ព័ត៌មានជាតិ

នាយករដ្ឋមន្ត្រីឡាវ នឹងអញ្ជើញមកបំពេញទស្សនកិច្ចផ្លូវការ រយៈពេលពីរថ្ងៃនៅកម្ពុជា

បានផុស

២ years មុន

នៅ

ថ្ងៃសុក្រ ២៦ វិច្ឆិកា ២០២១

ដោយ

បើតាមកម្មវិធីដែលបានគ្រោងទុក គណៈប្រតិភូជាន់ខ្ពស់ដឹកនាំដោយលោកបណ្ឌិត ផនខាំ វីផាវ៉ាន់ (Phankham Viphavanh) នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ នឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា រយៈពេល ២ ថ្ងៃ ដោយចាប់ពីថ្ងៃទី ២៩ ដល់ថ្ងៃទី ៣០ ខែវិច្ឆិកា ឆ្នាំ ២០២១ ខាងមុខ នេះបើតាមការឲ្យដឹងពីអគ្គនាយកដ្ឋានទូរទស្សន៏ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសអញ្ជើញបំពេញទស្សនកិច្ចផ្លូវការរយៈពេលពីរថ្ងៃនៅកម្ពុជានេះ លោកនាយករដ្ឋមន្ត្រីឡាវ នឹងអញ្ជើញចូលក្រាបថ្វាយបង្គំគាល់ព្រះករុណាព្រះមហាក្សត្រ អញ្ជើញជួបពិភាក្សាការងារជាមួយថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិ រួមមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងជួបពិភាក្សាទ្វេភាគីជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាផងដែរ។

សូមជម្រាបថា ឆ្នាំ ២០២១ នេះ គឺជាខួបលើកទី ៦៥ ឆ្នាំ នៃទំនាក់ទំនងកាទូតរវាងសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជា។ ដូច្នេះដំណើរទស្សនកិច្ចជាប្រវត្តិសាស្ត្ររបស់នាយករដ្ឋមន្ត្រីឡាវនេះ និងធ្វើឲ្យទំនាក់ទំនង ក៏ដូចជាកិច្ចសហប្រតិបត្តិការនានា កាន់តែស៊ីជម្រៅបន្ថែមទៀត៕

អត្ថបទ៖ កោះកែវ

Related Topics:កម្ពុជា-ឡាវ