ព័ត៌មានជាតិ
រឿងថ្មីបន្ថែមជុំវិញការចោទម្ចាស់សណ្ឋាគារខេត្តសៀមរាប វាយរបងវត្ត
សៀមរាប៖ បន្ទាប់ពីមានការផ្សព្វផ្សាយរបស់សារព័ត៌មានកម្ពុជាថ្មី ករណីសណ្ឋាគារស្ទឹងសៀមរាប វាយរបងវត្ត និង ដាក់ម៉ាស៊ីនភ្លើងក្នុងវត្តរួចមកគណៈកម្មការវត្តព្រហ្មរ័ត្ន បានចេញសេចក្តីបំភ្លឺឡើងវិញ ពាក់ព័ន្ធនឹងការរៀបចំរបងវត្តតែប៉ុណ្ណោះ។
យោងតាមហ្វេសបុកផ្លូវការរបស់វត្តព្រះព្រហ្មរ័ត្ន បានបង្ហោះកាលពីថ្ងៃទី០២ខែធ្នូឆ្នាំ២០២១ថា តាមពិតភាគីសណ្ឋាគារស្ទឹងសៀមរាប ពុំបានវាយរបងវត្តទេ ដោយគ្រាន់តែកែលម្អត្របកឈូករបងវត្ត ដែលមានសភាពចាស់និងមានការប្រេះស្រាំ ដោយសារមិនទាន់បានលាបថ្នាំ។ ក្នុងការកែលម្អនេះ ភាគីសណ្ឋាគារបានរកជាងចម្លាក់មកធ្វើការជួសជុលឡើងវិញ តាំងពីថ្ងៃទី២២ ខែវិច្ឆិកា ឆ្នាំ២០២១ មកម្ល៉េះ ហើយការជួសជុលនេះរួមមាន៖
១- បិទក្បាច់ចម្លាក់លើរបងវត្ត ដែលមិនទាន់បានបិទ
២- ជួសជុល កែលម្អ ក្បាច់ត្របក ដែលមានសភាពចាស់ និងប្រេះទ្រាំ ឡើងវិញ
៣- លាបថ្នាំពណ៌លើក្បាច់ចម្លាក់ លើផ្ទៃជញ្ជាំង និងលើអក្សរ ដែលចាស់ឲ្យថ្មីឡើងវិញ
៤- លាបថ្នាំពណ៌លើក្បាច់ចម្លាក់ លើផ្ទៃជញ្ជាំង លើអក្សរ និងត្របកឈូក ដែលបានជួសជុលកែលម្អឡើងវិញ។
ការកែលម្អខាងលើ មានបញ្ជាក់នៅក្នុងកិច្ចសន្យាស្ដីពីការបិតក្បាច់ចម្លាក់ និងលាបថ្នាំពណ៌លើជញ្ជាំង និងអក្សររបងវត្ត រវាងភាគីម្ចាស់សំណង់ និងភាគីជាង ចុះថ្ងៃទី២២ ខែវិច្ឆិកា ឆ្នាំ២០២១ ដូចមានភ្ជាប់ជូនខាងក្រោមស្រាប់។
ដោយសារក្បាច់ចម្លាក់ដែលត្រូវធ្វើមានច្រើនក្បាច់ខុស ហើយជាងត្រូវចាក់ពុម្ពក្បាច់ទើបត្រូវប្រើពេលយូរ ហើយមានការយឺតយ៉ាវបណ្តាលឲ្យមានភ័ន្តច្រឡំ។ គិតត្រឹមថ្ងៃទី០២ ខែធ្នូ ឆ្នាំ២០២១ នេះ ជាងបានលាបថ្នាំពណ៌លើផ្ទៃជញ្ជាំង និងអក្សររួចហើយ។ រីឯក្បាច់ចម្លាក់ផ្សេងទៀត បានកំពុងធ្វើជាបន្តបន្ទាប់ទៀត។
គណៈកម្មការវត្តព្រះព្រហ្មរ័ត្ន បានសម្តែងការត្រេកអរ ខណៈដែលម្ចាស់សណ្ឋាគារស្ទឹងសៀមរាប បានជួយសាងសង់របងវត្តនិងបានយល់ព្រមដកម៉ាស៊ីនភ្លើងចេញវិញ។
លោកហ៊ី សាយ ប្រធានមន្ទីររៀបចំដែនដីនគរូបនីយកម្មសំណង់និងសុរិយោដីខេត្តសៀមរាប បានមានប្រសាសន៍តាមទូរស័ព្ទឲ្យដឹងនៅរសៀលថ្ងៃទី០៣ខែធ្នូនេះថា មន្ត្រីជំនាញរបស់លោកបានរាយការណ៍មកថា ទីតាំងសំណង់ស្ថិតនៅលើគំរោងផ្លូវ ៣៨ខ្សែ ដែលបានរុះរើអគារចាស់និងធ្វើអគារថ្មី៕
អត្ថបទ៖ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ