Connect with us

ព័ត៌មានជាតិ

អគ្គនាយកស៊ីម៉ាក់ ចុះពិនិត្យវឌ្ឍនភាពនៃកិច្ចប្រតិបត្តិការ គម្រោងលុបបំបាត់គ្រាប់មីននៅកម្ពុជា ជាជំនួយរបស់ចិន

បានផុស

នៅ

លោក ហេង រតនា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកស៊ីម៉ាក់ នៅថ្ងៃទី ១៧ ខែមីនា ឆ្នាំ ២០២២ បានជួបសំណេះសំណាល ជាមួយមន្រ្តីកងឯកភាពកំចាត់មីនទី ៤ និងកងឯកភាពកំចាត់មីនទី ៦ នៅប្រាសាទកោះកេរ្តិ៍ ខេត្តព្រះវិហារ និងបានត្រួតពិនិត្យវឌ្ឍនភាព នៃកិច្ចប្រតិបត្តិការគម្រោង “ជំនួយលុបបំបាត់គ្រាប់មីននៅកម្ពុជា” ដែលជាជំនួយរបស់សាធារណរដ្ឋប្រជាមានិតចិន។

តាមរយៈទំព័រហ្វេសប៊ុករបស់ខ្លួន លោក ហេង រតនា បានឲ្យដឹងថា គម្រោង “ជំនួយលុបបំបាត់គ្រាប់មីននៅកម្ពុជា” នេះ មានរយៈពេល ១២ខែ ដែលអនុវត្តចាប់ពីខែមករា ដល់ខែធ្នូ ឆ្នាំ ២០២២ ដែលមានថវិកាគាំទ្រគម្រោងចំនួន ២.៥​លានដុល្លារអាមេរិក មានផែនការរំដោះផ្ទៃដី មានបញ្ហាគ្រាប់មីន និងគ្រាប់បែកចង្កោម ឲ្យបានចំនួន ២០០០ហិចតា ដែលនិងប្រតិបត្តិការនៅក្នុងខេត្តចំនួន ៧ គឺខេត្តឧត្តរមានជ័យ ស្ទឹងត្រែង ព្រះវិហារ ក្រចេះ កំពង់ធំ សៀមរាប និងខេត្តកំពង់ឆ្នាំង ដែលមានកម្លាំងប្រតិបត្តការ ក្នុងគម្រោងនេះចំនួនជាង ៣០០នាក់។​

លោក ហេង រតនា បានឲ្យដឹងបន្តថា គម្រោងជំនួយហិរញ្ញប្បទានឥតសំណង របស់សាធារណរដ្ឋប្រជាមានិតចិន​នេះ បានផ្តល់ជូនរាជរដ្ឋាភិបាល ផ្អែកតាមសំណើរបស់សម្តេចតេជោ ​ហ៊ុន សែនដែលបានស្នើសុំលោកប្រធា​នាធិបតីចិន ​ស៊ី ជីនពីង ដើម្បីជួយគាំទ្រសកម្មភាពអង្គភាពស៊ីម៉ាក់ ​ក្នុងការបោសសំអាតសំណល់យុទ្ធភណ្ឌសង្គ្រាមមនុស្សធម៌ និងពង្រឹងសមត្ថភាពជាតិ នៃវិស័យមីននៅកម្ពុជា។

យោងតាមផែនការ យុទ្ធសាស្ត្រជាតិសកម្មភាពមីន ឆ្នាំ ២០១៨-២០២៥ បានឲ្យដឹងថា នៅកម្ពុជាមានផ្ទៃដីសង្ស័យមានផលប៉ះពាល់ ដោយសារមីនគ្រាប់បែកចង្កោម និងសំណល់ជាតិផ្ទុះពីសង្គ្រាមប្រមាណជាង ១៩៧០គីឡូម៉ែត្រការ៉េ។ ក្នុងនោះប្រមាណ ៨៧៧គីឡូម៉ែត្រការ៉េ ជាដីមានផលប៉ះពាល់ខ្ពស់ដោយសារមីន ៤៩៩គីឡូម៉ែតការ៉េជាដី ប៉ះពាល់ដោយគ្រាប់បែកចង្កោម និង ៣៣គីឡូ ម៉ែត្រការ៉េជាដី មានផលប៉ះពាល់ដោយសារសំណល់ជាតិផ្ទុះពីសង្រ្គាម៕

អត្ថបទ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៩ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៣៥ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម