទូមសាគរ ខេត្តកោះកុងទៀត នឹងត្រូវទទួលទោសតាមផ្លូវច្បាប់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៥ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៦ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៨ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៩ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម