ព័ត៌មានជាតិ

ពេលទឹកជន់លិច គេស្តារអណ្តូងយ៉ាងម៉េច ទើបបានទឹកស្អាតប្រើវិញ?

បានផុស

៤ years មុន

នៅ

ថ្ងៃអង្គារ ១ ធ្នូ ២០២០

ដោយ

អណ្តូងទឹកចំនួន ៤១៥៥ រងផលប៉ះពាល់ពីទឹកជំនន់ជន់លិចនៅឆ្នាំ២០២០។ នេះបើតាមរបាយការណ៍របស់ក្រសួងអភិវឌ្ឍជនបទ។

លោក ចាន់ ដារ៉ុង រដ្ឋលេខាធិការនិងជាអ្នកនាំពាក្យក្រសួងអភិវឌ្ឍជនបទប្រាប់ថា ពេលទឹកជំនន់ជន់លិច អណ្តូងស្នប់រងការខូចខាត ដោយសារកំណកដីឡើងមកតាមទឹក។ កន្លែងខ្លះវាលិចក្រោមកស្នប់ និងកន្លែងខ្លះលិចដល់ក្បាលស្នប់។ កាលណាមានកម្ទេចកំទីដីចូល ទឹកដែលយកមកប្រើប្រាស់អត់មានសុវត្ថិភាពទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា តាមបច្ចេកទេសគេត្រូវការដោះស្នប់ និងប្រើម៉ាស៊ីនខំប្រេស័រខ្នាតធំផ្លុំសម្អាតកម្ទេចកំទីចេញឲ្យអស់ពីអណ្តូង។

បើតាមលោករដ្ឋលេខាធិការនិងជាអ្នកនាំពាក្យ ការស្តារអណ្តូងជាការងារអាទិភាពមួយ ដែលក្រសួងកំពុងធ្វើការជាមួយដៃគូអភិវឌ្ឍ ជាមួយថ្នាក់ក្រោមជាតិ និងត្រូវប្រើពេលឲ្យបានលឿនបំផុត ធ្វើយ៉ាងណាអាចផ្គត់ផ្គង់ទឹកស្អាតដល់ពលរដ្ឋក្នុងជនបទ។

តាមការវាយតម្លៃរបស់ក្រសួងអភិវឌ្ឍជនបទ ខេត្តដែលរងផលប៉ះពាល់ធ្ងន់ធ្ងរជាងគេមាន៖ បន្ទាយមានជ័យមាន ១៧៣៥ អណ្តូង ស្វាយរៀងមាន ៨៣៧ អណ្តូង បាត់ដំបងមាន ៥១៥ អណ្តូង និងពោធិ៍សាត់មាន ៤៨៩ អណ្តូង ហើយក្រសួងត្រូវការថវិកា ៩០ ម៉ឺនដុល្លារ ដើម្បីស្តារអណ្តូងដែលខូចខាតនៅទូទាំងប្រទេស៕