ព័ត៌មានជាតិ
រដ្ឋមន្ត្រីក្រសួងព័ត៌មាន ៖ ចំពោះរាជរដ្ឋាភិបាលកម្ពុជាសិទ្ធិទទួលបានព័ត៌មានជាសាកលគឺជាសិទ្ធិមួយដែលមិនអាចខ្វះបាននៅក្នុងសង្គមប្រជាធិបតេយ្យ
ភ្នំពេញ ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានថ្លែងបញ្ជាក់ថា ចំពោះកម្ពុជាជាពិសេសរាជរដ្ឋាភិបាលកម្ពុជាសិទ្ធិទទួលបានព័ត៌មានជាសាកលគឺជាសិទ្ធិមួយដែល មិនអាចខ្វះបាននៅក្នុងសង្គមប្រជាធិបតេយ្យ។
លោក ខៀវ កាញារីទ្ធ បានមានប្រសាសន៍បែបនេះនៅក្នុងឱកាសអបអរសាទរចំពោះទិវាអន្តរជាតិសម្រាប់សិទ្ធិទទួលបានព័ត៌មានជាសាកលសម្រាប់ ឆ្នាំ២០២១ ។
លោករដ្ឋមន្ត្រី ខៀវ កញារីទ្ធនៅក្នុងសារជាសម្លេងដែលបានផ្សព្វផ្សាយដោយទូរទស្សន៍ជាតិកម្ពុជានៅថ្ងៃទី២៨ខែកញ្ញានេះបានថ្លែងថា «ក្នុងនាមក្រសួងព័ត៌មាននិងខ្លួនខ្ញុំផ្ទាល់ អបអរសាទរចំពោះទិវាអន្តរជាតិសម្រាប់សិទ្ធិទទួលបានព័ត៌មានជាសាកលសម្រាប់ឆ្នាំ ២០២១ នេះ។ ចំពោះកម្ពុជាជាពិសេសរាជរដ្ឋាភិបាលកម្ពុជាសិទ្ធិទទួលបានព័ត៌មានជា សាកលគឺជាសិទ្ធិមួយដែលមិនអាចខ្វះបាននៅក្នុងសង្គមប្រជាធិបតេយ្យដែលមានការចូលរួម,ដើម្បីមានការចូលរួមដ៏ល្អគឺការទទួលបានព័ត៌មានមួយដែលត្រឹមត្រូវនិងជាក់លាក់ នេះជាការធានាមូលដ្ឋាននៃការជ្រើសរើសក៏ដូចជាការបោះឆ្នោតឬការសម្រេចចិត្តផ្សេងៗរបស់ប្រជាជនក្នុងការជ្រើសរើសអ្នកដឹកនាំឬក៏ការផ្ទៀងផ្ទាត់គោលនយោបាយដឹក នាំរបស់រាជរដ្ឋាភិបាល »។
លោករដ្ឋមន្ត្រីបានបន្តទៀតថា «មើលឃើញពីសារៈសំខាន់នេះហើយទើបរាជរដ្ឋាភិបាលកម្ពុជាបានសម្រេចឲ្យក្រសួងព័ត៌មានរៀបចំសេចក្តីព្រាងច្បាប់ស្ដីពីសិទ្ធិទទួលបានព័ត៌មាន,ដែល មានការចូលរួមពីគ្រប់មជ្ឈដ្ឋានដើម្បីកសាងជាច្បាប់នេះឡើង។ ច្បាប់នេះបានរៀបចំសព្វគ្រប់ហើយពេលនេះយើងនៅរង់ចាំតែការពិនិត្យចុងក្រោយរបស់ក្រសួង យុត្តិធម៌ ដើម្បីជំរុញដាក់ទៅរដ្ឋសភាដើម្បីអនុម័ត ទទួលអនុវត្តនៅក្នុងប្រទេសកម្ពុជាហើយសង្ឃឹមថាប្រជាជនកម្ពុជាទទួលបាននូវសិទ្ធិនិងព័ត៌មានជាក់លាក់ពិតប្រាកដដើម្បីធ្វើ ការសម្រេចចិត្តរបស់ខ្លួន» ។
គួរបញ្ជាក់ជូនថា ព្រឹកថ្ងៃទី២៨ ខែកញ្ញា ឆ្នាំ២០២១ លោកបណ្ឌិត សុខ ប្រសិទ្ធិ រដ្ឋលេខាធិការនិងជាប្រធានគណៈកម្មាធិការនីតិកម្មនៃក្រសួងព័ត៌មានបានដឹកនាំប្រតិភូក្រសួង ព័ត៌មានចូលរួមកិច្ចប្រជុំពិភាក្សាពិនិត្យលើសេចក្តីព្រាងច្បាប់ស្តីពីសិទ្ធិទទួលព័ត៌មាន ជាមួយលោក ជីវ ស៊ុងហាក់ រដ្ឋលេខាធិការក្រសួងយុត្តិធម៌ និង ថ្នាក់ដឹកនាំរួមទាំងមន្ត្រី បច្ចេកទេសច្បាប់តាមរយៈប្រព័ន្ធវីដេអូអនឡាញ។
កិច្ចប្រជុំបានពិភាក្សាបញ្ចប់រវាងក្រសួងយុត្តិធម៌និងក្រសួងព័ត៌មានទាំងលើសេចក្តីព្រាងច្បាប់ស្តីពីសិទ្ធិទទួលព័ត៌មានលើបទប្បញ្ញត្តិទាក់ទងនឹងអន្តរបញ្ញត្តិ។ ដោយអនុវត្តតាម អនុសាសន៍របស់រដ្ឋមន្ត្រីនៃក្រសួងទាំងពីរក្នុងការរៀបចំបញ្ចប់នៃកិច្ចពិភាក្សាលើសេចក្តីព្រាងច្បាប់ស្តីពីសិទ្ធិទទួលបានព័ត៌មានក្រសួងព័ត៌មាននិងក្រសួងយុត្តិធម៌បានជួបប្រជុំ ពិភាក្សាគ្នាជាច្រើនលើកច្រើនសារដើម្បីផ្លាស់ប្តូរយោបល់គ្នាទៅវិញទៅមក។
តាមរយៈការជ្រោមជ្រែងរបស់ក្រុមការងារបច្ចេកទេស នៃក្រសួងទាំងពីរបានជួបពិភាក្សាគ្នាជា ចុងក្រោយនៅថ្ងៃនេះ។ កិច្ចប្រជុំបានសម្រេចឯកភាពបញ្ចប់ជាស្ថាពរនៃកិច្ចពិភាក្សាលើសេចក្តីព្រាងច្បាប់ស្តីពីសិទ្ធិទទួលព័ត៌មានរវាងក្រសួងព័ត៌មាននិងក្រសួងយុត្តិធម៌ ។
លោក មាស សុភ័ណ្ឌ អនុរដ្ឋលេខាធិការនិងជាអ្នកនាំពាក្យក្រសួងព័ត៌មានបានមានប្រសាសន៍ឲ្យដឹងថា សម្រាប់កិច្ចប្រជុំនាឱកាសនេះក្រុមការងារបច្ចេកទេសនៃក្រសួងទាំង ពីរបានសម្រេចឯកភាពគ្នាទៅលើសេចក្តីព្រាងច្បាប់ស្តីពីសិទ្ធិទទួលព័ត៌មាន ហើយក្រុមការងារនឹងរៀបចំជារបាយការណ៍អំពីលទ្ធផលទាំងស្រុងនៃដំណើរការនៃកិច្ចពិភាក្សា ច្បាប់ស្តីពីសិទ្ធិទទួលព័ត៌មានដើម្បីអោយរដ្ឋមន្ត្រីក្រសួងទាំងពីរពិនិត្យសម្រេចមុនដាក់បញ្ជូនទៅក្នុងកិច្ចប្រជុំគណៈរដ្ឋមន្ត្រីមុនដាក់ជូនទៅរដ្ឋសភាដើម្បីស្នើសុំការអនុម័ត៕
ដោយ ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង