ព័ត៌មានជាតិ
ខេត្តកណ្ដាល ជាប់លេខ១ លើការដោះស្រាយរាល់បញ្ហា សំណូមពររបស់ពលរដ្ឋ
ក្រុមការងាររាជរដ្ឋាភិបាលចុះមូលដ្ឋានខេត្តកណ្ដាលបានទទួលបានចំណាត់ថ្នាក់លេខ ១ ក្នុងចំណោម ២៥ រាជធានី-ខេត្ត លើប្រសិទ្ធភាពការងារចុះមូលដ្ឋាន និងដោះស្រាយរាល់បញ្ហា សំណូមពរនានារបស់ប្រជាពលរដ្ឋនៅមូលដ្ឋានបានល្អប្រសើរជាងគេ។
ថ្លែងក្នុងកិច្ចប្រជុំផ្សព្វផ្សាយលទ្ធផលការងារ ការរៀបចំលេខាធិការដ្ឋាន និងតម្រង់ទិសលើទម្រង់របាយការណ៍ដល់ក្រុមការងាររាជរដ្ឋាភិបាលចុះមូលដ្ឋានថ្នាក់ខេត្ត និងថ្នាក់ក្រុង-ស្រុក នៅថ្ងៃទី១ ខែធ្នូនេះ លោក រាជ សុភទ្ទ អនុរដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ នៃលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានរាជធានី-ខេត្ត បានបញ្ជាក់ថា នៅក្នុងចំណោម ២៥ រាជធានី-ខេត្ត គឺក្រុមការងាររាជរដ្ឋាភិបាលចុះមូលដ្ឋានខេត្តកណ្ដាល បានទទួលបានចំណាត់ថ្នាក់លេខ ១ លើប្រសិទ្ធភាពការងារចុះមូលដ្ឋាន និងដោះស្រាយរាល់បញ្ហា សំណូមពរនានារបស់ប្រជាពលរដ្ឋនៅមូលដ្ឋានបានល្អប្រសើរជាងគេ ដោយទទួលបានការកោតសរសើរ និងវាយតម្លៃខ្ពស់ ពីសំណាក់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ទន្ទឹមនឹងការទទួលបានលទ្ធផលជាវិជ្ជមានជាច្រើនក្តី លោក រាជ សុភទ្ទ ក៏បានជំរុញ និងលើកទឹកចិត្ត ដល់អស់លោក-លោកស្រីជាប្រធានមន្ទីរអង្គភាពជុំវិញខេត្ត អាជ្ញាធរក្រុង-ស្រុកទាំង ១១ និងមន្ត្រីពាក់ព័ន្ធទាំងអស់ សូមបន្តខិតខំប្រឹងប្រែងជាបន្តទៀត ជាពិសេសសូមផ្ដោតអារម្មណ៍យកចិត្តទុកដាក់ទទួលយកនូវចំណេះដឹង និងបទពិសោធន៍ថ្មីៗបន្ថែមទៀត ដើម្បីជាការឆ្លុះបញ្ចាំងជាមួយការអនុវត្តការងារជាក់ស្ដែងរបស់ខ្លួន ឱ្យកាន់តែល្អប្រសើរ និងមានប្រសិទ្ធខ្ពស់ សំដៅពង្រឹងលើការងារបម្រើសេវាសាធារណៈ និងដោះស្រាយបញ្ហានានាជូនប្រជាពលរដ្ឋ ឱ្យទទួលបានលទ្ធផលល្អ។
ថ្លែងក្នុងកិច្ចប្រជុំនេះដែរ លោក គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានឱ្យដឹងថា ក្រុមការងាររាជរដ្ឋាភិបាលចុះមូលដ្ឋានគ្រប់ថ្នាក់ បានអញ្ជើញចុះសាកសួរសុខទុក្ខ បងប្អូនប្រជាពលរដ្ឋនៅតាមមូលដ្ឋាន សរុបចំនួន ៣ ៥០២ លើក និងទទួលបានសំណើ និងសំណូមពររបស់ប្រជាពលរដ្ឋសរុបបានចំនួន ១ ១២៩ ករណី នៅក្នុងនោះភាគច្រើនពាក់ព័ន្ធនឹងវិស័យសំខាន់ៗចំនួន៣ រួមមាន៖ វិស័យសង្គមកិច្ចចំនួន ៣២៩ ករណី វិស័យសន្តិសុខសណ្ដាប់ធ្នាប់ និងការផ្ដល់សេវារដ្ឋបាលគ្រប់ប្រភេទចំនួន ២៦០ ករណី និងវិស័យសុខាភិបាលចំនួន ២៥៣ ករណី។
លោកអភិបាលបានបន្តថា ឆ្លើយតបនឹងសំណើរដូចជាសំណូមពរទាំងនេះក្រុមការងាររាជរដ្ឋាភិបាលចុះមូលដ្ឋានគ្រប់ថ្នាក់ បានដោះស្រាយសរុបបានចំនួន ១ ១១៧ ករណី និងកំពុងដោះស្រាយសរុបចំនួន ១២ ករណី ដែលផលសម្រេចបាននេះ គឺស្ថិតក្រោមការដឹកនាំរបស់រដ្ឋបាលខេត្ត រួមជាមួយការគាំទ្រយ៉ាងពេញទំហឹងពីក្រុមការងាររាជរដ្ឋាភិបាល ចុះមូលដ្ឋានខេត្តកណ្ដាល ដែលដឹកនាំដោយ លោក អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ទើបធ្វើអោយខេត្តកណ្ដាលមានការអភិវឌ្ឍន៍រីកចម្រើនលើគ្រប់វិស័យ៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ