Connect with us

ព័ត៌មានជាតិ

សាលាឧទ្ធរណ៍​សម្រេច​លើក​ពេល​សវនាការ​លើ​សំណុំរឿង​មន្ត្រី​អាដហុក​ចំនួន​៥​រូប ពាក់ព័ន្ធ​នាង ខុម ចាន់​តារា​ទី ហៅ ស្រីមុំ

បានផុស

នៅ

តាម​ការគ្រោងទុក នៅ​ព្រឹក​២៥ ខែមីនា ឆ្នាំ​២០២២​នេះ សាលាឧទ្ធរណ៍​គ្រោង​បើកសវនាការ​លើ​សំណុំរឿង​លើ​មន្ត្រីជាន់ខ្ពស់ និង​អតីតមន្ត្រី​ជាន់ខ្ពស់​នៃ​សមាគម​អាដហុក​ចំនួន​៥​រូប ប៉ុន្តែ​បានសម្រេច​លើក​ពេល ដោយសារ​មេធាវី​ការពារ​ក្តី​ឲ្យ​លោក នី ចរិយា ស្នើសុំ​លើក​ពេល​ដោយ​លោក​បាន​ប៉ះពាល់​ផ្ទាល់​ជាមួយ​អ្នកជំងឺ​កូ​វិដ​-១៩ (​អូ​មី​ក្រុង​) និង​យោងតាម​ក្រមនីតិវិធី​ព្រហ្មទណ្ឌ បទឧក្រិដ្ឋ​ចាំបាច់​ត្រូវតែមាន​មេធាវី​ការពារ​ក្តី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតមន្ត្រី​ជាន់ខ្ពស់​នៃ​សមាគម​អាដហុក​ទាំង​៥​រូបនោះ​រួមមាន​៖ លោក នី សុខា , លោក យី សុខសាន្ត​, លោក ណៃ វ៉ង់​ដា​, លោក នី ចរិយា និង​លោកស្រី លឹម មុន្នី​។​

​កាលពី​ថ្ងៃទី​២៦ ខែកញ្ញា ឆ្នាំ​២០១៨ សាលាដំបូង​រាជធានី​ភ្នំពេញ បានសម្រេច​ផ្ដន្ទាទោស​អ្នក​ទាំង​៥ រូប​ដាក់ពន្ធនាគារ​ម្នាក់ៗ​ចំនួន​៥​ឆ្នាំ ក្រោម​ការចោទប្រកាន់​ពីបទ “​សូកប៉ាន់​សាក្សី និង​សមគំនិត​សូកប៉ាន់​សាក្សី​”​។ ទោស​៥ ឆ្នាំនេះ តុលាការ​សម្រេច​ឱ្យ​ពួកគាត់​អនុវត្ត​ក្នុង​ពន្ធនាគារ​រយៈពេល​១៤​ខែ និង​ទោស​នៅសល់​ត្រូវ​ព្យួរ​។

ដោយ​មិន​ពេញចិត្ត​ចំពោះ​ការសម្រេច​របស់​សាលាដំបូង​រាជធានី​ភ្នំពេញ​នេះ​កាលពី​ថ្ងៃទី​២៣ ខែតុលា ឆ្នាំ​២០១៨ អ្នក​ទាំង​៥ រូប តាមរយៈ​មេធាវី​បានសម្រេច​ដាក់ពាក្យ​បណ្តឹងសាទុក្ខ​ទៅ​សាលាឧទ្ធរណ៍ ហើយ​បើកសវនាការ​នៅថ្ងៃនេះ ប៉ុន្តែ​ត្រូវបាន​ប្រធាន​ក្រុមប្រឹក្សា​ជំនុំជម្រះ​សាលាឧទ្ធរណ៍​រាជធានី​ភ្នំពេញ លោក ស៊ិន វិសាល សម្រេច​លើក​ពេល​ទៅ​ថ្ងៃក្រោយ​វិញ ដោយសារ​មេធាវី​ការពារ​ក្ដី​ឱ្យ​លោក នី ចរិយា គឺ​លោក សំ សុ​គង់ បានដាក់​ពាក្យស្នើសុំ​ពន្យារពេល​ក្រោយពី​លោក​ពាក់ព័ន្ធ​នឹង​អ្នកជំងឺ​កូ​វីដ​-១៩​។

​លោក ស៊ិន វិសាល បញ្ជាក់ថា សំណុំ​រឿងនេះ ជា​រឿង​ព្រហ្មទណ្ឌ មេធាវី​ត្រូវតែ​ចូលរួម​ជា​ចាំបាច់​មិនអាច​អត់​បានទេ ទោះបីជា​អ្នកការពារ​សិទ្ធិមនុស្ស​អាដហុក​ចំនួន​៤ រូប​ទៀត គាត់​មាន​មេធាវី​ចូលរួម​ក៏ដោយ ហើយ​លោក​សម្រេច​លើក​ពេល ទៅ​ចុង​ខែមេសា​ខាងមុខ​។ ចំណែក​ពេលវេលា និង​ថ្ងៃ​សវនាការ​ជាក់លាក់​នឹង​ជូន​ព័ត៌មាន​តាម​ក្រោយ​។​

ប្រធាន​សមាគម​ការពា​រ​សិទ្ធិមនុស្ស​អាដហុក លោក នី សុខា បាន​ប្រាប់​អ្នកសារព័ត៌មាន​នៅមុខ​សាលាឧទ្ធរណ៍​រាជធានី​ភ្នំពេញ​ថា ពួកគាត់​រង់ចាំ​សវនាការ​បណ្ដឹងសាទុក្ខ​នេះ​ជាច្រើន​ឆ្នាំ​មកហើយ ខណៈដែល​ពួកគាត់​បានដាក់​បណ្ដឹង​ទៅ​សាលាឧទ្ធរណ៍​តាំងពី​ឆ្នាំ​២០១៨​។ លោក​ថា លោក​ចង់ឱ្យ​បន្ត​សវនាការ​នេះ ព្រោះ​លោក​រង់ចាំ​យុត្តិធម៌​យូរហើយ​។ ជាមួយគ្នា​នោះ លោក នី សុខា បានស្នើ​ទៅ​តុលា​ការឱ្យ​កោះហៅ​សាក្សី ឈ្មោះ ខុម ចាន់​តារា​ទី ហៅ ស្រីមុំ និង​មេធាវី​របស់គាត់ គឺ​អ្នកស្រី ទ្រី ឈួន មក​សួរដេញដោល​ក្នុង​សវនាការ ដោយ​ថា មកដល់​ថ្ងៃនេះ តុលាការ​មិនបាន​កោះហៅ​សាក្សី​ទាំងពីរ​នេះ​មក​ចូលរួម​សវនាការ​ឡើយ​។

​សូមបញ្ជាក់ថា អ្នក​ទាំង​៥​រូប ត្រូវបាន​សាលាឧទ្ធរណ៍​ភ្នំពេញ​កោះហៅ​ឱ្យចូល​សវនាការ កាលពី​ថ្ងៃទី​១៦ ខែកុម្ភៈ ឆ្នាំ​២០២២ ដើម្បី​ជំនុំ​ជំ​រះ ពីបទ “ អំពើ​សូកប៉ាន់​សាក្សី ” បន្ទាប់ពី​អ្នក​ទាំង​៥​រូប បានដាក់​បណ្តឹងឧទ្ធរណ៍ ដើម្បី​ស្នើសុំ​ឲ្យ​សាលាឧទ្ធរណ៍​រក​យុត្តិធម៌​លើ​សំណុំរឿង​របស់​ពួកគាត់ កាលពី​ថ្ងៃទី​២៣ ខែតុលា ឆ្នាំ​២០១៨៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

លោក សួន សេរីរដ្ឋា ស្នើសង្គមស៊ីវិលមួយចំនួន កុំយករឿងចេញសែកគ្មានសាច់ប្រាក់ ទៅភ្ជាប់នឹងរឿងនយោបាយឲ្យសោះ

ព័ត៌មានជាតិ១១ នាទី មុន

កម្លាំងចម្រុះ៣ខេត្តចុះបង្រ្កាបបទល្មើសនេសាទនៅចំណុចកន្លុកយាយហុីង និងកោះពីរ

ជីវិតកម្សាន្ដ១៦ នាទី មុន

Dilraba នឹងជំនួសតំណែងរបស់ Angelababy ក្លាយជាទូតសុឆន្ទៈ Dior ពេញសិទ្ធ

ព័ត៌មានជាតិ២៩ នាទី មុន

គណៈកម្មាធិការគណបក្សរាជធានីភ្នំពេញ ចេញញត្តិគាំទ្រសេចក្ដីថ្លែងការណ៍ និងវិធានការគណបក្សប្រជាជនកម្ពុជា និងថ្កោលទោសគណបក្សភ្លើងទៀន ដែលធ្វើឲ្យប៉ះពាល់ធ្ងន់ធ្ងរបំផុតដល់សេចក្ដីថ្លៃថ្នូរបក្សប្រជាជន

ព័ត៌មានអន្ដរជាតិ៣៣ នាទី មុន

ត្រឹម៣ថ្ងៃប៉ុណ្ណោះ យន្តហោះ៣គ្រឿងរបស់ក្រុមហ៊ុនតែមួយ មានបញ្ហាម៉ាស៊ីននៅលើអាកាស

Sokha Hotels

ព័ត៌មានពេញនិយម