ព័ត៌មានជាតិ

ក្រសួងសុខាភិបាលយកសំណាកពលករខ្មែរមកពីថៃបានជាង១០០នាក់

បានផុស

៤ years មុន

នៅ

ថ្ងៃអង្គារ ២២ ធ្នូ ២០២០

ដោយ

លោកស្រី វេជ្ជបណ្ឌិត យក់សម្បត្តិ រដ្ឋលេខាធិការនិងជាអ្នកនាំពាក្យក្រសួងសុខាភិបាលបានមានប្រសាសន៍នៅព្រឹកថ្ងៃទី២២ ខែធ្នូនេះថា ថ្ងៃទី២០ខែធ្នូ ឆ្នាំ២០២០ក្រសួងទទួលបានសំណាកពលករខ្មែរចេញពីប្រទេសថៃចូលមកកម្ពុជា ពីតាមបណ្តាខេត្តនៅជាប់ព្រំដែនកម្ពុជាថៃចំនួន១២៨សំណាកយកមកធ្វើវិភាគរកជំងឺកូវីដ១៩ នៅវិទ្យាស្ថានប៉ាស្ទ័រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្តថា ចំពោះលទ្ធផលនៃសំណាកទាំងនោះនឹងដឹងនៅល្ងាចថ្ងៃទី២២ខែធ្នូនេះ។

យោងតាមទិន្នន័យរបស់ស្ថានកុងស៊ុលកម្ពុជាប្រចាំខេត្តសាកែវប្រទេសថៃដែលបានផ្ញើជួនលោកប្រាក់ សុខុន ឧបយាយករដ្ឋមន្ត្រី រដ្ឋមន្ត្រីក្រសួងការបរទេសនិងកិច្ចសហប្រតិបត្តិការអន្តរជាតិបានឲ្យដឹងថានៅថ្ងៃទី២០ ខែធ្នូ ថា មានពលករខ្មែរចេញពីប្រទេសថៃចូមមកកម្ពុជាសរុបចំនួន៥៥១នាក់ក្នុងនោះស្រី១៩៥នាក់និងក្មេងចំនួន១១នាក់។

តាមទិន្នន័យដដែលបានបន្តថាចំនួន៥៥១នាក់ដែលចេញពីថៃចូលមកកម្ពុជានោះចូលតាមច្រកចំនួន៨រួមមានច្រកអន្តរជាតិប៉ោយប៉ែតចំនួន៥៤នាក់ស្រី៦នាក់ច្រកដូង២៥៤នាក់ស្រី៩២នាក់ ច្រកព្រំ២០នាក់ស្រី១នាក់ ច្រកម៉ាឡៃ៦នាក់ស្រី១នាក់ច្រកអូរបីជាន់១៩៣នាក់ស្រី៨៥នាក់ ច្រកបឹងត្រកួន៦នាក់ស្រី២នាក់ច្រកតំបន់ស្តកស្តោរ៦នាក់ស្រី៣នាក់និងតំបន់ចាន់គីរី១២នាក់ស្រី៥នាក់។

គួរបញ្ជាក់ថាការចាកចេញរបស់ពលករខ្មែរពីថៃចូលមកប្រទេសកម្ពុជានេះបន្ទាប់ពីមានករណីផ្ទុះជំងឺកូវី១៩ នៅខេត្តសាមុតសខនប្រទេសថៃចូលសហគមន៍៕

អត្ថបទ ៖ សំអឿន