ព័ត៌មានជាតិ
កងទ័ពមួកខៀវកម្ពុជា ប្រមាណ៣០០នាក់ ត្រលប់ពីប្រទេសម៉ាលី ក្រោយបញ្ចប់បេសកកម្មដោយជោគជ័យរយៈពេលពេញ១ឆ្នាំ
កងកម្លាំងមួកខៀវកម្ពុជាប្រមាណ៣០០នាក់ ដែលបញ្ចប់បេសកកម្មដោយជោគជ័យរយៈពេលពេញ១ឆ្នាំ នៅប្រទេសម៉ាលី បានធ្វើមាតុភូមិនិវត្តន៍មកដល់កម្ពុជាវិញហើយ កាលពីវេលាម៉ោងជិត៦ព្រឹក ថ្ងៃទី០៤ តុលា ។ ក្នុងដំណើរត្រលប់មកដល់មាតុភូមិវិញ ក្រុមគ្រូពេទ្យនៃក្រសួងសុខាភិបាល សហការជាមួយក្រុមគ្រូពេទ្យរបស់មជ្ឈមណ្ឌលជាតិរក្សាសន្តិភាពបានយកសំណាករបស់កងកម្លាំងទាំងអស់ នៅអាកាសយាន្តដ្ឋានអន្តរជាតិភ្នំពេញ ដើម្បីវិភាគរកមេរោគកូវិដ១៩ ភ្លាមៗផងដែរ។
ក្នុងឳកាសអញ្ជើញទទួលដំណើរមាតុភូមិនិវត្តន៍ នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានបញ្ជាក់ថា បន្ទាប់ពីយកសំណាកទៅវិភាគរកមេរោគកូវិដ១៩ កងកម្លាំងទាំងអស់ ក៏តម្រូវអោយធ្វើចត្តាឡីស័កចំនួន២១ថ្ងៃនៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ ក្នុងស្រុកភ្នំស្រួច ខេត្តកំពង់ស្ពឺ មុននឹងអនុញ្ញាតអោយទៅជួបជុំក្រុមគ្រួសារ ។
ជាមួយគ្នានោះ នាយឧត្តមសេនីយ៍ សែម សុវណ្ណនី ក៏ណែនាំអោយឱ្យធ្វើចត្តាឡីស័កនៅផ្ទះរៀងៗខ្លួនរយៈពេល១៤ថ្ងៃបន្ថែមទៀតដើម្បីធានាឱ្យបានថា គ្មានកងទ័ពមួកខៀវណាម្នាក់វិជ្ជមានជំងឺកូវីដ១៩ ក្រោយបញ្ចប់ចត្តាឡីស័កចំនួន២១ថ្ងៃនៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍។
នាយឧត្តមសេនីយ៍បន្តថា ក្នុងអំឡុងពេលធ្វើចត្តាឡីស័ក កងកម្លាំងទាំងអស់ នឹងត្រូវការយកចិត្តទុកដាក់ តាមដានសុខភាពជាប្រចាំពីសំណាកក្រុមពេទ្យផងដែរ។
គួររម្លឹកថា ស្របគ្នានឹងដំណើរមកដល់របស់កងកម្លាំងទ័ពមួកខៀវប្រមាណ៣០០នាក់នេះ កាលពីថ្ងៃទី០១ ខែតុលា កម្ពុជាក៏បានបញ្ជូនកងទ័ពមួកខៀវប្រមាណ៣០០នាក់ ទៅប្រទេសម៉ាលី ដើម្បីប្តូរវេនកម្លាំងដែលមកដល់នេះផងដែរ។
គួរបញ្ជាក់ថា បច្ចុប្បន្នកម្ពុជាមានកម្លាំងមួកខៀវសរុបជិត៨០០នាក់ ក្នុងនោះមាននារីជិត៨០នាក់ បាននឹងកំពុងបំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ នៅប្រទេសលីបង់ ស៊ូដង់ ស៊ូដង់ខាងត្បូង ម៉ាលី និងសាធារណរដ្ឋអាហ្វ្រិកកណ្តាល៕
អត្ថបទ៖ ពុធិកា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម