ព័ត៌មានជាតិ
មន្ត្រីអាកាសចរស៊ីវិលថា ការធ្វើដំណើរចេញ-ចូលកម្ពុជា ចាប់ផ្តើមកម្រើកឡើងវិញជាបណ្តើរៗហើយ
លោក ស៊ិន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល បានថ្លែងប្រាប់កម្ពុជាថ្មី នៅថ្ងៃទី២៦ ខែវិច្ឆិកា ឆ្នាំ២០២១នេះថា មកដល់ពេលនេះ ការធ្វើដំណើរចេញ-ចូលកម្ពុជា បានចាប់ផ្តើមកម្រើកឡើងវិញជាបណ្តើរៗហើយ។ លោកថា ចាប់ពីក្រោយថ្ងៃទី១៥ ខែវិច្ឆិកា ចំនួនអ្នកដំណើរមានការកើនឡើង ដែលមួយថ្ងៃៗធ្លាប់មានចំនួនប្រមាណ២០០នាក់ តែមកដល់ពេលនេះ កើនដល់៥០០ ទៅ៦០០នាក់ ក្នុង១ថ្ងៃៗ។
ការកម្រើកឡើងវិញនេះ ក្រោយពីប្រមុខរាជរដ្ឋាភិបាលកម្ពុជា បានប្រកាសឲ្យអ្នកដំណើរដែលបានចាក់វ៉ាក់សាំងពេញលេញចូលកម្ពុជា ដោយមិនតម្រូវឲ្យធ្វើចត្តាឡីស័កទៀតទេ ចាប់ពីថ្ងៃទី១៥ ខែវិច្ឆិកា ឆ្នាំ២០២១ មកគ្រាន់តែរង់ចាំការធ្វើតេស្តរហ័ស ប្រមាណពី១៥ទៅ២០នាទីប៉ុណ្ណោះ។
ទោះជាយ៉ាងណា លោក ស៊ិន ចាន់សិរីវុត្ថា អះអាងថា ចំនួននេះមិនទាន់កើនឡើងច្រើនប៉ុន្មានទេ ហើយការមិនទាន់មានកំណើនខ្លាំងនេះ ដោយសារតែអ្នកដំណើរមិនទាន់មានជំនឿចិត្ត ពួកគាត់ត្រូវការពេលវេលាបន្ថែមក្នុងការធ្វើដំណើរឡើងវិញ ដោយសារប្រទេសខ្លះ នៅមិនទាន់លើកលែងការធ្វើចត្តាឡីស័កនៅឡើយទេ។ លោកថា សព្វថ្ងៃនេះចំនួនជើងហោះហើរចេញ-ចូលកម្ពុជា នៅតាមព្រលានយន្តហោះអន្តរជាតិទាំង៣ មានត្រឹមតែពី៧ ទៅ៨ជើងប៉ុណ្ណោះក្នុង១ថ្ងៃ (ប្រហែល៨០០ជើងក្នុង១ខែ)។ ខណៈដែលមុនការវាយប្រហារដោយជំងឺកូវីដ១៩ ក្នុងមួយថ្ងៃៗ កម្ពុជាមានជើងហោះហើរប្រមាណជាង១ម៉ឺនជើងក្នុង១ខែ។
មន្ត្រីជាន់ខ្ពស់អាកាសចរស៊ីវិលរូបនោះ អះអាងជាមួយក្តីសង្ឃឹមថា នៅខែធ្នូខាងមុខ ចំនួនជើងហោះហើរ នឹងកើនឡើងក្នុង១សប្តាហ៍២៩ជើងបន្ថែមទៀត។ លោកថា ចាប់ពីខែធ្នូ ឆ្នាំ២០២១ទៅ ជើងហោះហើរ នឹងកើនឡើងវិញ។
បើតាមលោក ស៊ិន ចាន់សិរីវុត្ថា ដំបូងមានតែក្រុមហ៊ុនក្នុងស្រុកមួយប៉ុណ្ណោះ ដែលហោះហើរ២ជើងក្នុង១សប្តាហ៍ រវាងភ្នំពេញ ទៅសៀមរាប និងពីសៀមរាប ទៅបាងកក (ប្រទេសថៃ)។ ចំណែកក្រុមហ៊ុនអាកាសចរសឹង្ហបុរី ក៏បានត្រៀមរៀបចំការហោះហើរតភ្ជាប់រវាងសឹង្ហបុរី-សៀមរាប-ភ្នំពេញឡើងវិញផងដែរ។
គួររំលឹកថា សម្តេចតេជោនាយករដ្ឋមន្ត្រី កាលពីថ្មីៗនេះបានប្រកាសថា ចាប់ពីថ្ងៃទី១៥ ខែវិច្ឆិកា ឆ្នាំ២០២១ អ្នកដំណើរទាំងអស់ ដែលបានចាក់វ៉ាក់សាំងរួចរាល់ ឬពេញលេញ ពេលចូលមកប្រទេសកម្ពុជា មិនតម្រូវឲ្យធ្វើចត្តាឡីស័កដូចមុនទៀតទេ ដោយគ្រាន់តែរង់ចាំការធ្វើតេស្តរហ័សរយៈពេល១៥ នាទី ឬ២០ នាទីប៉ុណ្ណោះហើយការប្រែប្រួលនេះ ដោយសារតែប្រទេសកម្ពុជា បានចាក់វ៉ាក់សាំងពេញលេញគ្របដណ្តប់អត្រាជិត៨៨ភាគរយ នៃចំនួនប្រជាជនសរុប១៦លាននាក់ទៅហើយ៕
ដោយ ៖ កោះកែវ
ឯកឧត្តម ឃួង ស្រេង ផ្ញើសារជូនពរ សម្ដេចតេជោ ហ៊ុន សែន ក្នុងឱកាសរំលឹកខួប ៣៧ ឆ្នាំ ក្នុងមុខតំណែងជានាយករដ្ឋមន្ដ្រី
រថយន្ដក្រឡុកស៊ីម៉ង់ត៍បុកម៉ូតូបង្កជាអគ្គិភ័យ និងមានអ្នកស្លាប់ម្នាក់នៅផ្លូវជាតិលេខ៣(មានវីដេអូ)
អ្នកជាសះស្បើយពីអូមីក្រុង អាចជួបរោគសញ្ញាមួយនេះ
ក្រសួងអប់រំ៖ បេក្ខជនប្រឡងបាក់ឌុប ពុំចាំបាច់មកតាមដានលទ្ធផលនៅមណ្ឌលប្រឡង
ដុំមាសកម្ពុជា ចម្រាញ់បាននឹងយកទៅបន្សុទ្ធនៅអូស្រ្តាលីផលិតជាមាសទឹក ៩៩%
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
KPT+១ ម៉ោង មុនចំណុចធំៗក្នុងបទទូន្មានរបស់នាយកប្រតិបត្តិក្រុមហ៊ុន Heavy Sound Labs
-
សុខភាព៤ ថ្ងៃ មុន៦ វិធី ទោះ អូមីក្រុង ឆ្លងខ្លាំងប៉ុនណា ក៏មិនខ្លាច
-
សុខភាព៥ ថ្ងៃ មុនខុសពីវីរុសដទៃ! អូមីក្រុង មានរោគសញ្ញាមួយ ចេញតែនៅពេលយប់ (មានវីដេអូ)
-
ជំនឿ៣ ថ្ងៃ មុនចូលឆ្នាំ ២០២២ ហើយ វក ម្សាញ់ កុរ និង ខាល ត្រូវធ្វើរឿងនេះ ជីវិតនឹងឈប់ឡាក់ឆុងពេញមួយឆ្នាំ
-
ព័ត៌មានអន្ដរជាតិ៣ ម៉ោង មុនUNICEF៖ ការបិទសាលារៀន ត្រូវតែជាជម្រើសចុងក្រោយក្នុងការប្រយុទ្ធជាមួយ អូមីក្រុង
-
ព័ត៌មានអន្ដរជាតិ៥ ថ្ងៃ មុនប្រយ័ត្ន! ថៃប្រាប់ថា ម៉ាស៊ីន PCR ខ្លះរក អូមីក្រុង អត់ឃើញទេ
-
ជីវិតកម្សាន្ដ២ ថ្ងៃ មុន៥ សន្លឹករូបភាពស្រាតននលគករបស់តារាស្រីតៃវ៉ាន់ Shu Qi ពីមុន
-
ព័ត៌មានជាតិ៣ ថ្ងៃ មុនសម្តេច សាយ ឈុំ មានកូនប្រុសស្រីពីរនាក់ មានម្នាក់ជារដ្ឋមន្រ្តីក្រសួងបរិស្ថាន
