Connect with us

ព័ត៌មានជាតិ

មកដល់ពេលនេះ ខេត្តបាត់ដំបង រកឃើញព្រះសង្ឃ១៥អង្គឆ្លងកូវីដ-១៩

បានផុស

នៅ

រដ្ឋបាលខេត្តបាត់ដំបង អំពាវនាវប្រជាពលរដ្ឋបន្តប្រុងប្រយ័ត្ន កុំធ្វេសប្រហែសបង្ការខ្លួនពីជំងឺកូវីដ-១៩ ខណៈខេត្តបានរកឃើញព្រះសង្ឃចំនួន ១៥អង្គឆ្លងកូវីដ-១៩ ទន្ទឹមពេលតាអាចារ្យ គណៈកម្មការវត្ត និងអ្នកពាក់ព័ន្ធដទៃកំពុងធ្វើចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក សឿម ប៊ុនរិទ្ធ អភិបាលរងនៃគណៈអភិបាលខេត្តបាត់ដំបង មានប្រសាសន៍ប្រាប់ “កម្ពុជាថ្មី” នៅថ្ងៃទី២៣ ខែកញ្ញានេះថា​​​ ជំងឺកូវីដ-១៩ មិនទាន់ស្រាកស្រាន្តនៅឡើយ ថ្វីដ្បិតតែរាជរដ្ឋាភិបាលខិតខំទប់ស្កាត់ ដោយប្រើវិធានការអប់រំផង វិធានការរដ្ឋបាលផង វិធានការច្បាប់ផងក្ដី ប៉ុន្តែប្រជាពលរដ្ឋមួយចំនួនតូចនៅអនុវត្តសកម្មភាពរស់នៅដូចធម្មតា។

លោក សឿម ប៊ុនរិទ្ធ អភិបាលរងនៃគណៈអភិបាលខេត្តបាត់ដំបង មានប្រសាសន៍បន្តថា ការពិតយើងកំពុងរស់នៅក្នុងសម័យកាលនៃការឆ្លងរីករាលដាលនៃកូវីដ-១៩ ដែលយើងត្រូវសម្រួលឥរិយាបទការរស់នៅប្រចាំថ្ងៃតាមបែបគន្លងថ្មី ព្រោះបើយើងធ្វើប្រហែស ជំងឺកូវីដនឹងងាយរាលដាលដល់សហគមន៍ ជាក់ស្ដែងថ្មីៗនេះ មានការរាលដាលចូលដល់ព្រះសង្ឃហើយ។

លោក សឿម ប៊ុនរិទ្ធ មានប្រសាសន៍បញ្ជាក់បន្តថា៖ “​ការរកឃើញការឆ្លងនោះនៅថ្មីៗនេះ មុនរដូវកាន់បិណ្ឌតែ២ថ្ងៃទេ វត្ត គិរីរតនៈ ស្ថិតនៅទីរួមស្រុកកំរៀង។ ឥឡូវវត្តត្រូវបានបិទខ្ទប់រយៈពេល១៤ថ្ងៃ មិនអនុញ្ញាតឱ្យរៀបចំពិធីកាន់បិណ្ឌនោះទេ”។

លោក មានប្រសាសន៍បន្តថា៖ “មានតែវត្តមួយនេះទេក្នុងខេត្តបាត់ដំបង ដែលបានឆ្លងព្រះសង្ឃចំនួន១៥អង្គ ហើយព្រះសង្ឃនៅព្យាបាលក្នុងវត្តផ្ទាល់ ព្រះសង្ឃដទៃទៀតឱ្យធ្វើចត្តាឡីស័កក្នុងវត្ត ហើយអាជ្ញាធរហ៊ុមព័ទ្ធខ្សែការពារ មិនឱ្យពុទ្ធបរិស័ទ ទំនាក់ទំនង។ គណៈកម្មការវត្ត តាអាចារ្យ យាយជី ពុទ្ធបរិស័ទ  អ្នកដែលបានប៉ះពាល់ផ្ទាល់ជាមួយព្រះសង្ឃដែលឆ្លងជំងឺកូវីដ-១៩ តម្រូវឱ្យធ្វើចត្តាឡីស័ក១៤ថ្ងៃដែរ ដើម្បីតាមដានសុខភាព”។

​អភិបាលខេត្តបាត់ដំបងរូបនេះ បានបង្ហាញថា ខេត្តបានដាក់វិធានការរដ្ឋបាលខេត្តគឺមិនឱ្យប្រមូលផ្ដុំគ្នាលើសពី១០នាក់។ បើប្រជាពលរដ្ឋមានជំនឿសាសនា ក៏មានចុះ ប៉ុន្តែសូមអនុវត្តវិធានការសុខាភិបាលឱ្យបានខ្ជាប់ខ្ជួន នៅកន្លែងរៀបចំពិធីបុណ្យទាន ត្រូវរៀបចំកន្លែងអង្គុយឱ្យមានគម្លាតពី១,៥ម៉ែត្រ ទៅ២ម៉ែត្រ ហើយត្រូវត្រៀមជែល អាល់កុល ហើយពាក់ម៉ាស ទាំងព្រះសង្ឃ ទាំងអាចារ្យ ទាំងគណៈកម្មការវត្ត ទាំងពុទ្ធបរិស័ទ។

លោក សឿម ប៊ុនរិទ្ធ មានប្រសាសន៍ថា៖ “ហើយក៏សូមអំពាវនាវ គណៈកម្មការវត្ត និងចៅអធិការវត្ត ជួយណែនាំ ចំពោះព្រះសង្ឃ ក៏ដូចជាពុទ្ធបរិស័ទបន្ថែមទៀត ឱ្យមានការប្រុងប្រយ័ត្នខ្ពស់ ប្រកាន់ខ្ជាប់នូវគោលការណ៍សុខាភិបាល និងតាមការណែនាំរបស់សម្ដេចតេជោ នាយករដ្ឋមន្ត្រី គឺអនុវត្តជាប់ជាប្រចាំ ៣ការពារ៣កុំ។”។

ជាទូទៅ ពិសេសក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌនេះ រដ្ឋបាលខេត្តបាត់ដំបង បានតម្រូវឱ្យវត្តមានការវាស់កម្ដៅ និងបាញ់អាល់កុលពុទ្ធបរិស័ទមុនចូលវត្ត ដែលការតម្រូវនេះអាចអនុវត្តបានចំពោះវត្តក្នុងក្រុង និងទីរួមស្រុក ប៉ុន្តែនៅវត្តខ្លះអត្តខាត់ ឬវត្តនៅជនបទតំបន់ដាចឆ្ងាយ ពុំមានឧបរករណ៍គ្រប់គ្រាន់ ដែលតម្រូវឱ្យរក្សាគម្លាត និងពាក់ម៉ាសជាចម្បង៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៤ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៥ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៨ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៨ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម