ព័ត៌មានជាតិ
ក្រសួងបរិស្ថាន កំពុងសិក្សាបង្កើតឧទ្យានជាតិសមុទ្រមួយទៀត នៅខេត្តកែប
ក្រសួងបរិស្ថាន បាននិងកំពុងសិក្សាបង្កើតឧទ្យានជាតិសមុទ្រមួយនៅខេត្តកែប ខណៈនាពេលបច្ចុប្បន្ននេះ ប្រទេស កម្ពុជា មានតំបន់ឧទ្យានជាតិសមុទ្រចំនួន ២រួចហើយ។
លោក នេត្រ ភក្រ្តា រដ្ឋលេខាធិការ និងអ្នកនាំពាក្យក្រសួងបរិស្ថាន មានប្រសាសន៍ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងបរិស្ថាន” នាព្រឹកថ្ងៃទី ៣០ ខែសីហានេះថា ក្រសួងបរិស្ថាន បាននិងកំពុងបន្តសិក្សាអំពីការបង្កើតឧទ្យានជាតិសមុទ្រមួយទៀតនៅក្នុងខេត្តកែប ដោយសារតែទីតាំងនោះសម្បូរទៅដោយជីវចម្រុះជាច្រើន។
អ្នកនាំពាក្យក្រសួងបរិស្ថាន បានឲ្យដឹងយ៉ាងដូច្នេះថា «ក្រសួងបរិស្ថាន បាននិងកំពុងតែបន្តការសិក្សា ដោយមានសំណើពីរដ្ឋបាលខេត្តកែប យើងកំពុងតែសិក្សាអំពីការបង្កើតនូវឧទ្យានជាតិសមុទ្រមួយទៀត នៅក្នុងខេត្តកែប ដោយសារតែទីតាំងកន្លែងនោះ គឺសម្បូរទៅដោយជីវៈចម្រុះ ដែលមានប្រភេទផ្កាថ្ម ស្មៅសមុទ្រ ជ្រូកសមុទ្រ ហើយនឹងមានត្រីដូហ្វ្រីនជាដើម ហើយនិងប្រភេទសត្វជីវៈចម្រុះផ្សេងៗទៀត»។
លោក នេត្រ ភក្រ្តា បានបញ្ជាក់ថា នាពេលបច្ចុប្បន្ននេះ នាយកដ្ឋានអភិរក្សសមុទ្រកំពុងតែសិក្សា ដើម្បីប្រមូលទិន្នន័យ ចេញពីតំបន់នោះ មុនឈានទៅបង្កើតឧទ្យានជាតិសមុទ្រ។ ដូច្នេះ ប្រទេសកម្ពុជា រំពឹងថា នឹងមានឧទ្យានជាតិសមុទ្រថ្មីមួយទៀត ដែលស្ថិតនៅក្នុងខេត្តកែប។ សូមជម្រាបថា ក្នុងពេលបច្ចុប្បន្ននេះ ប្រទេសកម្ពុជា មានតំបន់ឧទ្យានជាតិសមុទ្រចំនួន ២ តំបន់៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ