Connect with us

ព័ត៌មានជាតិ

ក្រោយអាមេរិកផ្អាកជំនួយ៖ ចិនផ្ដល់ជំនួយឥតសំណង៤.៤លានដុល្លារឱ្យកម្ពុជាដោះមីន១ឆ្នាំ

បានផុស

នៅ

កាលពីសប្ដាហ៍មុន អគ្គនាយក នៃមជ្ឈមណ្ឌលសកម្មភាពកម្ចាត់មីន (CMAC) បានប្រកាសអំពីការផ្អាកបោសសម្អាត មីននៅខេត្តចំនួន៨ ព្រោះតែសហរដ្ឋអាមេរិកផ្អាកជំនួយ បន្ទាប់មកនៅរាត្រីថ្ងៃទី០៥ ខែកុម្ភៈ អគ្គនាយកមជ្ឈមណ្ឌលសកម្មភាពកម្ចាត់មីន បានប្រកាសថា រដ្ឋាភិបាលចិនផ្តល់ជំនួយឥតសំណងចំនួន៤.៤លានដុល្លារគាំទ្រអង្គភាពសុីម៉ាក់របស់កម្ពុជា ដើម្បីដោះមីនរយៈពេល១ឆ្នាំ នៅខេត្តចំនួន៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង រតនា ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយក នៃមជ្ឈមណ្ឌលសកម្មភាពកម្ចាត់មីន (CMAC) សរសេរលើទំព័រហ្វេសប៊ុកផ្លូវការដូច្នេះ ៖«នៅថ្ងៃទី៥​ ខែកុម្ភៈ​ ឆ្នាំ២០២៥នេះ​ រដ្ឋាភិបាលនៃសាធារណៈរដ្ឋប្រជាមានិតចិនបានសម្រេចផ្តល់ជំនួយឥតសំណងជូនរាជរដ្ឋាភិបាលដេីម្បីគាំទ្រដល់អង្គភាពCMAC​ក្នុងការបោសសម្អាតមីន​នៃ”គម្រោងជំនួយចិនលុបបំបាត់គ្រាប់មីននៅកម្ពុជា” (The China-Aided Cambodia Landmine Elimination Projection)​មានថវិកាសរុបចំនួន៤.៤០០.០០០ដុល្លារអាមេរិក សម្រាប់រយៈពេល១២ខែ​ (០១​ មីនា​ ២០២៥-២៨ កុម្ភៈ​ ២០២៦​)​ »។

តាមអគ្គនាយកមជ្ឈមណ្ឌលសកម្មភាពកម្ចាត់មីន  ជំនួយសម្រាប់ដោះមីនរបស់ចិនរយៈពេល១ឆ្នាំនេះ នឹងគាំទ្រកិច្ចប្រតិបត្តិការបោសសម្អាតមីននៅខេត្តចំនួន៧រួមមាន ខេត្តកំពង់ធំ សៀមរាប ឧត្តរមានជ័យ ព្រះវិហារ ស្ទឹងត្រែង និងខេត្តក្រចេះ​ ព្រមទាំងមណ្ឌលសុនខស្ថិតនៅខេត្តកំពង់ឆ្នាំង​។

លោក ហេង រតនា ឱ្យដឹងថា តាមរយៈគម្រោងជំនួយនេះ ក៏នឹងគាំទ្រអ្នកជំនាញបច្ចេកទេសជាង៤០០នាក់របស់អង្គភាពCMAC និងត្រូវអនុវត្តកិច្ចប្រតិបត្តិការសកម្មភាពសំខាន់ៗមួយចំនួនដូចជា៖ ១)ការបោសសម្អាតផ្ទៃដីដែលមានបញ្ហាគ្រាប់មីន និងសំណល់យុទ្ធភណ្ឌមិនទាន់ផ្ទុះសង្រ្គាម ចំនួនជាង៣.៤០០ហិកតា, ២) ការស្រាវជ្រាវព័ត៌មានសំណល់យុទ្ធភណ្ឌមិនទាន់ផ្ទុះសង្ក្រាមនិងគ្រាប់បែកចង្កោម តាមខេត្តគោលដៅខាងលើ, ៣) ពង្រឹងសមត្ថភាពវិទ្យាស្ថានបច្ចេកទេសសុនខ​, ៤) ពង្រឹងសមត្ថភាពថ្នាក់ក្រោមជាតិលើការអប់រំគ្រោះថ្នាក់ដោយសារមីន និងសង្គ្រោះជនពិការដោយសារមីន។

លោក ហេង រតនា បន្ថែមថា គម្រោងជំនួយចិនលុបបំបាត់គ្រាប់មីននៅកម្ពុជា​ ក្នុងឆ្នាំ២០២៥នេះ​ គឺជាជំនួយឆ្នាំទី៣ នៃដំណាក់កាលទី៣ ដែលមានកញ្ចប់ថវិកាសរុបចំនួន ១៣.២លានដុល្លារសហរដ្ឋអាមេរិក​។

គួរឱ្យដឹងថា ក្រោយលោក ដូណាល់ ត្រាំ ឡើងកាន់តំណែងជាប្រធានាធិបតីសហរដ្ឋអាមេរិក, ត្រាំ បានប្រកាសផ្អាកផ្ដល់ជំនួយតាមរយៈ USAID ទៅកាន់ភាគីទទួលជំនួយរយៈពេល៣ខែ។

ក្រោយការផ្អាកនេះ អគ្គនាយក ស៊ីម៉ាក់ លោក ហេង រតនា បានប្រកាសផ្អាកកិច្ចប្រតិបត្តិការបោសសម្អាតមីនបណ្តោះអាសន្នរយៈពេល៨៥ថ្ងៃគិតពីថ្ងៃទី២៥ខែមករា​ ឆ្នាំ២០២៥ នៅខេត្តចំនួន៨​ រួមមានខេត្តកំពង់ចាម​ ក្រចេះ​ មណ្ឌលគីរី​ រតនគីរី​ ស្ទឹងត្រែង​ ត្បូងឃ្មុំ​ ស្វាយរៀង​ និងខេត្តព្រៃវែង​ រហូតដល់មានការជូនដំណឹងជាថ្មី។

អនុប្រធានទី១ នៃអាជ្ញាធរមីនកម្ពុជា លោក លី ធុជ អះអាងថា ការផ្អាកផ្ដល់ជំនួយរបស់សហរដ្ឋអាមេរិក បានប៉ះពាល់ដល់បុគ្គលិកដោះមីនកម្ពុជាជាង ១ពាន់នាក់៕

ដោយ៖ ង៉ិល ណារ៉ាត់

ចុចអាន៖ CMAC ផ្អាកដោះមីនបណ្ដោះអាសន្ន នៅខេត្តចំនួន៨ ក្រោយអាមេរិកផ្អាកផ្ដល់ជំនួយ

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៤ វិនាទី មុន

និន្នាការថ្មីកំពុងផ្ទុះនៅចិន យុវវ័យដើរយំនៅកន្លែងសាធារណៈ ដើម្បីឲ្យអារម្មណ៍ធូរស្បើយ

ព័ត៌មានជាតិ១៧ នាទីutes មុន

ច្រកទ្វារអន្តរជាតិប៉ោយប៉ែត ថៃបើកម៉ោង៨ កម្ពុជាបើកម៉ោង៩ ក្រោយភាគីថៃបើកបិតជាឯកតោភាគី

ព័ត៌មានជាតិ២៥ នាទីutes មុន

រដ្ឋបាលខេត្តកោះកុង សម្រេចបើកច្រកទ្វារព្រំដែនអន្តរជាតិចាំយាម នៅម៉ោង ៩ព្រឹក ហើយបិទនៅម៉ោង ៤រសៀល

ព័ត៌មានអន្ដរជាតិ១ ម៉ោង មុន

ទឹកមុខម៉ឺងម៉ាត់ ស្ងប់ស្ងាត់របស់ជំទាវទី១កូរ៉េខាងត្បូង ទាក់ចិត្តប្រជាជនលើកសរសើរព្រោងព្រាត

នយោបាយ២ ម៉ោង មុន

បណ្ឌិត ឥន សុផល៖នាយករដ្ឋមន្ត្រីថៃនៅក្មេងខ្ចីផ្នែកនយោបាយពេក ត្រូវក្រុមអាមាត្យ និងយោធា ក្រឡុកឡើងវង្វេងប្រវត្តិសាស្ត្រហើយ!

Sokha Hotels

ព័ត៌មានពេញនិយម