ព័ត៌មានជាតិ

ខេត្តព្រះសីហនុ មានសណ្ឋាគារ ៨០ កន្លែង ហើយមានពីរកន្លែងទទួលកម្រិតផ្កាយ ៥

បានផុស

៣ years មុន

នៅ

ថ្ងៃព្រហស្បតិ៍ ១១ សីហា ២០២២

ដោយ

មន្ទីរទេសចរណ៍ខេត្តព្រះសីហនុបានឲ្យដឹងថា នៅខេត្តព្រះសីហនុបច្ចុប្បន្នមានសណ្ឋាគារសរុបចំនួន ៨០ កន្លែងសម្រាប់ទទួលភ្ញៀវទេសចរណ៍។

ក្នុងចំណោមសណ្ឋាគារទាំង ៨០ កន្លែង មានសណ្ឋាគារចំនួនពីរទទួលបានការវាយតម្លៃផ្តល់ចំណាត់ថ្នាក់ជាសណ្ឋាគារកម្រិតផ្កាយ ៥ គឺសណ្ឋាគារ JIN Bei Palace និងសណ្ឋាគារ Xi-Hu International Hotel។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនេះ ខេត្តទេសចរណ៍ជាប់សមុទ្រនេះក៏មានផ្ទះសំណាក់ ៤៧ កន្លែង រួមទាំងបឹងហ្គាឡូ ៤០ កន្លែងសម្រាប់បម្រើការមកកម្សាន្តនិងស្នាក់នៅរបស់ភ្ញៀវទេសចរណ៍។

ខេត្តព្រះសីហនុ គឺជាខេត្តដ៏មានសក្តានុពលមួយរបស់ប្រទេសកម្ពុជា ហើយបច្ចុប្បន្នខេត្តនេះកំពុងអង្រួនបេះដូងភ្ញៀវទេសចរជាតិអន្តរជាតិ ដោយសារតែហេដ្ឋារចនាសម្ព័ន្ធទាំងឡាយជាពិសេសផ្លូវថ្នល់, អគារពាណិជ្ជកម្ម, សណ្ឋាគារ, ហេដ្ឋារចនាសម្ព័ន្ធ, ឆ្នេរសមុទ្រ, ឆ្នេរខ្សាច់ និងកោះជាដើម។

ដោយឡែកផ្លូវល្បឿនលឿនភ្នំពេញ-ព្រះសីហនុ ដែលគ្រោងបញ្ចប់និងដាក់ឲ្យដំណើរការនៅឆ្នាំនេះ នឹងជំរុញកំណើនការធ្វើដំណើរទៅខេត្តមាត់សមុទ្រដ៏ល្បីនេះ ដោយសារវាជាផ្លូវល្បឿនលឿនទី ១ ដែលផ្តល់ភាពងាយស្រួល កាត់បន្ថយពេលវេលាធ្វើដំណើរពីរាជធានីភ្នំពេញទៅក្រុងព្រះសីហនុ ពីចំនួនប្រាំម៉ោងមកត្រឹមតែពីរម៉ោងប៉ុណ្ណោះ៕

Related Topics:ខេត្តព្រះសីហនុ