កីឡា
កីឡាករ ផ្លយ ធិញហួយ ជឿជាក់ថាបន្ទាប់ពីបញ្ចប់ការប្រកួត WFFA Pulse 2026 នឹងមានអ្នកហាត់បាល់ Free Style កាន់តែច្រើន
កីឡាករ Free Style របស់កម្ពុជា កីឡាករ ផ្លយ ធិញហួយ ថាបន្ទាប់ពីបញ្ចប់កម្មវិធី WFFA Pulse Phnom Penh 2026 នេះទៅនឹងមានអ្នកស្រឡាញ់ចូលចិត្ត និងហ្វឹកហាត់កីឡាមួយនេះកាន់តែច្រើននៅប្រទេសកម្ពុជាជាមិនខាន។
កីឡាករ ផ្លយ ធិញហួយ
កីឡាករ ផ្លយ ធិញហួយ បានឲ្យដឹងថា រូបគេបានសម្រេចក្ដីស្រមៃចូលរួមការប្រកួតកម្រិតអន្តរជាតិហើយនៅពេលនេះបន្ទាប់ពីលេង និងហ្វឹកហាត់កីឡា Free Style នេះប្រហែលរយៈពេល ១០ឆ្នាំកន្លងទៅមកនេះ។ នៅប្រទេសកម្ពុជាបច្ចុប្បន្ននេះមានកីឡាករ Free Style ប្រហែលខ្ទង់ ១០នាក់នោះទេមិនទាន់មានអ្នកចាប់អារម្មណ៍ ឬហ្វឹកហាត់ច្រើនដូចបណ្ដាប្រទេសដទៃឡើយ។
កីឡាករ ផ្លយ ធិញហួយ
អ្នកដើមកំណើតពីខេត្តសៀមរាបរូបនេះបន្ថែមទៀតថា បន្ទាប់ពីបញ្ចប់ការប្រកួត WFFA Pulse Phnom Penh 2026 រូបគេជឿជាក់ថានឹងអាចទាក់ទាញបានកីឡាករ កីឡាការិនីកាន់តែច្រើនងាកមកហ្វឹកហាត់កីឡាបាល់ទាត់ Free Style នេះ។ ការរៀបចំព្រឹត្តិការណ៍ WFFA Pulse Phnom Penh 2026 នេះគឺបានជួយផ្សព្វផ្សាយឲ្យដល់បណ្ដាប្រទេសនៅលើឆាកអន្តរជាតិបានដឹងថាកម្ពុជាក៏មានអ្នកហ្វឹកហាត់ និងមានកីឡាករលេងកីឡាមួយនេះផងដែរ។ យ៉ាងយូររយៈពេល ២-៣ឆ្នាំទៅមុខទៀតនឹងមានកំណើនកីឡាករពី ៣០-៥០នាក់បន្ថែមទៀតនៅកម្ពុជា ព្រោះព្រឹត្តិការណ៍នេះជាការផ្សព្វផ្សាយដល់យុវជនបានដឹង និងបណ្ដុះចិត្តស្រឡាញ់ផងដែរ។
ទិដ្ឋភាពប្រកួត
បញ្ជាក់ដែរថា ព្រឹត្តិការណ៍ប្រកួតកីឡាបាល់ទាត់ Freestyle អាស៊ី WFFA Pulse Phnom Penh ឆ្នាំ ២០២៦ មានកីឡាករ កីឡាការិនីមកពីជាង ១០ ប្រទេសដែលសុទ្ធតែអ្នកមានបច្ចេកទេសល្អៗ។ ជ័យជម្នះមេដាយមាសបានទៅកីឡាករអូស្ត្រាលី Jay Hennicke ខណៈមេដាយប្រាក់ និងសំរិទ្ធ បានទៅកីឡាករជប៉ុន Akinobu Kamine និង Hiroyuki Kaneko។ ចំណែកវិញ្ញាសាឯកត្តជននារី មេដាយមាស បានទៅកីឡាការិនីជប៉ុន Moeka Ribeiro, មេដាយប្រាក់បានទៅកីឡាការិនីឥណ្ឌា Estela Ribeiro និងមេដាយសំរិទ្ធបានទៅកីឡាការិនីជប៉ុន Mai Sasutake។ កម្ពុជារៀបចំការប្រកួតនេះរយៈពេល ២ថ្ងៃគឺចាប់ពីថ្ងៃទី៦-៧ ខែមិថុនា ឆ្នាំ២០២៦ នៅ The King’s School Vattanacville រាជធានីភ្នំពេញ៕
កីឡាករ ផ្លយ ធិញហួយ(អាវក្រហម)
អត្ថបទដោយ៖ នួន ស៊ីណា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត