ព័ត៌មានជាតិ
ឧត្តមសេនីយ៍ឯក ស ថេត បន្តណែនាំមន្ត្រីចរាចរណ៍ តាមគ្រប់គោលដៅ ត្រូវអនុវត្តឲ្យបានត្រឹមត្រូវតាមច្បាប់
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី២០ ខែតុលានេះ បានដឹកនាំកិច្ចប្រជុំប្រចាំខែកញ្ញា និងទិសដៅការងារបន្ត របស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ។ ក្នុងកិច្ចប្រជុំនេះ ក៏មានការចូលរួមពីលោក ស្នងការរង ជំនួយការ លោកនាយការិយាល័យ លោកអធិការ អធិការរង និងលោកនាយប៉ុស្តិ៍មួយចំនួនផងដែរ។
ជាការចាប់ផ្ដើមលោកវរសេនីយ៍ឯក សាន សុខសីហា ជំនួយការ និងអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបង្ហាញរបាយការណ៍លទ្ធផលការងារប្រចាំខែកញ្ញា ដែលក្រុមការងារអនុវត្តបានកន្លងមកនេះ ដោយផ្តោតសំខាន់លើការតាមដាន ឆ្លើយតប ដោះស្រាយ និងចាត់វិធានការណ៍ ជូនប្រជាពលរដ្ឋឲ្យបានទាន់ពេលវេលា ធ្វើយ៉ាងណាទទួលបាននូវការជឿជាក់ និងទុកចិត្តពីប្រជាពលរដ្ឋក្នុងមូលដ្ឋាន ដូចជា៖ ការទទួលពាក្យបណ្តឹង ការប្រើប្រាស់ពាក្យសម្តី និងកាយវិការឲ្យបានសមរម្យ ជាពិសេសផ្តល់ការធ្វើឯកសារផ្សេងៗ ជូនប្រជាពលរដ្ឋឲ្យបានឆាប់ដូចដែលច្បាប់បានកំណត់។
មានមតិនាឱកាសនោះ លោកឧត្តមសេនីយ៍ឯក ស ថេត បានកោតសរសើរដល់ក្រុមការងារព័ត៌មាន និងប្រតិកម្មរហ័សទាំងអស់ ដែលបានខិតខំចូលរួម ជាមួយអង្គភាពពាក់ព័ន្ធ ក្នុងការជួយដោះស្រាយបញ្ហា ជូនប្រជាពលរដ្ឋបានជាច្រើនករណី។ លោកស្នងងការ ក៏បានណែនាំដល់ក្រុមការងារយកចិត្តទុកដាក់បន្ថែមលើការងារនេះ ដើម្បីធ្វើយ៉ាងណាឲ្យប្រជាពលរដ្ឋសប្បាយចិត្ត ជាមួយសមត្ថកិច្ច។
ម្យ៉ាងវិញទៀត លោកឧត្តមសេនីយ៍ឯក ស ថេត ក៏បានសង្កត់ធ្ងន់ដល់មន្ត្រីចរាចរណ៍ តាមគ្រប់គោលដៅត្រូវអនុវត្តឲ្យបានត្រឹមត្រូវតាមច្បាប់ និងការណែនាំរបស់ថ្នាក់ដឹកនាំ ហើយបើមន្ត្រីរូបណាប្រព្រឹត្តខុស ត្រូវតែអនុវត្តវិន័យកងកម្លាំង បើល្មើសខ្លាំងអាចត្រូវបណ្តេញចេញពីក្របខ័ណ្ឌ និងបន្តអនុវត្តវិធានការច្បាប់៕
អត្ថបទ៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង