ព័ត៌មានជាតិ
ចម្ងាយផ្លូវជាង ២០ គីឡូម៉ែត្រ ពី កំពត ទៅ វាលរេញ ប៉ាន់ស្មានចាយថវិកាសាងសង់ពី ៦០ ទៅ ៧០ លានដុល្លារ
បើតាមការបញ្ជាក់ពីរដ្ឋមន្រ្តីក្រសួងសាធារណការនិងដឹកជញ្ជូន កំណាត់ផ្លូវជាតិលេខ ៣ ប្រវែងជាង ២០ គីឡូម៉ែត្រពីកំពតទៅវាលរេញដែលរងការខូចខាត អាចត្រូវការចាយថវិកាប្រមាណ ៦០ ទៅ ៧០ លានដុល្លារ ដែលត្រូវការបច្ចេកទេសខ្ពស់លើការជួសជុលឡើងវិញ ដើម្បីធានាការប្រើប្រាស់បានយូរអង្វែង។
ថ្លែងក្នុងពេលចុះពិនិត្យកំណាត់ផ្លូវជាតិលេខ ៣ ពីកំពតទៅវាលរេញនៅព្រឹកមិញនេះ លោក ស៊ុន ចាន់ថុល បានបញ្ជាក់ថា កំណាត់ផ្លូវជាតិលេខ ៣ ពីកំពតទៅវាលរេញដែលមានប្រវែងជាង ៥០ គីឡូម៉ែត្រ ហើយក្នុងកំណាត់ផ្លូវជាង ២០ គីឡូម៉ែត្ររងការខូចខាតយ៉ាងធ្ងន់ធ្ងរ ទោះបីមានការជួសជុលជាច្រើនដងក៏ដោយ។
លោករដ្ឋមន្រ្តីបានថ្លែងថា កំណាត់ផ្លូវជាង ២០ គីឡូម៉ែត្រជួសជុលជាច្រើនដងមកហើយ នៅតែមិនជាប់។ កន្លងមានការប្រើប្រាស់ថវិកាពីធនាគារពិភពលោកផង ក្រុមហ៊ុនកូរ៉េសាងសង់ផងក៏នៅតែមិនជាប់បានតែមួយឆ្នាំពីរឆ្នាំខូចទៅវិញ ដោយសារភូមិសាស្រ្តតំបន់នេះដីស្អុយត្រូវការកាយយកជម្រៅ ១៨ ម៉ែត្រហើយត្រូវខួងដូចធ្វើគ្រឹះស្ពានទើបអាចធានាបាន។
បើតាមលោករដ្ឋមន្រ្តី រដ្ឋាភិបាលបានស្នើកញ្ចប់ថវិកាពីរដ្ឋាភិបាលចិនលើការស្ថាបនាកំណាត់ផ្លូវជាង ២០ គីឡូម៉ែត្រនេះដែលត្រូវការចំណាយថវិកាពី ៦០ ទៅ ៧០ លានដុល្លារ។
ក្នុងដំណើរទស្សនកិច្ចនៅកម្ពុជារបស់លោក វ៉ាង យី ទីប្រឹក្សារដ្ឋនិងជារដ្ឋមន្ត្រីការបរទេសនៃសាធារណរដ្ឋប្រជាមានិតចិនកាលពីខែកញ្ញាឆ្នាំ២០២១ បញ្ជាក់ថា ប្រទេសចិននឹងបញ្ជូនអ្នកបច្ចេកទេសជំនាញមកសិក្សាផ្លូវជាតិលេខ៣ កំពត-វាលរេញ ដែលមានការខូចខាតខ្លាំងប្រវែង ២០ គីឡូម៉ែត្រ ដែលជាតំបន់ដីស្អុយពិបាកក្នុងការសាងសង់។
ទាក់ទងនឹងផ្លូវជាតិលេខ៣ កំពត-វាលរេញនេះដែរ លោកទេសរដ្ឋមន្ត្រី ស៊ុន ចាន់ថុល ធ្លាប់បានបញ្ជាក់ថា ការខូចខាតប្រវែង២០គីឡូម៉ែត្រនេះ មានកំណាត់ផ្លូវប្រវែង ១៥ គីឡូម៉ែត្រ ខូចដោយសារតែស្ថានភាពកសាងគ្រឹះមិនបានរឹងមាំ ខណៈប្រវែង ៥ គីឡូម៉ែត្រភ្ជាប់ទៅផ្លូវបំបែកវាលរេញ ស្ថានភាពដីខាងក្រោមស្អុយជម្រៅដល់ទៅ ១៨ម៉ែត្រ ដែលជាដើមចមចម្បងមួយនាំឱ្យផ្លូវសាងសង់ហើយតែងតែខូចទៅវិញ។
លោករដ្ឋមន្រ្តី ស៊ុន ចាន់ថុល បានបញ្ជាក់ថា ដើម្បីឱ្យកំណាត់ផ្លូវប្រវែង ២០គីឡូម៉ែត្រនេះជាប់មាំល្អលែងខូច ក្នុងនោះប្រវែង ១៥គីឡូម៉ែត្រ ត្រូវកាយដីចាក់គ្រឹះឡើងវិញ ហើយចាក់បេតុងកម្រាស់ ២.៦តឹក និងពង្រីកទទឹងផ្លូវទៅ ១២ម៉ែត្រ។ ដោយឡែកប្រវែងផ្លូវប្រមាណ ៥ គីឡូម៉ែត្រ ទៅផ្លូវបំបែកវាលរេញ ត្រូវចាក់សសរគ្រឹះចូលទៅក្នុងដី រួចទើបចាក់បេតុងពីលើកម្រាស់ ២.៦តឹក និងពង្រីកទទឹងផ្លូវដល់ទៅ ១៦ម៉ែត្រហើយត្រូវការថវិកាក្នុងរង្វង់ជាង ៦០ លានដុល្លារអាមេរិកយកមកសាងសង់ នឹងធ្វើឱ្យកំណាត់ផ្លូវនេះជាប់ហើយលែងខូច៕
អត្ថបទ៖ ប៊ុណ្ណារ៉ា
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ