ព័ត៌មានជាតិ

ចុះបិទទីតាំងផលិតនិងកន្លែងលក់ស្រាជាង ១ ៦០០ កន្លែង ក្រោយមានករណីស្លាប់៨នាក់

បានផុស

៣ years មុន

នៅ

ថ្ងៃចន្ទ ១៤ ធ្នូ ២០២០

ដោយ

ក្រោយពីមានករណីពុលស្រាស្លាប់៨នាក់ នៅស្រុកទឹកផុស លោកឧត្ដមសេនីយ៍ត្រី ប៊ុន ធឿន ស្នងការរងនគរបាល ខេត្តកំពង់ឆ្នាំង បានឲ្យដឹងថា ចាប់ពីថ្ងៃទី២៨ ខែវិច្ឆិកាដល់ថ្ងៃទី១២ ខែធ្នូនេះ សមត្ថកិច្ចបានសមត្ថកិច្ច បានចុះបិទទីតាំងផលិតស្រាសរុបចំនួន ៥១៧កន្លែង និងបិទកន្លែងលក់ស្រាចំនួន ១ ១១៥ កន្លែង។ ក្នុងនោះដែរ បានឃាត់ខ្លួនអ្នកបិទស្រានិងលក់ស្រាចំនួនជាង ១០ នាក់ ក្នុងនោះមនុស្សចំនួន ៦នាក់ បានកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកសមត្ថកិច្ច ដកហូតស្រាចំនួន ៣ ៨៩៥ លីត្រ និង ៥៣២ កានកន្លះ មេស្រាស ៧៥ លីត្រ មេដំបែមួយកញ្ចប់ និងមេស្រាកាច់ កន្លះលីត្រ។ ក្នុងនោះដែរ សមត្ថកិច្ចក៏បានកម្ទេចចោលអង្ករកាវស្រាប់បិតស្រាចំនួន ២១ ខាប់ និង ២១ ធុងប៉េត្រូ ផងដែរ។ លោកស្នងការរង បានបញ្ជាក់ឲ្យដឹងទៀតថា ក្រោយពីប្រតិបត្តិធ្វើការដកហូតស្រាខាងលើនេះ ក្រុមសមត្ថកិច្ចជំនាញបានរកឃើញថា នៅក្នុងស្រាស ស្រាថ្នាំខាងលើនេះ មានជាតិមេតាណុលមកខ្ពស់គឺ ១៤.១៥ ភាគរយ ដែលជាធម្មតា គឺគេអនុញ្ញាតឲ្យមានកម្រិតតែ ០៥.១០ ភាគរយតែប៉ុណ្ណោះ។ ហេតុនេះហើយ ទើបអ្នកហូបស្រា នៅក្នុងស្រុកទឹកផុសបានពុលស្រា ១៣១ នាក់ ក្នុងនោះមានមនុស្សចំនួន ៨ នាក់ក៏បានពុលស្លាប់។

ចំពោះវិធានការនោះ គឺអាជ្ញាធរក៏ដូចជាសមត្ថកិច្ចជំនាញមិនអនុញ្ញាតឲ្យមានការផលិតស្រាអានាធិបតេយ្យទៀតទេ។ ចំពោះអ្នកផលិតស្រា ត្រូវតែមានច្បាប់អនុញ្ញាតត្រឹមត្រូវ និងក៏ត្រូវផលិតស្រាទៅតាមបច្ចេកទេស ដែលជំនាញបានកំណត់។ ដោយឡែកចំពោះស្រាសស្រាថ្នាំនិងមេស្រា ដែលសមត្ថកិច្ចបានដកហូតខាងលើនេះ អាជ្ញាធរខេត្តនិងសមត្ថកិច្ចស្នើសុំទៅតុលាការខេត្តដុតកម្ទេចចោលនៅថ្ងៃខាងមុខនេះ៕