ផ្ទុះកូវីដប្រភេទ Delta អភិបាលស្រុក សម្រេចបិទការធ្វើចរាចរណ៍ ចេញចូលភូមិសាស្រ្ត ឃុំស្រែអំបិល
Connect with us
Helistar Cambodia - Helicopter Charter Services

ព័ត៌មានជាតិ

ផ្ទុះកូវីដប្រភេទ Delta អភិបាលស្រុក សម្រេចបិទការធ្វើចរាចរណ៍ ចេញចូលភូមិសាស្រ្ត ឃុំស្រែអំបិល

បានផុស

នៅ

លោកអភិបាលស្រុកស្រែអំបិល បានសម្រេចបិទជាបណ្ដោះអាសន្ន ចំពោះការធ្វើចរាចរណ៍ ចេញចូលក្នុងភូមិ​សាស្រ្តឃុំស្រែអំបិល ស្រុកស្រែអំបិល ខេត្តកោះកុង ដើម្បីទប់ស្កាត់ ការឆ្លងរីករាលដាលជំងឺកូវីដ-១៩ ប្រភេទDelta។ ការបិទផ្អាកចរាចរណ៍ ២៤ម៉ោង លើ២៤ ម៉ោងនេះ ធ្វើឡើង ចាប់ពីថ្ងៃទី២២ ខែកញ្ញា ដល់ថ្ងៃទី៥ ខែតុលា ឆ្នាំ២០២១។ នេះបើតាមរយៈលិខិតសម្រេច របស់លោក ជា ច័ន្ទកញ្ញា អភិបាលស្រុកស្រែអំបិល នៅថ្ងៃទី២២ ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលស្រុកស្រែអំបិល ក៏បានដាក់ផែនការយ៉ាងហ្មត់ចត់បំផុត ចំពោះការពិនិត្យរាល់ការចេញចូល ក្នុងភូមិឃុំខាងលើ ហើយបន្តស្រាវជ្រាវរកអ្នកពាក់ព័ន្ធផ្ទាល់ និងប្រយោលជាមួយអ្នកវិជ្ជមានកូវីដ-១៩។ ក្នុងនោះអ្នកសង្ស័យត្រូវធ្វើតេស្តរហ័ស ឬធ្វើចត្តាឡីស័ក តាមវិធានការសុខាភិបាល។ លោក ជា ច័ន្ទកញ្ញា បញ្ចាឲ្យមានការហ៊ុមព័ន្ធផ្ទះ កន្លែងស្នាក់នៅ និងទីតាំងផ្សេងទៀតរបស់អ្នក ដែលមានវិជ្ជមានកូវីដ។ រីឯអាជ្ញាធរមូលដ្ឋាន ត្រូវរាយការណ៍ជាបន្ទាន់ ចំពោះប្រជាពលរដ្ឋ ដែលខ្វះខាតត្រូវដោះស្រាយ ខាងផ្នែកស្បៀងអាហារ។

មន្រ្តីក្រុមការងារ ណែនាំឲ្យម្ចាស់អាហារដ្ឋាន ភោជនីយដ្ឋាន តូបលក់អាហារ និងម្ចាស់សណ្ឋាគារផ្ទះសំណាក់ អាចប្រកបអាជីវកម្មវេចខ្ចប់ហើយ មិនអនុញ្ញាតឲ្យជួបជុំទទួលទាន ក្នុងបរិវេណអាជីវកម្មនោះទេ។ អ្វីដែលសំខាន់ទៀតនោះ គឺហាមមានការជួបជុំប្រមូលផ្តុំសេពគ្រឿងស្រវឹង ឬកម្មវិធីមិនចាំបាច់ណាមួយ។ បន្តផ្សព្វផ្សាយអប់រំណែនាំពីវិធីបង្ការតាមរយៈម៉ាស់ លាងដៃនឹងអាល់កុល និងរក្សាគម្លាតសង្គមជាដើម។ ប្រសិនជនណាមិនគោរពតាម នឹងអនុវត្ត តាមច្បាប់ជាធរមាន។

តាមលោកវេជ្ជបណ្ឌិត ហូរ សុខហួន ប្រធានមន្ទីរពេទ្យបង្អែកស្រុកស្រែអំបិល បានឲ្យដឹងនៅព្រឹកថ្ងៃទី២៣ ខែកញ្ញានេះថា ២ថ្ងៃមកនេះ មន្រ្តីសុខាភិបាលបានធ្វើតេស្តរហ័ស និងបញ្ចូនសំណាកបន្តទៅវិទ្យាស្ថានប៉ាស្ទ័រ រកឃើញថាអ្នកឆ្លងជំងឺកូវីដប្រភេទDelta ចំនួន៣នាក់ និងអ្នកពាក់ព័ន្ធចំនួន១២នាក់ផ្សេងទៀត។ អាការៈសុខភាពអ្នកជំងឺកូវីដ ៣នាក់ កំពុងព្យាបាលនៅមន្ទីរពេទ្យ ជាលក្ខណៈស្រាលដែរទេ តែវាជាភ្នាក់ងារចម្លងជំងឺលឿនខ្លាំងណាស់។

លោកប្រធានមន្ទីរពេទ្យបង្អែកស្រុកស្រែអំបិល បានអះអាងថា ដើមហេតុដែលនាំឲ្យផ្ទុះជំងឺកូវីដ-១៩ ហើយជាប្រភេទដែលតានេះ ក៏ព្រោះតែចរន្ត នៃការលំហូចូលចេញមនុស្ស ចំណូលថ្មីមកពីគ្រប់កន្លែង ទៅកាន់មូលដ្ឋានរស់នៅរបស់ពលរដ្ឋ។ ចំណែកឯពលរដ្ឋ មានឈ្មោះជាប់ធ្វើចត្តាឡីស័ក នៅផ្ទះបែរ ជាចេញក្រៅខ្សែហ៊ុមព័ទ្ធ ខ្វះការប្រុងប្រយ័ត្នពីវិធានការសុខាភិបាល។ ដូច្នេះលោកទទូចស្នើសុំជាថ្មី ដល់ពលរដ្ឋ អ្នកពាក់ព័ន្ធទាំងអស់ សហការជាមួយមន្រ្តីជំនាញ និងអនុវត្តវិធានការសុខាភិបាល ៣កុំ ៣ការពារ ឲ្យបានខ្ជាប់ខ្ជួនបំផុត ដើម្បីជៀសផុតការឆ្លង៕

អត្តបទ៖ សិរី វឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ថ្នាក់ដឹកនាំ​សាលា​ភូមិន្ទ​រដ្ឋបាល ជ្រើស​រើស​យក​វត្ត​អង្គរ​ខាងជើង ជា​ចំណុច​ចាប់ផ្តើម នៃ​គម្រោង​សាកល្បង​ការរៀបចំ​សួន​ទេសភាព វប្បធម៌ វត្ត​អារាម

ព័ត៌មានជាតិ២ ម៉ោង មុន

បណ្ឌិត សេង សារី ថា មាន​សម្តេច ហ៊ុន សែន តែម្នាក់ឯង​គត់ ដែល​បាន​កសាង​ប្រវត្តិសាស្ត្រ​ក្នុងការ​ដោះស្រាយ​ជម្លោះ​នយោបាយ​នៅ​កម្ពុជា

ព័ត៌មានជាតិ២ ម៉ោង មុន

សាខា​កាកបាទក្រហមកម្ពុជា ខេត្តព្រៃវែង បើក​យុទ្ធនាការ «​បាញ់ថ្នាំ​កំចាត់​ជម្រក​មូស​ខ្លា ដើម្បី​ការពារ​ជំងឺគ្រុនឈាម​-​គ្រុន​ឈី​ក​»

ជីវិតកម្សាន្ដ២ ម៉ោង មុន

តារាចម្រៀង រតនៈ វិសាល មានទុក្ខ​ធំ​ព្រោះ​ម្តាយ​ទទួលមរណភាព

នយោបាយ៣ ម៉ោង មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

Sokha Hotels

ព័ត៌មានពេញនិយម

Helistar Cambodia - Helicopter Charter Services