ព័ត៌មានជាតិ
ករណីគោងាប់១៧ក្បាល ជាកំហុសរបស់ម្ចាស់ស្រែ ឬជាកំហុសម្ចាស់គោ?
ភ្នំពេញ៖ ករណីគោងាប់១៧ក្បាល នៅសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ មានការចោទសួរតៗគ្នាថាតើវាជាកំហុសរបស់ម្ចាស់ស្រែ ដែលបាញ់ថ្នាំសម្លាប់ស្មៅធ្វើឱ្យគោងាប់ឬជាកំហុសរបស់ម្ចាស់គោ ដែលបានព្រលែងគោដើរពាសវាលពាសកាល មិនប្រុងប្រយ័ត្ននិងក្រុងទុកក្នុងក្រោល។
លោក ម៉ាក់ ប៊ុនហុង អភិបាលក្រុងស្ទឹងសែនបានមានប្រសាសន៍នៅថ្ងៃទី១៥តុលានេះថា ករណីគោងាប់១៧ក្បាលនេះអាជ្ញាធរកំពុងធ្វើការសម្របសម្រួលជាមួយម្ចាស់គោ និងម្ចាស់ស្រែដើម្បីឱ្យភាគីទាំងសងខាង អាចទទួលយកបានទាំងអស់គ្នា ព្រោះថាវាជាកំហុសទាំងសងខាងម្ចាស់ស្រែ មិនបានដាក់សញ្ញាថាបានបាញ់ថ្នាំសម្លាប់ស្មៅស្រែ ហើយម្ចាស់គោមិនបានគ្រប់គ្រងគោបានល្អ ដោយព្រលែងដើរពាសវាលពាសកាល។

លោកអភិបាលក្រុងបានបន្តថា បើគិតតាមផ្លូវច្បាប់ភាគីម្ចាស់គោមានកំហុស ដោយសារការចិញ្ចឹមគោត្រូវមានក្រោលត្រឹមត្រូវ និងមិនត្រូវព្រលែងដើរដើរពាសវាលពាសកាលអីចឹងទេ។ តែវាជាទំលាប់របស់ប្រជាពលរដ្ឋតែងតែព្រលែងជាប្រចាំ។ អីចឹងបើប្រើច្បាប់វាខុសនិងទំលាប់ពួកគាត់ដែលព្រលែងតាំងពីយូរយារណាស់មកហើយ។ ដូច្នេះអាជ្ញាធរមានតែធ្វើអាជ្ញាកណ្តាល ដើម្បីសម្របសម្រួលភាគីទាំងសងខាងប៉ុណ្ណោះ។
ករណីងាប់គោ១៧ក្បាលបានកើតឡើងកាលពីអំឡុងបុណ្យភ្ជុំបិណ្ឌកន្លងទៅ។ ករណីនេះមិនមែនករណីបំពុលឡើយគឺគោទាំងនោះ បានចុះចូលស្រែពលរដ្ឋដែលទើបតែបាញ់ថ្នាំស្មៅក្នុងស្រែហើយ ទើបបណ្ដាលឲ្យស្លាប់។
លោក ប៉ែន វណ្ណរិទ្ធ ប្រធនាមន្ទីរកសិកម្ម រុក្ខប្រមាញ់ និងនេសាទ ខេត្តកំពង់ធំ បានឱ្យដឹងថាពលរដ្ឋក្នុងសង្កាត់ស្រយ៉ូវ ក្រុងស្ទឹងសែន បានបាញ់ថ្នាំស្មៅស្រែ ហើយគោក៏ចុះទៅផឹកទឹកក្នុងស្រែនោះ ទើបបណ្ដាលឲ្យស្លាប់។

ប្រធានមន្ទីរកសិកម្មបានបញ្ជាក់ថា ករណីខាងលើមិនប៉ះពាល់ ឬពុលដល់មនុស្សឡើយ។ លោកបានអំពាវនាវឲ្យពលរដ្ឋគ្រប់រូប បង្កើនការប្រុងប្រយ័ត្នចំពោះការបាញ់ថ្នាំក្នុងស្រែ ហើយអ្នកចិញ្ចឹមសត្វ ក៏ត្រូវគ្រប់គ្រងសត្វឲ្យបានត្រឹមត្រូវផងដែរ។
លោកបន្ថែមថា ករណីខាងលើនេះ ទាំងម្ចាស់ស្រែ និងម្ចាស់គោសុទ្ធមានកំហុសដូចគ្នា។ លោកអភិបាលក្រុងបានបន្តទៀតថា រហូតមកដល់ពេលនេះការសម្របសម្រួលនៅមិនទាន់បានបញ្ចប់នៅឡើយទេ ដោយបានដោះស្រាយជាមួយម្ចាស់គោបានចំនួន៧ក្បាល នៅសល់ម្ចាស់គោម្នាក់ទៀតមានគោ១០ក្បាល នៅមិនទាន់ទទួលយកការដោះស្រាយព្រោះគាត់ទាមទារខ្ពស់ពេក ដែលភាគីម្ចាស់ស្រែមិនអាចទទួលយកបាន។
យ៉ាងណាក៏ដោយ លោកអភិបាលក្រុងបានបន្ថែមថា អាជ្ញាធរនឹងខិតខំសម្របសម្រួលជាមួយម្ចាស់គោបន្តទៀត ដើម្បីឱ្យគាត់អាចទទួលយកសំណងពីម្ចាស់ស្រែ ព្រោះថាពួកគាត់សុទ្ធជាអ្នករស់នៅក្បែរខាងគ្នាខុសត្រូវឬលើសខ្វះបន្តិចបន្តួចគួរតែមានការយល់យោគគ្នា ហើយម្យ៉ាងទៀតម្ចាស់គោក៏មានកំហុសដែរ។
លោកអភិបាលក្រុងបានបញ្ជាក់ថា អាជ្ញាធរតែងតែពន្យល់ណែនាំដល់ប្រជាពលរដ្ឋ ត្រូវមានការប្រុងប្រយ័ត្ននឹងមើលថែរក្សាគោរបស់ខ្លួនឱ្យបានល្អ កុំព្រលែងពាសវែលពាសកាល។ ប៉ុន្តែពួកគាត់មិនបានអនុវត្តតាមនោះទេ ដោយសារវាជាទំលាប់របស់គាត់តាំងពីបុរមបុរាណមកតែងតែព្រលែងគោជាប្រចាំ៕
អត្ថបទ៖ សំអឿន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ