Connect with us

ព័ត៌មានជាតិ

អង្គការ ​និងក្រុមហ៊ុន​ធានារ៉ាប់រង​មួយចំនួន​ចាប់ផ្ដើម​សិក្សា​ផ្ដល់ធានារ៉ាប់​រងឱ្យ​កសិករ​ផ្អែកលើ​ សន្ទស្សន៍​អាកាសធាតុ​

បានផុស

នៅ

អង្គការសង្គមស៊ីវិល និងក្រុមហ៊ុនឯកជនមួយចំនួន មានដូចជា អង្គការទស្សនពិភពលោក មូលនិធិស៊ីនជេនតា សម្រាប់និរន្តភាព កសិកម្ម ក្រុមហ៊ុនធានារ៉ាប់រងហ្វតេ និងគម្រោងខាស់ (CAST) នៅថ្ងៃទី ១៨ ខែសីហា បានរៀបចំសិក្ខាសាលាមួយជួបជុំពិគ្រោះយោបល់ លើសេវាកម្ម​ធានារ៉ាប់រងផ្នែកវារីវប្បកម្មទឹកសាបនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាសិក្ខាសាលាពិគ្រោះយោបល់លើសេវាកម្មធានារ៉ាប់រងផ្នែកវារីវប្បកម្មទឹកសាបនៅកម្ពុជាដើម្បីឱ្យស្ថាប័ន និងភាគីពាក់ព័ន្ធដូចជា តំណាងកសិករ គ្រឹះស្ថានហិរញ្ញវត្ថុ និងក្រុមហ៊ុនធានារ៉ាប់រង​ចូលរួម​ដោះស្រាយបញ្ហាប្រឈមរបស់កសិករចិញ្ចឹមត្រី ទទួលរងគ្រោះខាតបង់ទិន្នផលត្រី និងខាតចំណូល ដោយបម្រែបម្រួលអាកាសធាតុ ដូចជាកំដៅឡើងក្តៅ កំពស់ទឹកខ្ពស់ជាដើម។

លោក អាដុលផូ រ៉ូស ប្រធានបច្ចេកទេសនៃគម្រោង ខាស់នៃអង្គការទស្សនៈពិភពលោក​មានប្រ​សាសន៍ថា ​ការធានារ៉ាប់រងវារីវប្បកម្មនៅកម្ពុជាផ្សាភ្ជាប់និងសេវាឥណទាន ឬធាតុមួយសំខាន់ក្នុងការ​កាត់បន្ថយ​ហានិភ័យ​កសិករដែលចាប់អាជីពវារីវប្បកម្មនេះ ហើយនិងកាត់បន្ថយការ​ខាតបង់របស់​គាត់ ដែលមានស្ថាប័ន គ្រឹះស្ថានហិរញ្ញវត្ថុ និងក្រុមហ៊ុនធានារ៉ាប់រងចូលរួមចំណែក​ដោះស្រាយ​បន្ទុកខាតបង់នេះ។

វារីវប្បកម្មនៅកម្ពុជាដើរតួនាទីដ៏សំខាន់ក្នុងការចូលរួមកែលំអរជីវភាពប្រចាំថ្ងៃរបស់សហគមន៍នៅជនបទ។ ត្រីគឺជាប្រភពដ៏សំខាន់សម្រាប់មនុស្ស ជាមួយនឹងតម្រូវការ ៤១គីឡូក្រាម​សម្រាប់​មនុស្សម្នាក់​តំណាង​អោយ ៧០% នៃការប្រើប្រាស់ប្រចាំឆ្នាំ (FAO, 2019)។

ដើម្បីឱ្យ​សម្រេចទិស​ដៅក្នុងការផ្គត់ផ្គង់ក្នុងប្រទេស រដ្ឋបាលជលផលបានចេញផែន​ការយុទ្ធសាស្រ្តជលផល​ដោយនៅ​ក្នុង​យុទ្ធសាស្រ្តនេះបានផ្តល់អនុសាសន៍ថា ទិន្នផលវារីវប្បកម្មនឹងកើនឡើង ២០% ប្រចាំឆ្នាំ ចាប់ពី ១៨៥.០០០តោន ទៅ ២៤០.០០០។ ទោះជាយ៉ាងណា ការអភិវឌ្ឍវារីវប្បកម្មនៅកម្ពុជាស្ថិតនៅ​ក្នុងជំហាន​ដំបូងបើប្រៀបធៀបជាមួយប្រទេសក្នុងតំបន់។

លោក យក់ ចំរើនឬទ្ធិ ​អគ្គនាយកក្រុមហ៊ុនធានារ៉ាប់រង FORTE មានប្រសាសន៍ដែរថា​ ​ក្រុមហ៊ុន របស់លោក បានធ្វើការធានារ៉ាប់ផ្នែកវិស័យកសិកម្មជាយូរមកហើយ ហើយរយៈពេល ៧ ឆ្នាំចុងក្រោយនេះ ក្រុមហ៊ុនលោកចាប់ផ្ដើមធានារ៉ាប់រងទៅលើដំណាំកៅស៊ូ ដំណាំ ពោត សណ្ដែក ដំឡូងមី។

លោកថា រយៈពេល ៧ ឆ្នាំចុងក្រោយនេះ យើងបានផ្ដោតយកចិត្តទុកដាក់​ទៅលើការ​ធានារ៉ាប់​រងទៅលើដំណាំស្រូវ ផ្អែកទៅលើសន្ទុះអាកាសធាតុ បម្រែប្រួលអាកាសធាតុ។

លោកមានប្រសាសន៍ថា ពេលមានភ្លៀងច្រើនពេក ភ្លៀងខុសពេលវេលា​ដែលត្រូវភ្លៀង​ដូច្នេះកសិករមិនបានត្រៀមរៀបចំ​ការចិញ្ចឹមរបស់គាត់ក៏ទៅតាមពេលវេលាការប្រែប្រួលអាកាស​ធាតុទេ គឺគាត់ធ្វើទៅតាមអ្វីដែលជាលំអានធម្មតា ហើយឥឡូវនេះ ដោយសារការប្រែប្រួល​អាកាសធាតុ ដោយសារកម្ដៅភពផែនដីធ្វើឱ្យអាកាសធាតុមិនប្រក្រតី កសិករ ប្រសិន​បើគាត់ដាំដុះ ឬក៏ចិញ្ចឹមត្រី ពេលវេលាហ្នឹង គឺវាខុសធ្វើឱ្យការដាំដុះ ឬការចិញ្ចឹមត្រីរបស់គាត់ វាខូចខាត។

លោក យក់ ចំរើនឬទ្ធលើកឡើថា វារីវប្បកម្ម វិស័យកសិកម្មលើហានិភ័យខ្ពស់ជាងវិស័យដ៏ទៃ ដោយសារ ផ្អែកទៅលើអាកាសធាតុ តម្លៃកសិផល និងបច្ចេកវិទ្យា ហានិភ័យនេះ គឺកសិករខ្មែរតែម្ដងយកទម្លាប់បរមបុរាណមកប្រើដោយសារ ធ្វើឱ្យទិន្នផលរបស់យើងទាបផងអីផងទៅ ជាហានិភ័យដែលកសិករជួបប្រទះ៕

អត្ថបទ៖ ឌឿន ចាន់ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ពលរដ្ឋ​នៅ​ឃុំ​អូរសោម​​ ខេត្តពោធិ៍សាត់ ទទួល​បាន​សមិទ្ធផល​​ផ្លូវ​​បេតុង​​៦​ខ្សែ​

ព័ត៌មានជាតិ៨ ម៉ោង មុន

លោកជំទាវ ហ៊ុន ម៉ាណា អញ្ជើញ​ប្រគល់​ផ្ទះ​ទេវតា​១ខ្នង អណ្ដូងទឹកស្អាតចំនួន៣ និងប្រគេនទេយ្យវត្ថុដល់វត្តចំនួន៥វត្ត ក្នុង​ខេត្តកំពត

ព័ត៌មានជាតិ១២ ម៉ោង មុន

ក្រសួងអប់រំនឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តនៅថ្ងៃស្អែកនេះ

ជីវិតកម្សាន្ដ១២ ម៉ោង មុន

CL និង តារាចម្រៀងជាច្រើនប្រចាំ កម្ពុជា អង្រួនឆាកក្នុងមហាព្រឹត្តិការណ៍ដ៏ធំ Vattanac All in Festival

ព័ត៌មានជាតិ១២ ម៉ោង មុន

ការចូលរួមបរិច្ឆាគឈាមដោយស្ម័គ្រចិត្តនៅកម្ពុជាបានកើនឡើង៥ភាគរយ

Sokha Hotels

ព័ត៌មានពេញនិយម