Connect with us

ព័ត៌មានជាតិ

កិច្ចការ២ដែលក្រសួងអភិវឌ្ឍន៍ជនបទថានឹងសម្រេចឱ្យបានមុនឆ្នាំ២០៣០

បានផុស

នៅ

រដ្ឋមន្ត្រីក្រសួងអភិវឌ្ឍន៍ជនបទលោក ឆាយ ឬទ្ធិសែន ថាក្រសួងនឹងជំរុញបណ្ដាញផ្គត់ផ្គង់ទឹកស្អាតឱ្យសម្រេចបាន១០០ភាគរយនៅទូទាំងប្រទេស រួមទាំងលុបបំបាត់ការបន្ទោបង់ពាសវាលពាសកាលឱ្យអស់មុនកម្ពុជាឈានដល់ប្រទេសមានប្រាក់ចំណូលមធ្យមកម្រិតខ្ពស់ឆ្នាំ២០៣០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចសម្ភាសន៍ស្ដីពីសមិទ្ធផលសំខាន់ៗរបស់រាជរដ្ឋាភិបាល នីតិកាលទី៧ លើវិស័យអភិវឌ្ឍន៍ជនបទលោក ឆាយ ឬទ្ធិសែន បានលើកឡើងថាគិតរហូតមកដល់ពេលនេះកម្ពុជាសម្រេចបានការផ្គត់ផ្គង់ទឹកស្អាតបាន៨៥%នៅទូទាំងប្រទេសហើយ ដោយសង្ឃឹមថានៅប៉ុន្មានឆ្នាំខាងមុខនឹងសម្រេចបាន១០០%នៅទូទាំងប្រទេស។

លោកថា៖ «យើងនៅសល់មិនបាន២០%ទៀតទេដែលយើងត្រូវបំពេញឱ្យបានទូទាំងប្រទេសហើយក៏បានដាក់ផែនការថាធ្វើមិចឱ្យបានមុនឆ្នាំ២០៣០គឺត្រូវតែអត្រាគ្រប់ដណ្ដប់ទឹកស្អាតឱ្យបាន១០០ភាគរយផងដែរ»។

កម្ពុជាមានមហិច្ចតាក្នុងការសម្រេចឱ្យបាននូវប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រាក់ចំណូលកម្រិតខ្ពស់នៅឆ្នាំ២០៥០។ ក្នុងបទសម្ភាសន៍នោះលោក ឆាយ ឬទ្ធិសែន ក៏បានប្រកាសពីបញ្ចប់ការបន្ទោសបង់ពាសវាលពាសកាសរបស់ពលរដ្ឋឱ្យបានមុនឆ្នាំ២០៣០ផងដែរ តាមរយៈការពង្រីកការប្រើប្រាស់បង្គន់អនាម័យ ខណៈពេលនេះបង្គន់អនាម័យនៅតាមទីជនបទមានជាង២លាន៦សែនបង្គន់ ដែលស្មើនឹង៩២%នៅទូទាំងប្រទេស។

ដើម្បីត្រៀមខ្លួនទៅជាប្រទេសមានប្រាក់ចំណូលមធ្យមកម្រិតខ្ពស់ក្រសួងក៏បានជំរុញការអភិវឌ្ឍន៍សេដ្ឋកិច្ចនៅតាមទីជនបទដោយបណ្ដុះបណ្ដាលជំនាញសហគ្រិនភាព ការបណ្ដុះបណ្ដាលជំនាញបច្ចេកទេស បង្កើតសហគមន៍សន្សំប្រាក់ និងផ្ដល់ឥណទានជនបទដល់ប្រជាកសិករ។ បន្ថែមលើនេះក៏មានការអនុវត្តន៍ភូមិគំរូដែលនឹងពង្រីកឱ្យបាន៥០ភូមិក្នុង១ឆ្នាំដើម្បីជំរុញសេដ្ឋកិច្ច សង្គមកិច្ច សុខភាពអនាម័យ ការអភិវឌ្ឍន៍ហេដ្ឋារចនាសម្ព័ន្ធ និងអភិបាលកិច្ចនៅក្នុងភូមិ។

យោងតាមធនាគារពិភពលោកការកំណត់ទៅលើប្រាក់ចំណូលប្រជាជនក្នុងប្រទេសមានចំណូលមធ្យមកម្រិតខ្ពស់គឺពលរដ្ឋមានចំណូលប្រចាំឆ្នាំពី ៤ ០៤៦ដុល្លារ ទៅ ១២ ៥៣៥ដុល្លារក្នុងមួយឆ្នាំ ខណៈសេដ្ឋកិច្ចដែលមានចំណូលខ្ពស់គឺពលរដ្ឋមានចំណូលចាប់ពី ១២ ៥៣៦ដុល្លាឡើងទៅក្នុងមួយឆ្នាំ៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group
ព័ត៌មានជាតិ១៤ ម៉ោង មុន

នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?

ព័ត៌មានជាតិ១៨ ម៉ោង មុន

ច្រកទ្វារអូរស្មាច់ ច្រកទ្វារជាំ និងច្រកទ្វារជប់គគីរខេត្តឧត្តរមានជ័យ ត្រូវថៃបិទជាឯកតោភាគី

នយោបាយ២១ ម៉ោង មុន

បណ្ឌិត ឥន សុផល៖នាយករដ្ឋមន្ត្រីថៃនៅក្មេងខ្ចីផ្នែកនយោបាយពេក ត្រូវក្រុមអាមាត្យ និងយោធា ក្រឡុកឡើងវង្វេងប្រវត្តិសាស្ត្រហើយ!

ព័ត៌មានជាតិ១៦ ម៉ោង មុន

មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន​ ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ

ព័ត៌មានជាតិ១៧ ម៉ោង មុន

ក្រសួងអប់រំ៖ ការជ្រើសរើសគ្រូបង្រៀនផ្អែកលើកិច្ចព្រមព្រៀងការងារផ្តល់ឱកាសការងារថ្មីដល់យុវជនជាង ១ម៉ឺនកន្លែង

Sokha Hotels

ព័ត៌មានពេញនិយម