ព័ត៌មានជាតិ

ជនសង្ស័យមួយក្រុម ជិះម៉ូតូយកអង្កត់ឱស វាយអ្នកសារព័ត៌មានបែកក្បាល

បានផុស

២ years មុន

នៅ

ថ្ងៃពុធ ២៩ កញ្ញា ២០២១

ដោយ

នៅថ្ងៃទី២៨ខែកញ្ញា ឆ្នាំ២០២១វេលាម៉ោង១៥និង៣០នាទី នៅចំណុចក្រុមទី០៣ ភូមិអូរតាគាំ១ សង្កាត់ទួលតាឯកក្រុងបាត់ដំបង ខេត្តបាត់ដំបង មានករណីហិង្សាដោយចេតនា មានស្ថានទម្ងន់ទោសមួយកើតឡើង។ ករណីនេះបង្កដោយជនសង្ស័យមួយក្រុមមានម៉ូតូជាមធ្យោបាយ និងដុំឈេីជាអង្កត់ឱសផង បានធ្វេីសកម្មភាពវាយនិងគប់ទៅលេីឈ្មោះផ្លោយ ប៊ុនសឺយ ហៅវីរៈភេទប្រុស អាយុ២៧ឆ្នាំស្នាក់នៅផ្ទះជួលស្ថិតក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង ជាភ្នាក់ងារសារព័ត៌មាន SBT Post News ប្រចាំខេត្តបាត់ដំបង ខណ:ដែលជនរងគ្រោះកំពុងជិះម៉ូតូចេញពីកន្លែងស្នាក់នៅ ក្នុងមូលដ្ឋានខាងលេី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលកំពុងធ្វើសកម្មភាព ជនរងគ្រោះប្តូរចាប់បានជនដៃដល់ម្នាក់ក្នុងចំណោមបក្សពួកផ្សេងទៀត ដែលបានព្យាយាមគេចខ្លួន មុនពេលដែលសមត្ថកិច្ចនគរបាលក្រុងបាត់ដំបងចល័តកម្លាំងទៅដល់ចំណុចកើតហេតុ។ ភ្លាមៗនៅកន្លែងកើតហេតុ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានទៅដល់ទីនោះនិងបានដាក់បទបញ្ជាឱ្យលោកវរសេនីយ៍ឯកពេជ្រ សារ៉ែន អធិការនគរបាលក្រុងបាត់ដំបង នាំយកជនសង្ស័យខាងលើនេះទៅកាន់អធិការដ្ឋាននគរបាលក្រុងបាត់ដំបង ដើម្បីធ្វើការសាកសួរស្រាវជ្រាវស៉ើបអង្កេតលេីករណីនេះ។

ជនសង្ស័យនេះមានឈ្មោះរឿត រ៉ាមី ភេទប្រុសអាយុ ២១ឆ្មាំមានទីលំនៅភូមិកំពង់ម្តោក ឃុំអូរដំបង២ ស្រុកសង្កែ ខេត្តបាត់ដំបង។ រហូតមកដល់ពេលនេះសមត្ថកិច្ចនគរបាលកំពុងធ្វេីការសាកសួរស្រាវជ្រាវ រកមូលហេតុដែលឈានទៅដល់ករណីប្រេីហិង្សាទៅលេីជនរងគ្រោះជាអ្នកសារព័ត៌មានបែបនេះ រួមទាំងបក្សពួករបស់គេផង។

ករណីនេះត្រូវបានឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូង សម្រេចឱ្យធ្វេីការឃាត់ខ្លួននិងបន្តរៀបចំសំណុំរឿងបញ្ជូនទៅតុលាការអនុវត្តតាមច្បាប់៕

អត្ថបទ៖ សៅ សារិទ្ធ

Related Topics:សន្តិសុខសង្គម