ព័ត៌មានជាតិ
ពលរដ្ឋជិត ២០០ គ្រួសារនៅឃុំក្បាលរមាសស្នើអាជ្ញាធរជួលជុលផ្លូវដែលរងការខូចខាតដោយសារទឹកជំនន់
ប្រជាពលរដ្ឋជិត ២០០ គ្រួសាររស់នៅតាមដងផ្លូវលេខ ៧៨ ចាស់ដែលជាផ្លូវនៅសល់ពីធាទឹកទំនប់វារីអគ្គិសនីសេសានក្រោម២ រងការលិចទឹកភ្លៀង ប៉ុន្មានថ្ងៃជាប់ៗគ្នាបង្កឲ្យខូចខាតពិបាកក្នុងការធ្វើចរាចរណ៍ស្នើឱ្យអាជ្ញាធរជួយសម្រួលដើម្បីងាយស្រួលក្នុងការធ្វើដំណើរ។
លោក យី ធេន ប្រជាពលរដ្ឋរស់នៅចំណុចស្រែតែចាន់ក្នុងភូមិច្រប់ ឃុំក្បាលរមាស ស្រុកសេសាន ខេត្តស្តឹងត្រែងបានបញ្ចាក់ថា ផ្លូវមួយខ្សែនេះផ្តល់អត្ថប្រយោជន៍សម្រាប់ប្រជាពលរដ្ឋនៅតាមតំបន់នេះពឹងពាក់ក្នុងការធ្វើចរាចរណ៍ចេញចូលជារឿងរាល់ថ្ងៃព្រោះមិនមានផ្លូវវាងផ្សេងពីនេះទេ។
លោកបន្តថា នៅក្នុងដើមខែតុលានេះមានភ្លៀងធ្លាក់ច្រើន បង្កឲ្យដក់ទឹកពេលប្រជាពលរដ្ឋដឹកទំនិញចេញចូល ខ្លះប្រើរថយន្ត ខ្លះប្រើគោយន្ត ដឹកកសិផលកសិកម្មទៅទីផ្សារ នៅពេលមានភ្លៀងទើបបណ្ដាលឲ្យផ្លូវនេះរងការខូចខាតជាច្រើនកន្លែង ពិបាកក្នុងការធ្វើដំណើរទៅមកទាំងសិស្សានុសិស្សទៅសាលារៀន ប្រជាពលរដ្ឋមានជំងឺឈឺស្កាត់ទៅមណ្ឌលសុខភាព ហើយប្រជាពលរដ្ឋយើងធ្វើដំណើរប្រចាំថ្ងៃក៏ជួបផលលំបាកខ្លាំងដែរ។
លោក ប៉ែន សុបុល មេឃុំក្បាលរមាសបានបញ្ជាក់ថា ផ្លូវនេះមានការខូចខាតខ្លាំងក្លាមែន។ ដោយសារតែបងប្អូនប្រជាពលរដ្ឋនៅតំបន់នេះ ប្រើប្រាស់ឡានដឹកទំនិញធំៗមួយចំនួន និងគោយន្ត ដឹកកសិផលផ្សេងៗ ចេញចូលជាចាំបាច់ ព្រោះជាតម្រូវការជីវភាពប្រចាំថ្ងៃ។ ម្យ៉ាងទៀតផ្លូវនេះគឺហ៊ុមព័ទ្ធទៅដោយធារទឹកទំនប់វារីអគ្គិសនីសេសានក្រោម ២ ផងទើបរងការខូចខាតបែបនេះ។
លោកបន្តថា ស្ថានភាពនេះលោកបានធ្វើការចុះពិនិត្យរួចរាល់អស់ហើយ និងបានធ្វើសំណើដាក់សុំទៅ អាជ្ញាធរស្រុក ដើម្បីរៀបគម្រោងជួយដោះស្រាយធ្វើការជួសជុលសម្រាប់ឲ្យបងប្អូនប្រជាពលរដ្ឋយើងបានធ្វើដំណើរងាយស្រួលឡើងវិញនៅក្នុងរដូវ ប្រាំងឆ្នាំនេះ ទោះបីថាផ្លូវតំបន់នេះ ជាផ្លុវទាល់មានចម្ងាយតែ៧គីឡូម៉ែត្រក៍ដោយ។
លោកបន្តថា នៅចំពោះមុខនេះសូមឱ្យបងប្អូនប្រជាពលរដ្ឋយើង រួមគ្នាកែតម្រូវខ្លះៗនៅពេលទឹកភ្លៀងស្រកទៅវិញ។ដូចជាការកាយបង្ហូរទឹកចេញឬក៏អាចលើកដីចាក់បំពេញជង្ហុកជ្រៅៗ ដើម្បីបម្រើការធ្វើចរាចរណ៍របស់យើងទម្រាំដល់រដូវប្រាំងក្នុងខែវិច្ឆិកា ឬខែធ្នូ អាចអាជ្ញារធរស្រុកឬមន្ទីរសាធារណការនិងដឹកជញ្ជូនខេត្ត មកបើកការដ្ឋានជួសជុល ដើម្បីបានធ្វើចរាចរណ៍ទៅមកងាយស្រួល ព្រោះអាជ្ញាធរឃុំបានរៀបចំកម្រោងស្នើសុំទៅស្ថាប័នពាក់ព័ន្ធនឹងអាជ្ញាធរស្រុករួចរហើយ។
សូមបញ្ជាក់ថា ផ្លូវ ៧៨ ចាស់នេះ នៅសេសសល់ ពីធាទឹកទំនប់វារីអគ្គិសនីសេសានក្រោម ២ ដែលរាជរដ្ឋាភិបាលបានសាងសង់ទំនប់ឡើង។ ហើយបងប្អូនប្រជាពលរដ្ឋរស់នៅតាមផ្លូវចាស់នេះមានប្រមាណជិត ២០០គ្រួសារនៅក្នុងភូមិច្រប់ឃុំក្បាលរមាសស្រុកសេសានខេត្តស្ទឹងត្រែងកំពុងអាស្រ័យផលនិងប្រើប្រាស់ផ្លូវនេះជាចាំបាច់សម្រាប់ដោះស្រាយសេដ្ឋកិច្ចគ្រួសារ នៅក្នុងភូមិឃុំនេះតែម្ដង៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ