Connect with us

ព័ត៌មានជាតិ

មន្ត្រីជាន់ខ្ពស់​ក្រសួងការពារជាតិ ស្នើ​ឲ្យ​បញ្ជាការដ្ឋាន​រថក្រោះ​កងទ័ពជើងគោក​ផ្តល់​តួនាទី និង​ឋានន្តរស័ក្តិ ដល់​ស្ត្រី​ឲ្យ​បាន​សមស្រប

បានផុស

នៅ

ការ​ស្នើ​នេះ បាន​ធ្វើ​ឡើង​ដោយ​លោកស្រី​ឧ​ត្ត​ម​សេ​នី​យ៍​ឯក តុ​ប សារ៉ន អគ្គនាយករង អគ្គនាយ​ដ្ឋាន​ភស្តុភារ ហិរញ្ញវត្ថុ​ក្រសួងការពារជាតិ និង​ជា​អនុប្រធាន​ក្រុមការងារ​យេនឌ័រ ក្រសួងការពារជាតិ ខណៈ​អញ្ជើញ​ចុះ​ដក​បទពិសោធន៍​ការងារ​យេនឌ័រ ដើម្បី​សិក្សា​ស្វែងយល់​អំពី​របត់ នៃ​ការ​បំពេញ​ការងារ​ក្នុងអំឡុងពេល​កូ​វីដ​-១៩ នៅ​បញ្ជាការដ្ឋាន​រថក្រោះ កងទ័ពជើងគោក​ប្រចាំ​យោធភូមិភាគ​ទី​៥ ខេត្តបាត់ដំបង នា​ថ្ងៃទី​២៧ ខែកញ្ញា ឆ្នាំ​២០២១​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​របាយ​ការ​ណ៍​របស់លោក​ឧត្ដមសេនីយ៍ត្រី អ៊ឹម សុឃឿន មេបញ្ជាការរង បញ្ជាការដ្ឋាន រថក្រោះ​ប្រចាំ​ទិស​យោធភូមិភាគ​ទី​៥ បានអោយដឹងថា បច្ចុប្បន្ន​បញ្ជាការដ្ឋាន​រថក្រោះ​កងទ័ពជើងគោក​មាន​នារី​ចំនួន​២៩​នាក់ ហើយ​បានចាប់ផ្តើម​បង្កើតជា​សហគមន៍​ឡើង​នៅ​លើកដំបូង​នៅ​ឆ្នាំ​២០១៦ ពេលនេះ​កម្លាំង​នារី​បាន​ចូល​រួមមាន​ចំនួន​៩​នាក់ ហើយ​ក្នុងពេល​មាន​វិបត្តិ​កូ​វីដ​-១៩ នារី​ផ្នែក​សុខាភិបាល បាន​ផ្សព្វផ្សាយ​ពី​គោលការណ៍​របស់​ក្រសួងសុខាភិបាល និង​រាជរដ្ឋាភិបាល នូវ​វិធានការ ៣​ការពារ ៣​កុំ ដើម្បី​ឲ្យ​នារី​រស់​នៅមាន​អនាម័យ រស់នៅ​ស្អាត ហូប​ស្អាត រាល់ពេល​ចូលធ្វើការ​ត្រូវ​ពាក់​ម៉ាស់​វាស់​កម្ដៅ​ជាប្រចាំ​។

លោក​ឧត្ដមសេនីយ៍ត្រី អ៊ឹម សុឃឿន បាន​អោយដឹងទៀតថា នារី​បញ្ជាការដ្ឋាន​រថក្រោះ​បាន​ចូលរួម​ចាក់​វ៉ាក់សាំង​នៅ​បញ្ជាការដ្ឋាន​ទ័ព​ពិសេស ចំនួន​២​លើក និង​នៅ​បញ្ជាការដ្ឋាន​អង្គរក្ស​ចំនួន​១ លើក​។ ជាមួយគ្នា​នោះ លោក​ឧត្ដមសេនីយ៍ត្រី បាន​សំណូមពរ​ដល់​ក្រុមការងារ​យេនឌ័រ ធ្វើយ៉ាងណា​ឲ្យ​នារី​បញ្ជាការដ្ឋាន​រថក្រោះ បាន​រៀន​ជំនាញ​បន្ថែម​រៀងខ្លួន មិន​ថា​នៅក្នុង​ប្រទេស ឬ​នៅក្រៅ​ប្រទេស។

មាន​ប្រសា​ស​ន៍​នៅ​ក្នុងឱកាស​នោះ លោកស្រី​ឧ​ត្ត​ម​សេ​នី​យ៍​ឯក តុ​ប សារ៉ន បាន​មានប្រសាសន៍ថា គោលបំណង​របស់​ក្រុមការងារ​មកកាន់​ទីនេះ គឺ​ដើម្បី​ចុះ​ដក​បទពិសោធន៍​ការងារ​យេនឌ័រ និង​សិក្សា​ស្វែងយល់​អំពី​របត់ នៃ​ការបំពេញ​ការងារ​ក្នុងអំឡុងពេល​កូ​វីដ​-១៩ នៅក្នុង​បញ្ហា​ការដ្ឋាន​រថក្រោះ​កងទ័ពជើងគោក ប្រចាំ​យោធភូមិភាគ​ទី​៥ ។ លោកស្រី​បាន​សំដែង​នូវ​មនោសញ្ចេតនា​រីករាយ ដោយបាន​ឃើញ​លោក​មេបញ្ជាការ មេបញ្ជាការរង បញ្ជាការដ្ឋាន​រថក្រោះ​កងទ័ពជើងគោក បាន​យកចិត្តទុកដាក់​ចំពោះ​បងប្អូន​នារី និង​បាន​ផ្តល់ឱកាស​ជូន​នារី​បាន​បំពេញភារកិច្ច​របស់ខ្លួន ក្នុង​ស្មារតី​ទទួលខុសត្រូវ​ខ្ពស់​។ លោកស្រី​ក៏បាន​សំដែង​ការកោតសរសើរ​ដល់​នាយទាហាន នាយទាហានរង ពលទាហាន និង​បងប្អូន​នារី ក្នុង​បញ្ជាការដ្ឋាន​រថក្រោះ ដែល​បាន​រួមគ្នា ចូលរួម​ប្រយុទ្ធប្រឆាំង​ជំងឺ​កូ​វីដ​-១៩ ដែល​បានធ្វើអោយ​ជំងឺ​ដ៏​កាច​សាហាវ​នេះ​មិន​ឆ្លង​ចូលដល់​អង្គភាព​របស់​ខ្លួន​បាន​។

​នៅក្នុង​ឱកាស​នោះដែរ លោកស្រី តុ​ប សារ៉ន បាន​សូម​សំណូមពរ​ដល់​មេបញ្ជាការរង មេបញ្ជាការរង បញ្ជាការដ្ឋាន​រថក្រោះ​កងទ័ពជើងគោក គាំទ្រ​ដល់​សកម្មភាព​នារី និង​ផ្តល់​តួនាទី ឋានន្តរស័ក្តិ​សមស្រប​ទៅតាម​តួនាទី​របស់​យុទ្ធ​នារី នាពេល​បច្ចុប្បន្ន​។

​នៅក្នុង​ឱកាស​នោះដែរ លោកស្រី​រួមទាំង​ក្រុមការងារ បាន​នាំយក​អំណោយ ផ្តល់ជូន​ដល់​បញ្ជាការដ្ឋាន​រថក្រោះ រួមមាន ម៉ាស អាកុល​គ្រឿង​ឧបភោគបរិភោគ និង​អំណោយ​លោក​ឧកញ៉ា ទៀង ថៃ និង​លោកជំទាវ វ៉ាន់ លុយ ឧបត្ថម្ភ​រួមមាន ទឹក​សុទ្ធ​អេ​រ៉ូ​ទិច ២០​កេស នំ​៥​កេស ត្រីខ​ចំនួន​១​កេស​ធំ និង​ថ្នាំ​ការពារ​ជំងឺ​កូ​វីដ​-១៩ ចំនួន​៥០​ប្រអប់​ផង​ដែរ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៤ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៧ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៧ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម